ސިފައިންގެ 57 މައްސަލައެއް ކުށުގެ ރެކޯޑަށް ނާރާ ގޮތަށް ފައިލުކޮށްފި

މާލޭގެ މަގެއްގައި ސިފައިން ހަރަކާތްތެރިވަނީ؛ މިނިސްޓަރު މާރިޔާ ވިދާޅުވީ ސިފައިންނާ ގުޅުންހުރި 57 މައްސަލައެއް ކުށުގެ ރެކޯޑަށް ނާރާގޮތަށް ފައިލްކުރެވިފައިވާކަަމަށް -- ފޮޓޯ: އަދަދު

މާލޭގެ މަގެއްގައި ސިފައިން ހަރަކާތްތެރިވަނީ؛ މިނިސްޓަރު މާރިޔާ ވިދާޅުވީ ސިފައިންނާ ގުޅުންހުރި 57 މައްސަލައެއް ކުށުގެ ރެކޯޑަށް ނާރާގޮތަށް ފައިލްކުރެވިފައިވާކަަމަށް -- ފޮޓޯ: އަދަދު

ސިފައިންގެ އަދުލުގެ ނިޒާމުގެ ތެރެއިން 57 މައްސަލައެއް ކުށުގެ ރެކޯޑަށް ނާރާގޮތަށް ފައިލުކޮށްފި އެވެ.

ސިފައިންގެ އެޖުޓަންޓް ޖެނެރަލް ކޯގެ ތިން ވަނަ އަހަރީ ދުވަސް ފާހަގަކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ޑިފެންސް މިނިސްޓަރ މާރިޔާ އަހުމަދު ދީދީ ވިދާޅުވީ ސިފައިންގެ އަދުލުގެ ނިޒާމަކީ ހަމައެކަނި މައްްސަލަތައް ޕްރޮސެކިއުޓުކޮށް އަދަބުދިނުން ނޫން ކަމަށެވެ.

އެ ކުށެއްގެ ބާވަތަށް ބަލައި، އަދި ތުހުމަތުކުރެވޭ ފަރާތުގެ ކުށުގެ ރެކޯޑަށް ބަލައި ނަސޭހަތްދީ އެ މައްސަލައެއް އިތުރަށް ކުރިއަށް ނުގެންދިއުމަށްް ވެސް މި ނިޒާމުން ޖާގަދޭ ކަމަށް އޭނާ ވިދާޅުވި އެވެ.

"މިގޮތަށް މިހާތަނަށް 57 މައްސަލައެއްގައި ރެކޯޑަށް ނާރާ ގޮތަށް ނަސޭހަތްދީ މައްސަލަ ފައިލް ކުރެވިފައިވާކަމަށް އަޅުގަނޑަށްވަނީ މަޢުލޫމާތު ލިބިފަ. މާނައަކީ، ސިފައިންގެ ކުށުގެ ރިކޯޑުތައް އިތުރުކުރުމުގެ ބަދަލުގައި، އިސްލާހުވުމާއި، ކަންކަން ކުރުމުގައި ފަރުވާތެރިވެ ހަރުދަނާވުމާއި، އަސްކަރީ އަދަބު އަހުލާގު މަތީ ދެމިތިބުމަށް މިނިޒާމުން ބާރުއަޅާ." މާރިޔާ ވިދާޅުވި އެވެ.

މާރިޔާ ވިދާޅުވީ ސިފައިން ވާންވާނީ ގާނޫނަށް ބޯލެނބުމުގައި ނަމޫނާ ބަޔަކަށް ކަމަށެވެ. އަދި ސިޔާސީ އެއްވެސް ހަރަކާތެއްގައި ބައިވެރިނުވުމަށް ވެސް އޭނާ ނަސޭހަތްތެރި ވިއެވެ.

މާރިޔާ ވިދާޅުވީ ސިފައިންގެ އަދުލުގެ ނިޒާމުގެ އެންމެ ބޮޑު ބޭނުމަކީ މައްސަލަ ރައްދުވާ ފަރާތަށް އޭނާގެ ދިފާޢުގައި ބަސްބުނުމުގެ ފުރުސަތު ދިނުން ކަމަށެވެ.

މައްސަލަ ނިންމާ ގޮތް ރަނގަޅު ނޫންކަމަށް ގަބޫލުކުރާ ނަމަ އެޕީލްކުރުމުގެ ފުރުސަތުވެސް މި ނިޒާމުގެ ތެރެއިން ލިބިދޭކަމަށެވެ. އަދި މައްސަލަ ރައްދުވާ ފަރާތަށް ގާނޫނީ އެހީތެރިކަން ވެސް މި ނިޒާމުގެ ތެރެއިން ލިބޭނެ ކަމަށް އޭނާ ވިދާޅުވި އެވެ.

"ތުހުމަތު ކުރެވޭ ފަރާތަށް، އެމީހެއްގެ މައްޗަށް ކުރެވެނީ ކޮން ތުހުމަތެއްކަން އަންގައި ދެވޭ. ދިފާއުގައި ޖަވާބްދާރީ ވުމުގެ ފުރުސަތު ފަހިކޮށް ދެވޭ. އަދި، މައްސަލަ ނިމޭ ގޮތާމެދު ހިތްހަމަ ނުޖެހޭ ފަރާތްތަކަށް ދެމަރުޙަލާއެއްގައި އެޕީލްކުރުމުގެ ފުރުސަތު އަސްކަރީ އަދުލުގެ ނިޒާމުގެ ތެރެއިން ހޯދައިދެވިފައިވޭ." މާރިޔާ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox