ޔޫކްރެއިންގެ ބޮޑު އޮޕަރޭޝަނެއް ހުއްޓުވައި 250 ސިފައިން މަރާލާފައިވާ ކަމަށް ރަޝިއާގެ ޑިފެންސް މިނިސްޓްރީން ބުނެފި އެވެ.
އެކަމާ ގުޅޭ ގޮތުން ޔޫކްރެއިނުން ވަކި އެއްޗެއް ނުބުނެ އެވެ. ރަޝިއާއިން ބުނީ ޔޫކްރެއިންގެ އޮޕަރޭޝަން ފެށީ އާދީއްތަ ދުވަހު ޑޮނެސްކް ސަރަހައްދުން ކަމަށެވެ.
އެ އޮޕަރޭޝަނުގެ ޔޫކްރެއިނުން ހަ މެކޭނައިޒްޑް ޓޭންކާއި ދެ ޓޭންކް ބެޓޭލިއަން ބޭނުންކުރި ކަމަށް ރަޝިއާއިން ބުންޏެވެ.
Advertisement
ޔޫކްރެއިނަށް ގެއްލުނުން ބިން އަނބުރާ ހޯދަން އޮޕަރޭޝަނެއް ފަށާނެ ކަމަށް ކުރިން ބުންޏެވެ. އެކަމަކު ފަށާނެ ތާރީހާއި އެކަމާ ގުޅޭ ތަފްސީލް އާއްމުނުކުރެ އެވެ.
ރަޝިއާއިން އާއްމުކުރި ވީޑިއޯއިން ފެންނަނީ ވައިގެ ތެރެއިން އަސްކަރީ އެއްގަަމު އުޅަނދުތަކަށް ހަމަލާ އަމާޒުކުރާ މަންޒަރެވެ. ޔޫކްރެއިންގެ 250 ސިފައިން މަރުވެ، 16 ޓޭންކު ހަލާކުވި ކަމަށް ވެ އެވެ.
