ހަ ބިލިއަން ޑޮލަރަށް އާމްދަނީ އިތުރު ކުރުމަށް އަމާޒުކޮށް ޓޫރިޒަމް ފަސް ވަނަ މާސްޓަޕްލޭން ނެރެފި

ޓޫރިޒަމްގެ ފަސް ވަނަ މާސްޓަ ޕްލޭން އެކުލަވާ ލެއްވުމުގައި އިސްކޮށް މަސައްކަތް ކުރެއްވި ބޭފުޅުން: މި މާސްޓަ ޕްލޭނު އެކުލަވާލީ އޭޑީބީގެ ހިލޭ އެހީގައި -- ފޮޓޯ ޓޫރިޒަމް މިނިސްޓްރީ

ޓޫރިޒަމްގެ ފަސް ވަނަ މާސްޓަ ޕްލޭން އެކުލަވާ ލެއްވުމުގައި އިސްކޮށް މަސައްކަތް ކުރެއްވި ބޭފުޅުން: މި މާސްޓަ ޕްލޭނު އެކުލަވާލީ އޭޑީބީގެ ހިލޭ އެހީގައި -- ފޮޓޯ ޓޫރިޒަމް މިނިސްޓްރީ

މާސްޓާ ޕްލޭނުގެ މުއްދަތު ނިމޭއިރު، ރާއްޖެ އަށް ޓޫރިޒަމުން ލިބޭ އާމްދަނީ އަހަރަކު ހަ ބިލިއަން ޑޮލަރަށް އިތުރު ކުރުމަށް އަމާޒުކޮށް އެކުލަވާލި ފަސް ވަނަ ޓޫރިޒަމް މާސްޓް ޕްލޭން މިއަދު އިފުތިތާހުކޮށްފި އެވެ.

އެމްއެންޔޫ އޮޑިޓޯރިއަމްގައި ބޭއްވި ރަސްމިއްޔާތެއްގައި، 2023 އިން 2027 އަށް އެކުލަވާލާފައިވާ މާސްޓް ޕްލޭން ނެރެ ދެއްވީ އިކޮނޮމިކް މިނިސްޓަރު ފައްޔާޒު އިސްމާއިލެވެ. އެ މާސްޓް ޕްލޭން އެކުލަވާލީ އޭޑީބީގެ ހިލޭ އެހީގައި 10 ކޮންސަލްޓެންޓުން އައްޔަން ކޮށްގެނެވެ.

މާސްޓް ޕްލޭން އެކުލަވާލުމުގައި އެންމެ އިސްކޮށް މަސައްކަތް ކުރެއްވި ޓޫރިޒަމް މިނިސްޓަރުގެ ނައިބު ޑރ. ނައުޝާދު މުހައްމަދު ވިދާޅުވީ ރާއްޖެ އަކީ ހުރިހާ ގިންތިއެއްގެ ޓޫރިސްޓުންނަށް އާދެވޭ، ދުނިޔޭގެ އެންމެ މަގުބޫލު މަންޒިލުގެ ގޮތުގައި ދަމަހައްޓައި ޓޫރިޒަމުން ލިބޭ އާމްދަނީ އިތުރު ކުރުމަށް ކުރަންޖެހޭ ކަންކަމަށް މާސްޓާ ޕްލޭންގައި ވިސްނަވާފައިވާނެ ކަމަށެވެ.

Advertisement

މިހާރު ރާއްޖެ އަށް ޓޫރިޒަމުން އަހަރަކު ލިބޭ އާމްދަނީ 4.2 ބިލިއަން ޑޮލަރުން ހަ ބިލިއަން ޑޮލަރަށް އިތުރު ވާނެ ރޭވުންތައް މާސްޓް ޕްލޭނުގައި ހިމަނާފައިވާނެ ކަމަށް ވެސް އޭނާ ވިދާޅުވި އެވެ.

"އެ އާމްދަނީ އެގޮތަށް ބަލާފައިވަނީ ފިނޭންސް މިނިސްޓްރީ އާ ވެސް މަޝްވަރާ ކޮށް، ޓޫރިސްޓުން ރާްއްޖެގައި ހޭދަކުރާ ރޭގެ އަދަދު އަހަރު އެވަރެޖްކޮށް 8.8 ޕަސެންޓް އިިތުރުވާނެ ކަމަށް ބަލާފައި،" ނައުޝާދު ވިދާޅުވި އެވެ.

މާސްޓް ޕްލޭނުގައި ބަޔާން ކޮށްފައިވާ ގޮތުގައި ޓޫރިޒަމުން މިއަހަރު ލިބޭނެ ކަމަށް ފިނޭންސް މިނިސްޓްރީން އަންދާޒާ ކުރަނީ 4.2 ބިލިއަން ޑޮލަރެވެ. ޓޫރިސްޓުން ހޭދަކުރާ ރޭގެ އަދަދު 8.8 ޕަސެންޓުގައި އިތުރު ވާނެ ކަމަށް ބަލާފައިވާއިރު، 2023 ވަނަ އަހަރު 13 މިލިއަނުން 2027 ވަނަ އަހަރު 18 މިލިއަނަށް އިތުރުވާނެ ކަމަށް ބަޔާން ކޮށްފައިވެ އެވެ. މިދިޔަ އަހަރު ރާއްޖޭގައި ޓޫރިސްޓުން ހޭދަ ކޮށްފައި ވަނީ 11.9 މިލިއަން ރެ އެވެ.

ރަސްމިއްޔާތުގައި ވާހަކަ ދައްކަވަމުން ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވީ ފާއިތުވި 50 އަހަރު ރާއްޖެ އަކީ ޓޫރިޒަމްގެ ކާމިޔާބު ގައުމެއް ކަމަށާއި އަދި ވެސް ކުރިއަށްދާން ޖެހޭނީ ރާއްޖެއިން އިސްކަން ދީފައިވާ "ވަން ރިސޯޓް ވަން އައިލެންޑް" ކޮންޝެޕްޓާއި އެކު، އިތުރަށް ޓޫރިޒަމް ފުޅާ ކުރުމަށް ކުރެވެން ހުރި ގޮތްތަކަށް ބަލައިގެން ކަމަށެވެ.

ރަނގަޅަށް ކުރަމުން އަންނަ ދަތުރެއްގެ މިސްރާބު ބަދަލުކުރާކަށް ނުވާނެ، އާ މާސްޓަ ޕްލޭނަކީ ޓޫރިޒަމްގެ އާ ފެށުމެއް ނޫން،" މައުސޫމް ވިދާޅުވި އެވެ.

ސިމާދު ސައީދު އިސް ކޮންސާލްޓެންޓެއްގެ ގޮތުގައި ހުންނަވައިގެން އެކުލަވާލި ފަސް ވަނަ ޓޫރިޒަމް މާސްޓް ޕްލޭނުގައި 15 އަމާޒެއް ކަނޑައަޅަފައިވެ އެވެ. އެއީ:

  1. ހުރިހާ އަތޮޅަކަށް ޓޫރިޒަމުން ލިބޭ މަންފާ އިތުރުކުރުން.
  2. ޓޫރިޒަމް އިސްތިހާރު ކުރުމަށް ހިއްސާ ކުރެވޭ މައުލޫމާތު އެންމެ ރަނގަޅު ގޮތަށް ހިއްސާކުރުން.
  3. އާ އުފެއްދުންތަކާއި ތަޖުރިބާތައް ތައާރަފު ކުރުން.
  4. މޫސުމަށް އަންނަ ބަދަލުތަކަށް ރައްކާތެރިވެ، ގުދުރަތީ ހަރާޒާ މުއްސަނދި ކުރުން.
  5. ހަކަތަ އިން ތިމާވެއްޓަށް ކުރާ އަސަރު ކުޑަކޮށް 'ނެޓް ރީރޯ' ހާސިލު ކުރުމަށް މަސައްކަތް ކުރުން،
  6. ޒަމާނީ ފެންވަރުގެ ދަތުރުފަތުރުގެ ހިދުމަތް ގާއިމު ކުރުން.
  7. މަސައްކަތްތެރިން ދަމަހައްޓާ، ސިނާއަތަށް ޝައުގުވެރި ކުރުން.
  8. އިންވެސްޓުމަންޓު ތަކާއި އީޖާދީ ފައިނޭންސް ކުރުމުގެ ފުރުސަތުތަކަށް މަގުފަހި ކުރުން
  9. ވިޔަފާރި އަށް މަގުފަހި ކުރުމަށް ގާނޫނީ ބަދަލު ތަކާއި އިސްލާހުތައް ގެނައުން.
  10. ދާއިރާ ޑިޖިޓަލައިޒް ކުރުން.
  11. ސަރުކާރުގެ ހުރިހާ މުއްސަސާ ތަކުން އެއް އަމާޒަކަށް މަސައްކަތް ކުރުން
  12. ހޯދުން ތަކާއި ދިރާސާ ތަކަށް ބިނާކޮށް ޓޫރިޒަމް ފުޅާކުރުން.
  13. ސިއްހަތާއި ސަލާމަތާއި ގުޅޭ ނިޒާމު ތަކާއި ސިސްޓަމްތައް ވަރުގަދަ ކުރުން.
  14. ދާއިމީ ހެޔޮ ބަދަލެއް ގާއިމު ކުރެވޭނެ މިންގަނޑު ތަކެއް ތައާރަފު ކުރުން.
  15. އުމުރުން ދަވަސްވީ ފަރާތްތަކާއި ހައްސަ އެހީއަށް ބޭނުންވާ ފަރާތްތަކުގެ ވެސް މަންޒިލަކަށް ހެދުން.

ވޭތުވެދިޔަ ހަތަރު އަހަރުގެ ޓޫރިޒްމަގެ ކަންކަން ނިންމާފައި ވަނީ މާސްޓަ ޕްލޭނެއް ނެތި އެވެ. ޓޫރިޒަމް މިނިސްޓްރީން ބޫނީ މާސްޓް ޕްލޭނުގައި ހިމެނޭ ކަންތައް ތަންފީޒު ކުރުމަށްޓަކައި އެކްސަން ޕްލޭންތައް ވެސް ފަހުން އެކުލަވާލާނެ ކަމެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox