މާލޭގައި ކޮންމެ ބޮލަކަށް 1.7 ކިލޯ އަދި އަތޮޅުތެރޭ ރަށްރަށުގައި ކޮންމެ ބޮލަކަށް 800 ގްްރާމު ކުނި ދުވާލެއްގެ މައްޗަށް އުފައްދަ އެވެ. އުފެދޭ ކޮންމެ ކުނި ޓަނެއް ނައްތާލުމަށް 2400ރ. ހޭދަކުރަން ޖެހެ އެވެ.
ކުނި ނެގުމުގެ މަސައްކަތަކީ ވެސް އެކި ގޮތް ގޮތުން އެކަމަށް ބޮޑެތި އަދަދުތަކުން ފައިސާ ހޭދަވާ ކަމަކަށް ވާއިރު، މިހާ ކުޑަ އިންސައްތައެއް ދައްކާ ފީއިން ދެކޮޅު ނުޖެހޭ ކަމަށް ވެމްކޯއިން ބުނެ އެވެ. އަދި, ގިނަ ބަޔަކު ބިލު ނުދައްކަނީ ދައްކަން ބޭނުން ނުވާތީ ނޫން ކަމަށާއި، އެއީ އެކަމުގެ ތަކުލީފު ބޮޑުވީމަ ކަމަށެވެ.
މިދިޔަ އޭޕްރީލް މަހުން ފެށިގެން ކުނި މެނޭޖުކުރުމުގެ ގަވާއިދަށް ގެނެވުނު އިސްލާހުތަކާއެކު ކަރަންޓު ބިލު އަދި ވެމްކޯ ބިލު އެއްކޮށްލުމަށް ވަނީ ނިންމާފަ އެވެ. މިގޮތަށް ނިންމާފައި ވަނީ މުޅި މާލެ ސަރަހައްދުން ވެމްކޯއިން ކުނި ނަގަމުން ދިޔަ ނަމަވެސް ކުނި ބިލު ދައްކަނީ އޭގެއިން 27 އިންސައްތަ ގޭބިސީތަކުން ކަމަށް ވާތީ އެވެ.
މިކަން ކުރާނީ ކިހިނެއް؟
މި ބަދަލާއެކު ވެމްކޯއަށް ދައްކަން ޖެހޭ 150 ރުފިޔާގެ ފީ ދެން ވަކިން ދައްކާކަށް ނުޖެހޭނެ އެވެ. ސްޓެލްކޯގެ ކަރަންޓު ބިލުގައި ވެމްކޯގެ ފީ ވަކި "ލައިން އައިޓަމް" އެއްގެ ގޮތުގައި ހިމެނިފައިވާނެ އެވެ. އެއްކޮށްފައި ފޮނުވާ ފުރަތަމަ ބިލަކީ މިހިނގާ މެއި މަހުގެ ބިލު ކަމަށް ވެމްކޯއިން ބުނެ އެވެ.
ވެމްކޯ ބިލާއެކު ކަރަންޓު ބިލު ފޮނުވާނީ ކޮންމެ މަހަކު 50 އަށްވުރެ ގިނަ ޔުނިޓު ބޭނުންކޮށްފައި ހުންނަ ނަމަ އެވެ. ނޫން ނަމަ ބަލާނީ އެ ގޭބިސީއެއްގައި މީހުން ދިރިނޫޅޭ ކަމަށެވެ. މި ބަދަލު ގެންނަ އިރު އެއް ގޭބިސީއެއްގައި ދެ މީޓަރު ހުންނަ ނަމަ ޗާޖުކުރަނީ އެއް މީޓަރަށެވެ. އެފަދަ މީޓަރުތައް ދެނެގަތުމަށް ވެމްކޯއިން ވަނީ ސާވޭއެއް ފަށާފަ އެވެ.
މި ބަދަލުގެ ސަބަބުން އާންމުންނަށް ލިބޭނެ ފައިދާ؛
- ވަކިން ފީދައްކަން ނުޖެހުން
- ވެމްކޯގައި ރަޖިސްޓްރީވާން ނުޖެހުން
- ފީ ޗާޖު ކުރާނީ މީހުން ދިރިއުޅޭ ތަންތަނުގައި ލާފައިހުރި ކަރަންޓު މީޓަރު ތަކަށް އެކަނި
- ދައްކަން ޖެހޭ ބިލުތައް މަދުވުން
ކުނި މެނޭޖު ކުރުމުގެ މައްސަލައަށް ދާއިމީ ހައްލެއް ހޯދުމުގެ މަގުސަދުގައި ވެމްކޯ އުފެއްދީ މީގެ ހަތް އަހަރު ކުރިން އޭރުގެ ސަރުކާރުންނެވެ. އޭރު ބިލުތަކުގެ އޮނިގަނޑު އެކުލަވާލައިފައި އޮތް ގޮތުންނާއި އެ ކުންފުނީގައި ގޭބިސީތައް ރެޖިސްޓާ ކުރުމަށް އެއްވެސް މަޖުބޫރު ކަމެއް ނެތުމުގެ ސަބަބުން މިއަދާ ހަމައަށް ވެސް އެ ކުންފުނީގައި ރެޖިސްޓާ ކޮށްފައި ވަނީ މާލޭގެ ގެބިސީތަކުގެ ގާތްގަނޑަކަށް 35 އިންސައްތަ އެވެ.
ދެ ބިލް އެއްކޮށްލުމުގެ ފަސްފަހަތް
ކުނި މެނޭޖު ކުރުމުގެ މައްސަލައަށް ދާއިމީ ހައްލެއް ހޯދުމުގެ މަގުސަދުގައި ވެމްކޯ އުފެއްދީ މީގެ ހަތް އަހަރު ކުރިން އޭރުގެ ސަރުކާރުންނެވެ. އޭރު ބިލުތަކުގެ އޮނިގަނޑު އެކުލަވާލައިފައި އޮތް ގޮތުންނާއި އެ ކުންފުނީގައި ގޭބިސީތައް ރެޖިސްޓާ ކުރުމަށް އެއްވެސް މަޖުބޫރު ކަމެއް ނެތުމުގެ ސަބަބުން މިއަދާ ހަމައަށް ވެސް އެ ކުންފުނީގައި ރެޖިސްޓާ ކޮށްފައި ވަނީ މާލޭގެ ގެބިސީތަކުގެ ގާތްގަނޑަކަށް 35 އިންސައްތަ އެވެ.
އެހެންނަމަވެސް ވެމްކޯގައި ރެޖިސްޓާ ނުކުރާ ގޭބިސީތަކުން އުފައްދާ ކުނި ވެސް އެ ގޭގެއިން މަގުމައްޗަށް ނެރެ އެވެ. މަލޭގެ އާބާދީގެ މަދު ބަޔަކު ފިޔަވައި ގިނަ ގޭބިސީތަކުން މިއަދާ ހަމައަށް ވެސް ކުނި އުކަމުން ދަނީ އެއްވެސް ފައިސާއެއް ނުދައްކަ އެވެ.
އެ މައްސަލައަށް ހައްލެއް ހޯދުމަށްޓަކައި ކަރަންޓު ބިލާއި ވެމްކޯގެ ބިލު އެއްކޮށްލުމުގެ މަސައްކަތް ކުރަމުންދާ ކަމަށް އެންވަރަމަންޓު މިނިސްޓަރު، އާމިނަތު ޝައުނާ ވިދާޅުވީ މިދިޔަ ޑިސެމްބަރު މަހު އެވެ.
އޭގެކުރިން ވެމްކޯއިން ވަނީ އެޕްރީލް މަހު ދެ ބިލް އެއްކޮށްލެވޭނެ ކަމަށް ބުނެފަ އެވެ. ނަމަވެސް އެކި ސަބަބުތަކާހެދި އެއްބަސްވުން ލަސްވުމާއެކު ކަރަންޓާއި ކުނީގެ ބިލް އެއްކޮށްލާނީ ޖޫން މަހު ފޮނުވާ ބިލުގަ އެވެ.
