ރަޝިއާގެ ބެލްގޮރޯޑް ސަރަހައްދަށް ޔޫކްރެއިނުން ދިން ހަމަލާތަކުގައި ދެ އަންހެނުން މަރުވެފައިވާ ކަމަށް އެ ތަނުގެ ގަވަރުނަރު ވިދާޅުވެއްޖެ އެވެ.
ވިޔަޗެސްލާވް ގްލަޑްކޯވް ވިދާޅުވީ އެ މީހުން މަރުވީ މަސްލޯވާ ޕްރިސްޓަން އަވަށް ކައިރިން ކާރެއްގައި ދަތުރު ކުރަަނިކޮށް ހިނގި ގޮވުމެއްގައި ޝްރެޕްނެލްގެ އަސަރުކޮށްގެން ކަމަށެވެ.
އެ އަވަށާ ކައިރީގައި އޮންނަ ބްރިޔާންސްކް އަދި ކާސްކް ސަރަހައްދުތަކުގެ އޮފިޝަލުން ބުނީ ދަންވަރު ދިން ޑްރޯން ހަމަލާތަކުގައި އިމާރާތްތަކަށް ގެއްލުންވެފައިވާ ކަމަށެވެ.
އެކަމާ ގުޅޭ ގޮތުން ޔޫކްރެއިނުން ވަކި އެއްޗެއް ނުބުނެ އެވެ.
އެކަމަކު ބޯޑަރު ހުރަސްކޮށް ދޭ ހަމަލާތަކުގައި ބައިވެރި ނުވާ ކަމަށް މީގެ ކުރިން ޔޫކްރެއިން ސަރުކާރުން ބުނެފައި އެވެ. ޔޫކްރެއިނުން ތުހުމަތު ކުރާ ގޮތުގައި އެއީ ރަޝިއާ ސަރުކާރާ ދެކޮޅު ގްރޫޕްތަކުން ދޭ ހަމަލާތަކެވެ.
ބެލްގޮރޯޑްގައި ދެ އަންހެނުން މަރުވި އިރު، އެހެން ކާރެއްގައި ދަތުރު ކުރި ދެ ފިރިހެނުންނަށް ސީރިއަސް އަނިޔާތަކެއް ލިބުނެވެ. އެ ތަނުގެ ގަވަރުނަރު ވިދާޅުވީ ފާއިތުވި 24 ގަޑިއިރުގެ ތެރޭގައި ނުވަ މީހުންނަށް އަނިޔާވި ކަމަށެވެ.
