މޮސްކޯ، ރަޝިއާ (ޖޫން 7) - ޔޫކްރެއިން ހަނގުރާމަ ފެށުމުގެ ކުރިން އެމޯނިއާ ގޭސް އެކްސްޕޯޓް ކުރަން ރަޝިއާއިން ބޭނުންކުރި ޓޮގްލިއަޓީ-އޮޑެއްސާ ހޮޅިއަށް ޔޫކްރެއިނުން ހަމަލާދީފައިވާ ކަމަށް ރަޝިއާއިން ތުހުމަތުކޮށްފި އެވެ.
އެހެން ނަމަވެސް ޔޫކްރެއިނުން ތުހުމަތު ކުރީ ރަޝިއާގެ ފައުޖުތަކުން ގޭސް ހޮޅިއަށް އަމާޒުކޮށް ހަމަލާދިން ކަމަށެވެ. އެއޯ 2،500 ކިލޯމީޓަރު ދިގު ހޮޅިއެކެވެ.
ރަޝިއާގެ ޑިފެންސް މިނިސްޓްރީން ނެރުނު ބަޔާނުގައި ބުނީ ގޭސް ހޮޅި ގޮއްވާލަން ޔޫކްރެއިނުން ދިން ހަމަލާގައި ބައެއް އާއްމުންނަށް އަނިޔާވި ކަމަށާއި އެ މީހުންނަށް ފަރުވާދީފައިވާ ކަމަށެވެ.
އދ. މެދުވެރިވެގެން ކާބޯތަކެތި އެކްސްޕޯޓް ކުރަން އެކުލަވާލި އެއްބަސްވުމުގެ ތެރޭގައި އެ ގޭސް ހޮޅީގެ ވާހަކަ ހިމެނެ އެވެ. ޔޫކްރެއިންގެ ގޮދަން ރައްކާތެރިކަމާ އެކު އެކްސްޕޯޓް ކުރަން މަގުފަހިކޮށްދޭނީ އެ ގޭސް ހޮޅީގެ ބޭނުން އަލުން ހިފޭ ނަމަ ކަމަަށް ރަޝިއާއިން ޝަރުތުކޮށްފައިވެ އެވެ.
ރަޝިއާގެ ފޮރިން މިނިސްޓްރީން ބުނީ ޔޫކްރެއިންގެ ހަމަލާއާ އެކު ދުނިޔޭގައި ބަނޑުހައި ހޫނުކަން މަދުކޮށް ކާބޯތަކެތީގެ އަގު ތިރިކުރަަން އދ. އިން ކުރާ މަސައްކަތަށް ގޮންޖެހުން ކުރިމަތިވާނެ ކަމަށެވެ.
