ފްލޯޓިން ޕްލާންޓުގެ ނަގިލި ކަހާލީ, ފަރަށް ނާރާ: ޕްލޭނިން މިނިސްޓްރީ

ރޭގަ ވިލިމާލެ ފަރަށް އެރިކަމަށް ބުނާ އުޅަނދު - ފޮޓޯ: ޓުވިޓާ

ރޭގަ ވިލިމާލެ ފަރަށް އެރިކަމަށް ބުނާ އުޅަނދު - ފޮޓޯ: ޓުވިޓާ

މާލެ އާއި ތިލަފުއްޓާ ދެމެދު އަޅަމުންދާ ބުރިޖުގެ މަސައްކަތުގައި ގެންގުޅޭ އުޅަނދެއް އަނެއްކާވެސް ވިލިމާލެ ފަރަށް އަރައިފި ކަމަށް ބުނެ ފެތުރެމުންދާ ވާހަކަތައް ޕްލޭނިން މިނިސްޓްރީން ދޮގުކޮށްފި އެވެ.

ޕްލޭނިން މިނިސްޓްރީގެ އޮފިޝަލަކު "އަދަދު" އަށް މައުލޫމާތު ދެއްވި ގޮތުގައި ސޯޝަލްމީޑިއާގައި ފެތުރެމުންދާ ފޮޓޯތަކުގައި ފެންނަނީ ބުރިޖުގެ މަސައްކަތުގައި ގެންގުޅޭ ފްލޯޓިން ބެޗިން ޕްލާންޓެއް ކަމަށާއި އެ އުޅަނދު ވިލިމާލެ ފަރާއި ވަރަށް ގާތަށް ރޭ އައި ނަމަވެސް ފަރަށް ނާރާ ކަމަށެވެ.

"އުޅަނދުތައް އަޅާފައި ހުންނާނީ ގުޅީފަޅު ވިލިމާލެއާ ދިމާލުގައި، ދެން ރޭގަ ފްލޯޓިން ބެޗިން ޕްލާންޓުގެ ނަގިލި ކަހާލައިގެން ވިލިމާލެ ފަރު ކައިރިއަށް އައީ، ފަރަކަށް ނާރާ، މިހާރު ބަލަމުން މިދަނީ ފަރުގައި ޖެހިފަ ހުރިތޯ، ފަރުވެސް، ޕްލާންޓުވެސް ބަލަމުން މިދަނީ" އެ އޮފިޝަލް ވިދާޅުވި އެވެ.

Advertisement

ތިލަމާލެ ބުރިޖުގެ މަސައްކަތުގައި މީގެ ކުރިންވެސް މިފަދަ ހާދިސާއެއް ވަނީ ހިނގާފަ އެވެ. އެގޮތުން ބުރިޖު ސާވޭއަށް ބޭނުންކުރަމުންދިޔަ ޕްލެޓްފޯމެއް ވިލިމާލެ ފަރަށް އަރާ ފަރަށް ބޮޑެތި ގެއްލުންތަކެއް ވަނީ ވެފަ އެވެ.

މިދިޔަ އޮގަސްޓު 16, ގައި ވިލިމާލެ ފަރަށް އެރި އެ ޕްލެޓްފޯމް އެފްކޮންސްއަށް ފުންކުރެވުނީ އޭގެ 12 ދުވަސް ފަހުންނެވެ. އޭގެ ފަހުން ބުރިޖުގެ ތަނބެއް ޖެހުމުގެ ތެރޭގައި މަސައްކަތުގައި ގެންގުޅުނު ކެރޭނެއްވެސް ވަނީ ބިނދިގެން ކަނޑަވެސް ވެއްޓިފަ އެވެ.

އެކަމާއި ގުޅިގެން ތިމާވެށީގެ ގިނަ ޖަމްއިއްޔާތަކުންނާއި އިދިކޮޅު ސިޔާސީ ފަރާތްތަކުންވެސް ވަނީ ސަރުކާރަށާއި އެފްކޮންސްއަށް ވަރަށް ބޮޑަށް ފާޑުކިޔާފަ އެވެ.

އޭގެ ފަހުން ވިލިމާލޭ ފަރަށް ލިބުނު ގެއްލުން ބެލުމަށް އީޕީއޭއިން ސާވޭއެއް ހެދުމުން އެފްކޮންސްއިން ވަނީ އެ ސާވޭގެ ރިޕޯޓު ބަލައިނުގަނެ އީޕީއޭގެ ހުއްދައާއެކު އަލުން ސާވޭއެއް ހަދާފަ އެވެ. ދެ ސާވޭއަށް ބެލުމަށްފަހު އީޕީއޭއިން ވަނީ އެފްކޮންސް ކުންފުނި ލިބުނު ގެއްލުންތަކުގެ ބަދަލުގެ ގޮތުގައި އެ ކުންފުނި 69.4 މިލިއަން ރުފިޔާއިން ޖޫރިމަނާ ކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox