ލަންޑަން، އިނގިރޭސިވިލާތް (މޭ 3) - ޝޮޓްގަން ކާޓްރިޖްތަކެއް ކަމަށް ބެލެވޭ އެއްޗެހިތަކެއް ބަކިންހަމް ޕެލެސްގެ ގޯތިތެރެއަށް އެއްލި މީހަކު ހައްޔަރުކޮށްފި އެވެ.
އަންގާރަ ދުވަހުގެ ރޭ އެ މީހާ ވަނީ ގަނޑުވަރުގެ ގޭޓާ ކައިރިވެ، އެއްޗެހިތަކެއް އެއްލައިފަ އެވެ. ބެލެވޭ ގޮތުގައި އެއީ ޝޮޓްގަން ބަޑީގެ ކާޓްރިޖްތަކެކެވެ.
ލަންޑަންގެ ފުލުހުން ބުނީ ހަތިޔާރު ގެންގުޅޭ ކަމަށް ޝައްކު ކުރެވިގެން އެ މީހާ ހައްޔަރު ކުރި އިރު، އޭނާގެ އަތުން ވަޅިއެއް ފެނުނު ކަމަށެވެ. އެހެން ނަމަވެސް އޭނާގެ އަތުގައި ބަޑިއެއް ނެތެވެ.
ގަަނޑުވަރުގެ ގޯތިތެރެއަށް އެއްލި ތަކެތި ފުލުހުންގެ ބެލުމުގެ ދަށަށް ގެންގޮސް، ތަޖުރިބާކާރުންގެ ތަހުލީލުތައް ކުރުމަށް ވަނީ ހަވާލުކޮށްފަ އެވެ.
އެ ހާދިސާ ހިނގުމާ އެކު ގަނޑުވަރުގެ ވަކި ހިސާބެއް ބަންދުކޮށް، ހާއްސަ އޮޕަރޭޝަނެއް ފެށި އެވެ. އަދި ރައްކާތެރިވުމުގެ ގޮތުން ފުލުހުންގެ ބެލުމުގެ ދަށުން "ކޮންޓްރޯލްޑް" ގޮވުމެއް ހިންގި އެވެ.
ޝާހީ ގަނޑުވަރުގެ ތެރެއަށް ޝައްކު ކުރެވޭ އެއްޗެއް އެއްލި މީހަކު ހައްޔަރު ކުރި އިރު، އިނގިރޭސި ރަސްގެފާނު ޗާލްސް ތަހުތަށް ވެޑުވުމުގެ ހަފުލާ އޮތީ މޭ ހަވަނަ ދުވަހު އެވެ.
އެ ހަފުލާއަށް 2000 އަށް ވުރެ ގިނަ މެހެމާނުން ވަޑައިގަންނަވާނެ ކަމަށް ބެލެވެ އެވެ. އެހެންވެ. ސެކިއުރިޓީގެ ކަންކަން ދަނީ ވަރުގަދަ ކުރަމުންނެވެ.
