ހޭންޑްބޯޅަ މަގުބޫލު މިންވަރު ރަށްރަށުގެ ރިކުއެސްޓުން އެނގޭ: މަހުލޫފް

May 10, 2023, 5:54 AM
ހޭންޑްބޯޅަ ގައުމީ ޓީމުތަކާ މުހާތަބުކޮށް މިނިސްޓަރު މަހުލޫފް ވާހަކަ ދައްކަވަނީ.-- ފޮޓޯ: މުހައްމަދު ޝާބިން/ އަދަދު

ހޭންޑްބޯޅަ ގައުމީ ޓީމުތަކާ މުހާތަބުކޮށް މިނިސްޓަރު މަހުލޫފް ވާހަކަ ދައްކަވަނީ.-- ފޮޓޯ: މުހައްމަދު ޝާބިން/ އަދަދު

ހޭންޑްބޯޅަ އަކީ ގިނަ ބަޔެއްގެ މެދުގައި މަގުބޫލު ކުޅިވަރެއް ކަމަށާއި އެކަން ރަށްރަށަށް ދިއުމުން ލިބޭ "ރިކުއެސްޓްތަކުން" ވެސް އެނގޭ ކަމަށް ކުޅިވަރާ ބެހޭ ވަޒީރު އަހުމަދު މަހުލޫފް ވިދާޅުވެއްޖެ އެވެ.

މިނިސްޓަރު މަހުލޫފް މި ގޮތަށް ވިދާޅުވީ މި މަހު 13-17 އަށް ބަންގްލަދޭޝްގައި ބާއްވާ އައިއެޗްއެފް ޖޫނިއާ މުބާރާތުގައި ވާދަކުރާ ރާއްޖޭގެ 19 އަހަރާއި 17 އަހަރުން ދަށުގެ ގައުމީ އަންހެން ހޭންޑްބޯޅަ ޓީމަށް ޖޯޒީ ހަވާލުކުރުމަށް އިއްޔެ ބޭއްވި އިވެންޓްގައި ވާހަކަ ދައްކަވަމުންނެވެ.

އެ ގޮތުން، މިނިސްޓަރު ވިދާޅުވީ މި ސަރުކާރު އައިއިރު، ރާއްޖޭގެ ގައުމީ ހޭންޑްބޯޅަ މުބާރާތް ކުޅެމުންދިޔައީ ވެލީގައި ކަމަށެެވެ. އަދި އެ ހާލަތުގައި އެންމެ ފުރަތަމަ ހޭންޑްބޯޅައިން އެދުނީ ރަނގަޅު ފެންވަރަކަށް ކުޅެލެވޭނެ ވަރުގެ ކޯޓެއް އަޅައިދިނުމަށް ކަމަށެވެ.

"އަޅުގަނޑުމެންގެ ކެޕޭސިޓީ ހުރި ވަރުން އެކަން ކޮށްދެވިއްޖެ (ރަނގަޅު ފެންވަރުގެ ކޯޓެއް އެޅިއްޖެ)، މިއަދު މި ދައްކަނީ އެތަން ހިޔާކޮށް އިންޑޯ އަކަށް ހެދޭނެ ވާހަކަ،" މިނިސްޓަރު ވިދާޅުވި އެވެ.

"ރާއްޖޭގެ ރަށްރަށަށް ދިޔައީމަ މި ވަގުތު އަޅުގަނޑުމެންނަށް ރިކުއެސްޓް ކުރަނީ، ހޭންޑްބޯޅަ މި ވަގުތު ރާއްޖޭގައި އޮތީ ވަރަށް ޕޮޕިއުލާ (މަގުބޫލު) ކުޅިވަރެއްގެ ގޮތުގައި. ކޮންމެ ރަށަކަށް އެރިޔަސް، ހާއްސަކޮށް އަންހެން ބޭފުޅުންގެ ރިކުއެސްޓަކަށްވާނީ ހޭންޑްބޯޅަ ކޯޓެއް އަޅައިދޭށޭ. މި ހުރިހާ ކަމަކަށް އިޖާބަދީ މި ކުޅިވަރު ކުރިއެރުވުމަށް ބައިވަރު މަސައްކަތްތަކެއް ކުރެވޭ،"

މިނިސްޓަރު ވިދާޅުވީ ދާދި ފަހުން ގދ. ތިނަދޫގައި ގާއިމްކުރި ހޭންޑްބޯޅަ ކޯޓު ފެންވަރުގެ ކޯޓުތައް އިތުރު އެހެން ރަށްރަށުގައި ވެސް އަޅަން މަސައްކަތް ކުރިއަށްދާ ކަމަށެވެ.

އަދި އެންމެ ބޮޑު މަސައްކަތެއްގެ ގޮތުގައި އިންޑޯ ހޭންޑްބޯޅަ ކޯޓުތަކެއް ރާއްޖޭގެ ގާތްގަނޑަކަށް 11 ރަށެއްގައި އެޅުމަށް މަސައްކަތް ކުރާ ކަމަށް ވެސް މިނިސްޓަރު ވިދާޅުވި އެވެ.

"އުންމީދުކުރަނީ މި އަހަރު ތެރޭ ސޮއިކުރެވި އޭގެ އަމަލީ މަސައްކަތް ފެށުމަށް. މި ހުރިހާ ކަމެއް ފުރިހަމަ ވެގެން އަސްލު ދާން ބޭނުންވާ އަމާޒަށް ދެވޭނީ އޭގެ ކުރިން މި ޖެހެނީ ހުރި އެއްޗެއްގެ ބޭނުން ކުރަން،" މިނިސްޓަރު ވިދާޅުވި އެވެ.

މިހާރު ކުޅިވަރު ކުޅެނީ "ނަތީޖާ ނެރެން"، އޭގެ ކާމިޔާބު ވެސް ލިބޭ

މިނިސްޓަރު މަހުލޫފް ވިދާޅުވީ "ކުޅިވަރު، މީގެ ވިއްސަކަށް އަހަރު ކުރިން ހަމައެކަނި ބައިވެރިވެލާ އުސޫލުން ސަކަރާތްޖަހާލާ އުސޫލުން ދިޔަ ދިއުން ނިމިފައި އޮތް" ކަމަށެވެ. އަދި އެ ކަމުގެ އަސްލެއްގެ ގޮތުގައި ފެންނަން އޮތް ކަންކަމުގެ ތެރޭގައި ކުޅިވަރުގެ އިވެންޓްތަކަށް މީހުން ދޭ އަހައްމިއްޔަތުކަން މިނިސްޓަރު ފާހަގަކުރެއްވި އެވެ. އެ ގޮތުން، އިއްޔެ ހޭންޑްބޯޅަ ޓީމުގެ ޖޯޒީ ހަވާލުކުރުން ކުލަގަދަކޮށް ކުރިއަށްގެންދަން ރާވާފައި އޮތް އޮތުން ވެސް މިނިސްޓަރު ފާހަގަކުރެއްވީ ބޮޑު ކަމެއްގެ ގޮތުގަ އެވެ.

ރާއްޖޭގެ ކޮންމެ ކުޅިވަރެއްގެ ކުޅުންތެރިން ވެސް ވިސްނަން ޖެހޭނީ ލިބޭ ކިތަންމެ ކުޑަ ފުރުސަތެއްގެ ވެސް ބޭނުން އެންމެ ފުރިހަމަ އަށް ހިފަން ކަމަށް މިނިސްޓަރު ވިދާޅުވި އެވެ.

"އެންމެ ފުރަތަމަ ކަަމަކަށް ގަބޫލުކުރަން ޖެހޭ ކަމަކީ އަމިއްލަ އަށް ތިމަންނަ މެންނަށް ވާނެއޭ. ތިމަންނަމެން މޮޅުވާނޭ، ތިމަންމަ މެންނަށް މެޑަލް ލިބޭނެއޭ. އެ ހިސާބުން ފަށައިގެން ނަތީޖާ އަޅުގަނޑުމެންނާ ހަމައަށް އަންނާނީ. ދެން އޮތް ގައުމު މާ ބޮޑު ވެގެން، އެ ގައުމުގައި ތިބި ރައްޔިތުންގެ ގިނަވެގެން އެކަން ނުވާނެކަން ގަބޫލުކޮށްފިއްޔާމު، އެ ތިބީ ފުރަތަމަ ފަށާއިރު ވެސް ބަލިވެފައި،" މިނިސްޓަރު ވިދާޅުވި އެވެ.

"ގަބޫލުކުރަންވީ އަޅުގަނޑުމެންގެ ކެރި ފޯރުންތެރިކަން ހުރި ވަރުން ތައްޔާރުވެވެން އޮތް އެންމެ ރަނގަޅަކަށް ތައްޔާރުވެގެންނޭ މި ދަނީ. ތިމަންނަ މެން ގޮސްފައި އަންނާނީ މެޑަލް އެއް ހިފައިގެންނޭ. އެ ޔަގީންކަމާ އެކު ތިބެންވާނީ،"

މިނިސްޓަރު ވިދާޅުވީ އިދިކޮޅު ޓީމުގެ ރޭންކަށް ނޫނީ ތިބި ކުޅުންތެރިން މޮޅުވާނެ ކަމަށް ބަލައި ކުޅެން އެރުމުގެ ބަދަލުގައި ހުރި ހިތްވަރެއް ލައިގެން މަސައްކަތް ކޮށް މެޗުން މެޗަށް ކުރިއެރުން ހޯދޭނެ ވިސްނުމެއް ދިވެހި ކުޅުންތެރިން އިސްކުރަން ޖެހޭ ކަމަށެވެ.

ރާއްޖޭގެ ކުޅިވަރު ކުޅުންތެރިންގެ ބެލެނިވެރިން ވާ ގުރުބާނީ އަށް ޝުކުރު އަދާކުރަންޖެހޭ ކަމަށް ވެސް މިނިސްޓަރު ވިދާޅުވި އެވެ.

އަދި 17 އަހަރާއި 19 އަހަރުން ދަށުގެ ގައުމީ އަންހެން ހޭންޑްބޯޅަ ސްކޮޑު އިއުލާނުކުރުމުގެ ހަބަރު ސޯޝަލް މީޑިއާގައި ހިނގިއިރު، މިނިސްޓަރު ވިދާޅުވީ އެންމެ އުފާވީ މި ޓީމުތަކުގައި މާލޭން ބޭރުގެ ކުޅުންތެރިން ގިނައިން ހިމެނިފައިވާތީ ކަމަށެވެ.

"އެއީވެސް ރަނގަޅު މެސެޖެއް ލިބުނު ކަމެއް، އެއީ ސަރުކާރުން ކުޅިވަރު ތަރައްގީ ކުރާއިރު، އެ ރަށްރަށާ މެދު ވިސްނަން ޖެހޭކަން ދައްކުވައިދޭ ކަމެއް،" މިނިސްޓަރު ވިދާޅުވި އެވެ.

މިނިސްޓަރު ވަނީ މި ފަދަ ޖޫނިއާ މުބާރާތްތަކުން ލިބޭ ފުރުސަތުގެ ބޭނުންހިފައި، ސީނިއާ ޓީމަަށް އަރަން ވެސް ކުޅުންތެރިން މަސައްކަތް ކުރަން އަޒުމުކަނޑަަޅަން ހިތްވަރު ދެެއްވައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox