އިއްޔެ އަކީ ރާއްޖޭގެ ސިޔާސީ ހަޔާތުގައި ތާރީހީ ދުވަހެކެވެ. ކުރީގެ ރައީސް މައުމޫން އަބްދުލް ގައްޔޫމް އިސްވެ އުފެއްދެވި މޯލްޑިވްސް ރިފޯމް މޫވްމަންޓު (އެމްއާރުއެމް) އުވާލަން އިލެކްޝަންސް ކޮމިޝަނުން ނިންމިއިރު، ކުރީގެ ރައީސް މުހައްމަދު ނަޝީދުގެ ހިޔަނީގައި އުފައްދަވާ ދަ ޑިމޮކްރެޓްސް ޕާޓީ އުފެއްދުމުގެ ހުއްދަ އެ ކޮމިޝަނުން ދިނެވެ.

އެމްއާރުއެމް އުވާލަން މިއަދު ނިންމީ އެ ޕާޓީއަށް 3,000 މެމްބަރުން ހަމަނުކުރެވިގެންނެވެ. އެމްއާރުއެމްގެ މެމްބަރުންގެ އަދަދު ގާނޫނުގައި ބުނެފައިވާ އަދަދަށް ނުހިފެހެއްޓޭތީވެ، އެ ޕާޓީ އުވާލާނެ ކަމުގެ އިންޒާރު ކުރިން ވަނީ ދީފަ އެވެ.

އެންމެ ފަހުން އިލެކްޝަންސް ކޮމިޝަނުން އާންމު ކުރި ތަފާސް ހިސާބުތަކުން ދައްކާ ގޮތުގައި އެ ޕާޓީގައި އޭރު ތިބީ 2،900 މެންބަރުންނެވެ.

titledesc

ރައީސް އިބްރާހިމް މުހައްމަދު ސޯލިހު ވެރިކަމަށް ވަޑައިގެންނެވި ކޯލިޝަނުގައި އެމްއާރުއެމް ހިމެނެ އެވެ. އެ ޕާޓީގެ ސްލޮޓުގައި ތިއްބެވި ދެ ބޭފުޅަކު ސަރުކާރުގެ ދެ ވުޒާރާއެއްގެ މިނިސްޓަރުންގެ ގޮތުގައި އެބަތިއްބެވި އެވެ. އެއީ ހެރިޓޭޖު މިނިސްޓަރުގެ ގޮތުގައި ހުންނެވި މައުމޫންގެ ދަރިކަނބަލުން ޔުމްނާ މައުމޫން އާއި ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން އެވެ.

އެ ޕާޓީ އުވާލަން ނިންމާފައިވާއިރު، އެ ޕާޓީގެ އިސްކޮށް ތިއްބެވި 11 މެންބަރަކު ވަނީ މި ފަހުން އިސްތިއުފާ ދީފަ އެވެ.

އެމްއާރުއެމް އުވާލާފައި މިވަނީ ސެޕްޓެމްބަރުގައި އޮންނަ ރިޔާސީ އިންތިހާބާ ގުޅޭގޮތުން އެ ޕާޓީން ގޮތެއް ނިންމާފައި ނުވަނީހެވެ. ކޯލިޝަންގެ ދައުވަތު ރައީސް ސޯލިހު ވެސް ދެއްވާފައިވާއިރު އެ ޕާޓީން ގެންދަނީ ސިޔާސީ އެހެން ބައެއް ޕާޓީތަކާ އެކު ވެސް މަޝްވަރާ ކުރަމުންނެވެ. އަދި, އެމްއާރުއެމްގެ ރައީސްގެ މަގާމުގައި ހުންނެވި ފާރިސް މައުމޫން ވަކިން ވާދަކުރައްވާނެ ކަމުގެ އިޝާރާތެއް ވެސް ވަނީ ދެއްވާފަ އެވެ.

މުހިންމު ބައެއް ހަބަރު

އެޑިޓަރުގެ ހޮވުން

ތިރީގައި މިވަނީ އެ އާޕާޓީ އުފެއްދުމުގެ މަސައްކަތުގައި އެންމެ އިސްކޮށް ހުންނެވި އެއް ލީޑަރު، ރައްޔިތުންގެ މަޖިލީހުގެ މިވަގުތުގެ ނައިބު ރައީސް އީވާ އަބްދުﷲ "އަދަދު" އަށް ދެއްވި ހާއްސަ އިންޓަވިއުއެއްގައި މި ނޫހުން ކުރި ބައެއް ސުވާލުތަކަށް އޭނާ ދެއްވި ޖަވާބުތަކެވެ.

ދުވަހުގެ ކޯޓޭޝަން

ދަ ޑިމޮކްރެޓްސް ޕާޓީ އުފެއްދުމަށްޓަކައި އެމްޑީޕީން ވަކިވި ރައްޔިތުންގެ މަޖިލީހުގެ ނައިބު ރައީސް އީވާ އަބްދުﷲ އަދަދު ނޫހަށް ދެއްވި އިންޓަވިއުގައި ވިދާޅުވީ؛

އަޅުގަނޑު ހަމަ ހަގީގަތުގަވެސް، އަޅުގަނޑުގެ އަމާޒު މިވަގުތު މިހުރީ ވީހާވެސް އަވަހަށް އަޅުގަނޑުމެންގެ އާ ޕާޓީ ހަރުދަނާ ކުރުމަށް. އަދި ސެޕްޓެމްބަރު 9، ގަ އޮތް ރިޔާސީ އިންތިހާބަށް އަޅުގަނޑުމެން ކެންޑިޑޭޓަކު ނެރޭނަން. އެހެންވީމަ އެޔަށް ވީހާވެސް ބޮޑަކަށް ތައްޔާރުވާން އަޅުގަނޑުގެ އަމާޒު މިހުރީ. އަޅުގަނޑު އިތުރަށް ކުރިމަތިލާނީ ކޮން މަގާމަކަށް ކަމާމެދު ޖަވާބެއް ދެވޭކަށް ނެތް."

ދުވަހުގެ ފޮޓޯ

އަމީނީ މަގު ހެދުމުގެ މަސައްކަތް ކުރިއަށް ގެންދަނީ. -- ފޮޓޯ: އަބްދުﷲ އިޔާން/ އަދަދު