ރާއްޖެ އާއި ޗާގޯސްއާ ދެމެދުގެ އިން ކަނޑައަޅައި އިޓްލޮސް އިން ނިންމި ނިންމުމަށް ބަދަލު ގެނެވޭނީ ކަމާގުޅޭ މާހިރުންގެ ލަފަޔާއެކު ވިސްނުންތެރިކަމާ އެކު މަސައްކަތް ކޮށްގެން ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް މިއަދު ވިދާޅުވެއްޖެ އެވެ.
ގާސިމް އެހެން ވިދާޅުވީ އިން ވަކިކުރި ގޮތާމެދު ހިތްހަމަނުޖެހި، އެއީ ދިވެހިންގެ ކަނޑުން ބައެއް ވިއްކާލުން ކަމަށް ބުނެ، "ފޯޅަވަހި ކޯލިޝަނުން" އަންނަ ހުކުރު ދުވަހު ބާއްވާ އެއްވުމުގައި ޖުމްހޫރީ ޕާޓީގެ އެއްވެސް މެމްބަރަކު ބައިވެރިނުވުމަށް އެދި އެ ޕާޓީގެ ކައުންސިލްގެ ވަޓްސްއެޕް ގުރޫޕަށް ފޮނުއްވި މެސެޖެއްގަ އެވެ.
"މާހިރުންގެ ލަފައާ އެކު އިޓްލޮސްގެ ނިންމުން ބަދަލު ކުރެވޭނެ އެންމެހައި މަގުތަކެއް ހޯދޭތޯ ހުރިހާ ބޭފުޅުން ވެސް ބުރަކޮށް މަސައްކަތް އެއީ ހަގީގީ ނަތީޖާއެއް ހާސިލުވާނެ މަގުކަމުގައި އަޅުގަނޑު ދެކެން،" އެ މެސެޖުގައި ގާސިމް ލިޔުއްވައިފައިވެ އެވެ.
ޖުމްހޫރީ ޕާޓީގެ ރިޔާސީ ކެންޑިޑޭޓުގެ ގޮތުގައި ވެސް ހުންނެވި، ގާސިމް ވިދާޅުވީ ހުކުރު ދުވަހުގެ އެއްވުމުގެ މިސްރާބާއި ނަތީޖާއަކީ ކޮބައިކަން އެ ޕާޓީގެ ލީޑަޝިޕުގައި ތިއްބެވި ބޭފުޅުންނަށް ވެސް އެނގޭނެ ކަމަށާއި ޖޭޕީން އިސްކުރަންވާނީ ގައުމުގެ އަމަންއަމާންކަމާއި އާންމު މަސްލަހަތު ކަމަށެވެ.
ގާސިމް އެހެން ވިދާޅުވިއިރު، ހުކުރު ދުވަހުގެ އެއްވުމުގައި އެންމެ އިސްކޮށް ހަރަކާތްތެރިވާ އެއް ބަޔަކީ އިދިކޮޅު، ޕީޕީއެމް/ޕީއެންސީ ކޯލިޝަނެވެ. އެ ކޯލިޝަނުން ދަނީ ރާއްޖޭގެ ކަނޑުގެ ސަރަހައްދެއް ވިއްކާލައިފައިވާ ކަމަށް ބުނެ އަވައްޓެރި އިންޑިއާއަށާއި ރާއްޖޭގެ ސަރުކާރަށް ވެސް ސީރިއަސް ތުހުމަތުތަކެއް ކޮށްފަ އެވެ.
