ސްޓްރޯކެއް ޖެހިގެން ހޮސްޕިޓަލުގައި ފަރުވާ ދިނުމަށް ފަހު އެކްޓަރު ޖޭމީ ފޮކްސް ގެޔަށް ދޫކޮށްފައިވާ ކަމަށް އޭނާގެ އަންހެން ދަރިފުޅު ބުނެފި އެވެ.
ކޮރީން ފޮކްސް އިންސްޓަގްރާމް މެދުވެރިކޮށް ބުނީ ބައްޕަގެ ހާލަތު މަޑުމަޑުން ރަނގަޅުވަމުންދާ ކަމަށާއި ހުރިހާ އެންމެންގެ އެހީ އާއި ދުއާތަކަށް ޝުކުރު ކުރާ ކަމަށެވެ.
އުމުރުން 55 އަހަރުގެ ޖޭމީ ފޮކްސް ހޮސްޕިޓަލަށް ގެންދިޔައީ ސްޓްރޯކެއް ޖެހިގެން ކަމަށް ރިޕޯޓުތައް ބުނި ނަމަވެސް، އާއިލާއިން ބުނީ "ސިއްހީ މައްސަލައެއް" ދިމާވެގެން ކަމަށެވެ.
ޖޭމީ ފޮކްސް ހޮސްޕިޓަލުގައި އޮތްކަން އާއިލާއިން ހާމަކުރީ އެޕްރީލް 12 ގަ އެވެ. ރިޕޯޓުތައް ބުނާ ގޮތުން އޭނާ އޮތީ އެމެރިކާގެ ޖޯޖިއާ ސްޓޭޓުގެ އެޓްލާންޓާގެ ހޮސްޕިޓަލެއްގަ އެވެ.
އޭނާ އެޓްލާންޓާގައި އުޅުނު ކެމެރަން ޑިއާޒްއާ އެކު ނެޓްފްލިކްސްގެ "ބެކް އިން އެކްޝަން"ގެ ޝޫޓިންއަށެވެ. ސްޓްރޯކް ޖެހުނީ ޝޫޓިންގެ ތެރެއިން ނޫން ކަމަށް ރިޕޯޓުތައް ބުނެ އެވެ.
ޖޭމީ ފޮކްސްއަކީ 2005 ވަނަ އަހަރު އޮސްކާ އެވޯޑު ލިބުނު ކުޅަދާނަ އެކްޓަރެކެވެ. އޭގެ އިތުރުން އެންމެ މޮޅު ސަޕޯޓިން އެކްޓަރުގެ އެވޯޑަށް ވެސް ނޮމިނޭޓްވެފައިވެ އެވެ.
އޭނާގެ ފިލްމުތަކުގެ ތެރޭގައި "ރޭ ޗާލްސް"، "ކޮލެޓަރަލް"، "ބޭބީ ޑްރައިވާ"، "އެނީ" އަދި "ދަ އެމޭޒިން ސްޕައިޑާމޭން 2" ހިމެނެ އެވެ.
