ތިލަފުށީ ވިޔަފާރި ބަނދަރު ފަރުމާކުރަން ޗައިނާގެ ސީއެޗްއީސީއާ ހަވާލުކޮށްފި

Feb 7, 2026, 1:52 PM
އެމްޕީއެލްގެ ސީއީއޯ މުހައްމަދު ރިޝްވާނާއި ސީއެޗްއީސީގެ ކަންޓްރީ މެނޭޖަރު މާއޯ ބާއޯ: ސީއެޗްއީސީއަކީ ތިލަފުއްޓަށް 120 ހެކްޓަރު އިތުރުކުރަން ހިންގި ޕްރޮޖެކްޓުގެ ކޮންޓްރެކްޓަރެއް --- ފޮޓޯ: އެމްޕީއެލް

އެމްޕީއެލްގެ ސީއީއޯ މުހައްމަދު ރިޝްވާނާއި ސީއެޗްއީސީގެ ކަންޓްރީ މެނޭޖަރު މާއޯ ބާއޯ: ސީއެޗްއީސީއަކީ ތިލަފުއްޓަށް 120 ހެކްޓަރު އިތުރުކުރަން ހިންގި ޕްރޮޖެކްޓުގެ ކޮންޓްރެކްޓަރެއް --- ފޮޓޯ: އެމްޕީއެލް

މާލޭ ވިޔަފާރި ބަނދަރު ތިލަފުއްޓަށް ބަދަލުކުރަން މި ސަރުކާރުން ގެންގުޅޭ ސިޔާސަތުގެ ދަށުން، ތިލަފުށީގައި ވިޔަފާރި ބަނދަރު އެޅުމުގެ މަސައްކަތުގެ ފުރަތަމަ ފިޔަވަހީގެ ޑިޒައިން އެންޑް ސާވޭގެ މަސައްކަތް ޗައިނާ ހާބާ އިންޖިނިއަރިން (ސީއެޗްއީސީ) އާ ހަވާލުކޮށްފި އެވެ.

ތިލަފުށީ ވިޔަފާރި ބަނދަރާ ގުޅޭ އެއްބަސްވުމުގައި މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ސޮއިކުރީ، އަންނަ އަހަރުގެ ނޮވެމްބަރުގައި ތިލަފުށީ ޕޯޓުގެ އޮޕަރޭޝަންތައް ފަށާނެ ކަމާއި އެ މަސައްކަތް ބަޔަކާ ހަވާލުކުރާނެ ކަމަށް ރައީސް މުހައްމަދު މުއިއްޒު ރިޔާސީ ބަޔާނުގައި އިއުލާނު ކުރައްވާފައި ވަނިކޮށެވެ.

އެމްޕީއެލްއިން "ލޯކަލް ހާބާ ރިލީފް ޕްރޮޖެކްޓް" ގެ ނަން ދީފައިވާ މި ފިޔަވަހީގައި ހިމެނޭ މަސައްކަތްތަކަކީ 650 މީޓަރުގެ ކީ ވޯލް އަކާއި، 125 މީޓަރުގެ މަގަތު ފާލަމަކާއި އެކްސް-ރޭ ފެސިލިޓީގެ އިތުރުން އޮޓޮމޭޓެޑް ވަސީލަތްތަކާއި ބޮންޑަޑް ވެއާހައުސްއެއް ގާއިމްކުރުމެވެ.

އެމްޕީއެލްއިން ބުނި ގޮތުގައި ސީއެޗްއީސީއާ ހަވާލުކުރީ ބަނދަރުގެ ޑިޒައިން މަސައްކަތެވެ. މި މަސައްކަތް ކުރަން އެ ކުންފުންޏަށް ދިނީ ފަސް މަހެވެ. އެމްޕީއެލްއިން ބުނި ގޮތުގައި ބަނދަރު ތަރައްގީކުރުމުގެ އަމަލީ މަސައްކަތް ފަށާނީ، މި މަސައްކަތް ނިންމައި، އަމަލީ މަސައްކަތް ކުރާނެ އަގަކަށް އެއްބަސްވެގެންނެވެ.

އަންނަ އަހަރު ތިލަފުއްޓަށް ބަނދަރު ބަދަލުކުރަން އަމާޒު ހިފާފައިވާއިރު، ޖާގައިގެ ދަތިކަމުގެ މައްސަލަ އިންތިހާއަށް އޮތް މާލޭ ވިޔަފާރި ބަނދަރު ބަދަލުކުރުމަކީ ވޭތުވީ ހުރިހާ ސަރުކާރެއްގެ ވެސް ސިޔާސަތެކެވެ. ނަމަވެސް އެއްވެސް ސަރުކާރެއްގައި އޭގެ އަމަލީ މަސައްކަތް ނުހިނގަ އެވެ.

ވިޔަފާރި ބަނދަރު ތިލަފުށީގައި ގާއިމުކުރުމުގެ ވިސްނުން ފުރަތަމަ ގެންގުޅުނީ ޔާމީން ސަރުކާރުގަ އެވެ. ނަަމަވެސް ފަހުން ވެރިކަމަށް އައި ސޯލިހު ސަރުކާރުން ވަނީ ބަނދަރު ގުޅީފަޅަށް ބަދަލުކުރަން ނިންމާފަ އެވެ. އެ ސަރުކާރުން މިކަމަށް ބޭނުންވާ 400 މިލިއަން ޑޮލަރު އިންޑިއާއިން ހަމަޖައްސާ، ބަނދަރު ތަރައްގީކުރާނެ ބަޔަކު ހޯދުމުގެ މަރުހަލާތައް ވެސް ހިންގި އެވެ.

ނަމަވެސް މި ސަރުކާރުން ވަނީ ސިިޔާސަތު ބަދަލުކޮށް، ބަނދަރު ބަދަލުކުރާނެ ތަނަކީ ތިލަފުށި ކަމުގައި ކަނޑައަޅާފަ އެވެެ. އަދި، ބަނދަރު ތަރައްގީކުރަން ވެގެން ސަރުކާރުގެ ބޮޑު ފަސް ކުންފުންޏެއް ހިއްސާވާ ގޮތަށް މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން ކޮމްޕެނީ (މިޑް ފްރީ ޒޯން) ގެ ނަމުގައި ކުންފުންޏެއް އުފެއްދި އެވެ.

މިޑް ފްރީ ޒޯން ކުންފުނި އުފައްދައިގެން، ސަރުކާރާއި އެމްޕީއެލްއިން ބޭރުގެ އިންވެސްޓަރަކު ހޯދަންމަސައްކަތް ކުރި އެވެ. މިކަމަށް ޝައުގުވެރިކަން ފާޅުކުރި އިންވެސްޓަރުންގެ ތެރޭގައި ފިލިޕީންސްގެ އިންޓަނޭޝަނަލް ކޮންޓެއިނާ ޓާމިނަލް ސާވިސަސް އިންކް ހިމެނެ އެވެ. މި ކުންފުންޏާ ބަނދަރުގެ މަސައްކަތް ހަވާލުކުރަން، ބައެއް މަޝްވަރާތައް ލިޔެކިޔުންތައް ބަދަލުކުރި ކަމަށް އަދަދު އިން ވާނީ އޭރު ރިޕޯޓުކޮށްފަ އެވެ.

ތިލަފުށީގައި 20 ހެކްޓަރުގެ ސަރަހައްދެއްގައި ގާއިމުކުރާ މި ޕޯޓު ޒަމާނީ ފެންވަރަށް ތަރައްގީކުރަން އެތައް މިލިއަން ޑޮލަރު ހަރަދުވާނެ ކަމަށް ލަފާކުރެވޭއިރު، މި ޕްރޮޖެކްޓަށް ފަންޑުކުރާ ގޮތެއް އަދި ސާފެއް ނުވެ އެވެ. އަދި، މަޝްރޫއަށް ހަރަދުކުރާ ވަރެއް ވެސް ނޭނގެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox