އިންޑިއާ ސަރުކާރުގެ އެހީގެ ދަށުން ކުރިއަށް ގެންދާ 10 މަޝްރުއޫއެއްގެ އެއްބަސްވުމުގައި ސޮއިކޮށްފި އެވެ.
މި އެއްބަސްވުންްތަކުގައި ސޮއިކޮށްފައި ވަނީ އިންޑިއާ ފޮރިން މިނިސްޓްރީގެ ސްޓޭޓު މިނިސްޓަރު ވެއްލަމްވެލީ މުރަލީދަރަން ރާާއްޖެއަށް މިހާރު ކުރައްވަމުން ގެންދަވާ ރަސްމީ ދަތުރުގެ ތެރެއިން މިއަދު ފޮރިން މިނިސްޓްރީގައި ބޭއްވި ރަސްމިއްޔާތެއްގަ އެވެ. އިންްޑިއާ ސަަރުކާރުގެ ހިލޭ އެހީގެ ދަށުން ކުރިއަށް ގެންދިއުމަށް ނިންމާފައިވާ 10 މަޝްރުއޫއެއްގެ އެއްބަސްވުމުގައި މިއަދު ވަނީ ސޮއިކޮޮށްފަ އެވެ.
ފޮރިން މިނިސްޓްރީން ބުނީ މިއަދު ސޮއި ކުރެވުނު ގިނަ ޕްރޮޖެކްޓުތަކަކީ ކުޅިވަރާއި ދުޅަހެޔޮ މުޖްތަމައެއް ބިނާކުރުމަށް ހާއްސަ ޕްްރޮޖެކްޓުތައް ކަމަށެވެ. އަދި ތައުލީމީ ދާއިރާއިންނާއި، ދިވެހި ސަގާފަތް ދިރުވާ އާލާ ކުރުމާ ގުޅުންހުރި މަޝްރުއޫއެއްގެ އިތުރުން ސިއްހީ އަދި ލާމަރުކަޒީ ނިޒާމުގެ ހިންގުން ހަރުދަނާކުރުމަށް އަމާޒުކުރެވޭ މަޝްރުއޫއެއްގެ އެއްބަސްވުމުގައި މިއަދު ވަނީ ސޮއިކޮށްފަ އެވެ.
މިއަދު ސޮއިކުރި އެއްބަސްވުންތައް
- އައްޑޫ ސިޓީ ހިތަދޫ ބޭރުމަތި ދާއިރާއާއި ހިތަދޫ ރަސްގެދަރަ ދާއިރާގައާއި ގދ. ވާދޫ އަދި ހއ. ދިއްދޫގައި އައުޓްޑޯ ޖިމް ގާއިމް ކުރުން
- ށ. މިލަންދޫ ގައި ދުވުމަށް ހާއްސަކޮށްގެން ޓްރެކެއް ގާއިމް ކުރުން
- ފުވައްމުލައް ސިޓީ، ކުޅުދުއްފުށި ސިޓީ، ނ. ކެނދިކުޅުދޫ އަދި ލ.ގަމުގެ ޖުމްލަ ހަތަރު ސްކޫލަކަށް ބަސް ހޯދުން
- ލ. އަތޮޅު ތައުލީމީ މަރުކަޒުގައި ސްކޫލް ޑިޖިޓަލައިޒޭޝަން ޕްރޮގްރާމް ހިންގުމަށް
- މާލޭގައި އާޓްްސް ސެންްޓަރެއް ގާއިމް ކުރުން
- ޑރ. އަބްދުއްސަމަދު މެމޯރިއަލް ހޮސްޕިޓަލުގައި މެންޓަލް ޔުނިޓެއް ގާއިމްްކުރުމަށް
- ޅ. ހިންނަވަރުގައި ކައުންސިލް އިދާރާ އިމާރާތް ކުރުން
އިންޑިއާ އަކީ މި ސަރުކާަރުން ގާތް ގުޅުމެއް ބާއްވަމުން އަންނަ ގައުމެކެވެ. މީގެ ކުރިން ވެސް އިންޑިއާއިން ވަނީ އެ ގައުމުގެ ހިލޭ އެހީގައި ރާއްޖޭގައި މިފަދަ ގިނަ މަޝްރުއޫތަކެއް ހިންގާފަ އެވެ.
