ހަވާ އެރުވުމާއި ގިނަ ހަރަކާތްތަކާއެކު މިފަހަރުވެސް ވެލިދޫގައި އީދު ތަފާތުވާނެ

މިދިޔަ އަހަރު ވެލިދޫގައި ފާހަގަކުރި އީދުގެ ތެރެއިން ދަފި ނަގަނީ : މި އަހަރުވެސް ވެލިދޫގެ އީދު ތަފާތުވާނެ - ފޮޓޯ: ވެލިދޫ އީދު އުފާ

މިދިޔަ އަހަރު ވެލިދޫގައި ފާހަގަކުރި އީދުގެ ތެރެއިން ދަފި ނަގަނީ : މި އަހަރުވެސް ވެލިދޫގެ އީދު ތަފާތުވާނެ - ފޮޓޯ: ވެލިދޫ އީދު އުފާ

ވެލިދޫގެ ރައްޔިތުންނަކީ އިހު ޒަމާނުއްސުރެ ފޯރީގައި އީދު ފާހަގަކުރަމުން އައި ބަޔެކެވެ. ހާއްސަކޮށް އަލްހާ އީދު ފާހަގަކުރުމުގައި ގިނަ ކުޅިވަރުތައް ކުޅެ، ރަށުގެ އެންމެން ބައިވެރިވެގެން މަޖާ ނަގާ، އުފާ ފާޅުކުރުމަކީ ރާއްޖޭގެ ހުރިހާ ރަށެއްގައިވެސް އެކި ސިފައިގައި ކުރަމުން އަންނަ ކަމެކެވެ. އެގޮތުން, ކުލަގަދަކޮށް ރާއްޖޭގައި އީދު ފާހަގަކުރާ އެއް ރަށުގެ ގޮތުގައި އަބަދުވެސް މަޝްހޫރު ނ. ވެލިދޫ، މި އަހަރުވެސް ތައްޔާރުވަމުން ދަނީ ކުލަގަދަ، ތަފާތު އީދެއް ފާހަގަކުރުމަށެވެ.

ޒަމާނާއެކު އީދުގެ ކުޅިވަރުތައްވެސް ކުރިއަރާ، ފަހުގެ ވައްޓަފާޅިއަށް ފެތެމުންދިޔަ ނަމަވެސް ވެލިދޫ އަކީ އަބަދުވެސް އެންމެ އިހުގެ ކުޅިވަރުތައް ހިމަނައިގެން އީދު ފާހަގަކުރާ ރަށެކެވެ.

ވެލިދޫ ކައުންސިލްގެ ރައީސް އާތިފް ހުސެއިން "އަދަދު" އަށް ވިދާޅުވީ މި އަހަރުގެ އީދަށް ވެލިދޫއަށް ޒިޔާރަތް ކުރުމަށް ގިނަ ބަޔަކު ރާވަމުންދާކަން ކައުންސިލަށްވެސް އެނގޭ ކަމަށާއި އުންމީދަކީ ވެލިދޫގައި އަބަދުވެސް ފާހަގަކުރާ ފަދަ ތަފާތު، ފޯރިގަދަ އީދެއް މި އަހަރުވެސް ފާހަގަކުރުން ކަމަށެވެ.

Advertisement
ވެލިދޫގައި މިދިޔަ އަހަރު ކުރިއަށް ގެންދިޔަ އީދު މަޅި ޖެހުމުގެ ހަރަކާތް - ފޮޓޯ: ވެލިދޫ އީދު އުފާ
ވެލިދޫގައި މިދިޔަ އަހަރު ކުރިއަށް ގެންދިޔަ އީދު މަޅި ޖެހުމުގެ ހަރަކާތް - ފޮޓޯ: ވެލިދޫ އީދު އުފާ

ވެލިދޫގައި މިދިޔަ އަހަރު ކުރިއަށް ގެންދިޔަ އީދު މަޅި ޖެހުމުގެ ހަރަކާތް - ފޮޓޯ: ވެލިދޫ އީދު އުފާ

ވެލިދޫ އީދު ކުޅިވަރުތައް

ވެލިދޫގައި އީދު ކުޅިވަރުތައް ފެށަނީ އީދު ވިލޭރޭ އެވެ. އެގޮތުން, އިރާކޮޅު ރަންފޮށި އުފުލުމާއި އީދު މަޅިޖެހުން، އަދި މެންދަމު އީދު ނެރުމަކީ ވެލިދޫގައި ވޭތުވެދިޔަ 50 އަކަށް އަހަރުވެސް، ކޮންމެ ބޮޑު އީދެއް ފެށުމުގެ ގޮތުން މެދުކެނޑުމެއްނެތި ހިންގި ހަރަކާތްތަކެކެވެ.

ސަގާފީ ގޮތުން ދިވެހިން އީދާއި ގުޅުވައިގެން ކުޅޭ އެކި ކުޅިވަރުތަކުގެ މުބާރާތްތައް ވެސް ވެލިދޫގެ އީދު ހަރަކާތްތަކުގެ ތެރޭގައި ހިމެނިގެން ކުރިއަށްގެންދެ އެވެ. އޭގެ ތެރޭގައި މި އަހަރު ބޭއްވުމަށް ހަމަޖެހިފައިވަނީ ފައިގަތަޅާ އަދި ވާދެމުމުގެ މުބާރާތެކެވެ. ޒަމާނީ ކުޅިވަރުތަކަށް ބަލާއިރު ބައިސްކަލް އަދި ސައިކަލް ރޭހާއި ކަލާ ރަން ހިމެނެ އެވެ.

މިދިޔަ އަހަރު އީދުގެ ތެރެއިން ވެލިދޫގައި ކުރިއަށް ގެންދިޔަ ކަލާ ރަންގެ ތެރެއިން - ފޮޓޯ: ވެލިދޫ އީދުއުފާ
މިދިޔަ އަހަރު އީދުގެ ތެރެއިން ވެލިދޫގައި ކުރިއަށް ގެންދިޔަ ކަލާ ރަންގެ ތެރެއިން - ފޮޓޯ: ވެލިދޫ އީދުއުފާ

މިދިޔަ އަހަރު އީދުގެ ތެރެއިން ވެލިދޫގައި ކުރިއަށް ގެންދިޔަ ކަލާ ރަންގެ ތެރެއިން - ފޮޓޯ: ވެލިދޫ އީދު އުފާ

އޭގެއިތުރުން، އީދުގެ ފުރަތަމަ ތިން ރޭ ސްޓޭޖް ޝޯ ބޭއްވުމަށް ހަމަޖެހިފައިވާއިރު، އީދު ދުވަހުގެ ރޭ ވެލިދޫގައި އީދުގެ އުފާ ފާޅުކުރުމަށް ހަވާ އެރުވުމަށްވެސް ވަނީ ހަމަޖެހިފަ އެވެ. މި ޝޯތައް ދިނުމަށް ރާއްޖޭގެ މަޝްހޫރު ގްރޫޕްތަކާއި ބޭންޑުތަކާ އެކު ވެލިދޫ އީދު ކޮމިޓީއިން ދަނީ މިހާރު މަޝްވަރާކުރަމުންނެވެ.

ޒަމާނުއްސުރެ އީދު ފާހަގަކުރުމަށް ހިންގޭ ހަރަކާތްތަކުގެ ތެރެއިން، މަސްކުޅުން، ދަފިނެގުން، ކޯޑިކުޅުން، ދެލިމާލި ހެދުންފަދަ އެތައް ހަރަކާތެއްވެސް މި އަހަރު ވެލިދޫގައި ކުރިއަށް ގެންދިއުމަށް ވަނީ ހަމަޖެހިފަ އެވެ.

މި އަހަރު ވެލިދޫގެ އީދު ހަރަކާތްތަކާއި، ތައްޔާރީތައް އަދި އީދު ކުރިއަށްދާ ގޮތް "އަދަދު" އިން ގެނެސްދެމުން ގެންދާނެ އެވެ.

ދެހާސް ފަސް ސަތޭކައަށްވުރެ މީހުންގެ އެކުވެރި އާބާދީއެއް އޮންނަ ވެލިދޫއަކީ އީދު ފާހަގަކުރުމުގައި އަބަދުވެސް ފާހަގަކޮށްލެވޭ ރަށެކެވެ. އީދުގެ ދުވަސްތަކަށް ވެލިދޫއަށް ކޮންމެ އަހަރަކު މާލެއިން އަދި އަތޮޅުގެ ރަށްރަށާއި ކައިރި އަތޮޅުތަކުން އެތައް ހާސް މެހެމާނުންނެއް ވެލިދޫއަށް ޒިޔާރަތްކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox