ތިލަމާލެ ބްރިޖު މަޝްރޫއު ޝެޑިއުލަށް ވުރެ ލަސްވެއްޖެ: އަސްލަމް

ރައްޔިތުންގެ މަޖިލީހުގެ މިއަދުގެ ޖަލްސާގައި އަސްލަމް؛ ވިދާޅުވީ ބްރިޖު މަޝްރޫއުގައި ލަސްތަކެއް ހުރި ކަމަށް-- ފޮޓޯ: މަޖިލިސް

ރައްޔިތުންގެ މަޖިލީހުގެ މިއަދުގެ ޖަލްސާގައި އަސްލަމް؛ ވިދާޅުވީ ބްރިޖު މަޝްރޫއުގައި ލަސްތަކެއް ހުރި ކަމަށް-- ފޮޓޯ: މަޖިލިސް

އިންޑިއާގެ އެފްކޮންސް ކުންފުނިން މާލެ އާއި ތިލަފުއްޓާއި ދެމެދު އަޅަމުންދާ ބުރިޖުގެ މަސައްކަތުގައި ލަސްތަކެއް ހުރި ކަމަށް ޕްލޭނިން މިނިސްޓަރު މުހައްމަދު އަސްލަމް މިއަދު އެއްބަސްވެވަޑައިގެންފި އެވެ.

ރައީސް އިބްރާހިމް މުހައްމަދު ސޯލިހުގެ އެންމެ އަގުބޮޑު ރިޔާސީ ވައުދު، ތިލަމާލެ ބުރިޖުގެ މަސައްކަތް ދައުރުގެ ފަހު އަހަރަށް އެޅުނުއިރު ވެސް ނަތީޖާއެއް ނުފެނި ލަސްވަމުންދާ ކަމަށް ބުނެ އާންމުންގެ ކަންބޮޑުން ދަނީ އަމާޒުވަމުންނެވެ.

އެހެންނަމަވެސް، ސަރުކާރުން އަބަދުވެސް ވަނީ މަޝްރޫއު ޝެޑިއުލާ އެއްގޮތަށް ކުރިއަށްދާ ކަމަށާއި ނިންމާލެވޭނެ ކަމަށް ބުނެ އެކަމަށް ރައްދު ދީ މަޝްރޫއުގެ މަސައްކަތްތައް ދިފާއު ކުރަމުންނެވެ.

Advertisement

ރައްޔިތުންގެ މަޖިލީހުގެ މިއަދުގެ ޖަލްސާގައި މާފަންނު މެދު ދާއިރާގެ މެންބަރު އިބްރާހިމް ރަޝީދު ވަނީ ބްރިޖު މަޝްރޫއު ކުރިއަށްދާ ތަން ނުފެންނަ ކަމަށާއި ކިހާ ދުވަހެއްގެ ތެރޭގައި ނިންމާލެވޭނެތޯ ސުވާލު ކުރައްވައިފަ އެވެ.

އެ ސުވާލަށް ޖަވާބު ދެއްވަމުން އަސްލަމް ވިދާޅުވީ ބްރިޖުގެ މަސައްކަތް ލަސްވެފައިވާ ކަމަށާއި އެހެންނަމަވެސް ކުންފުންޏަށް އިތުރު މުއްދަތެއް ދިނުމަށް ނުވިސްނާ ކަމަށެވެ.

"މަސައްކަތުގެ ކޮންޓްރެކްޓަށް އިތުރު ޓައިމް އެކްސްޓެންޝަނެއް ނުއެއް ދެން، ކޮންޓްރެކްޓާގެ މަސައްކަތުގެ ޝެޑިއުލަށް ބަލާފައި އެބަހުރި ޑިލޭސް، މިހާތަނަށް އަންނަވީ ހިސާބަކަށް ނޫން އާދެވިފައި ހުރީ،" އަސްލަމް ވިދާޅުވި އެވެ.

އަސްލަމް ވިދާޅުވީ އެ މަސައްކަތް ނުހުއްޓި ކުރިއަށްދާ ކަަމަށާއި ލަސްވި ގިނަ ކަންކަން ވެސް ނިންމާލެވޭނެ ކަމަށެވެ.

ސިނަމާލެ ބުރިޖުގެ ފުން ސަރަހައްދުތަކުގައި ތަނބު ޖެހުމުގެ މަސައްކަތް ކުރީ ދަގަނޑުން ދަމާލި ވަގުތީ ފާލަމެއް ބޭނުންކޮށްގެންނެވެ. ނަމަވެސް އަސްލަމް ވިދާޅުވީ ތިލަމާލޭ ބްރިޖުގައި ވަގުތީ ބްރިޖެއް ނާޅާނެ ކަމަށެވެ.

މާލެއިން ފެށިގެން ގުޅިފަޅާ ހަމައަށް 50 ތަނބު ޖަހާނެ އެވެ. އެ މަސައްކަތް ނިމެމެމުންދާ މިންވަރަކަށް ގުޅިފަޅުގައި އަޅާފައި ހުރި ސްޕަސްޓަރަކްޗާތައް ދާނީ އަތުރައި، ބްރިޖަށް ސިފަ އަންނާނެކަމަށް ބުރިޖު އޮފީހުން ބުނެ އެވެ.

titledesc

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox