ޗާގޯސް މައްސަލަ: ނަޝީދުގެ ނުރުހުން މެމްބަރުންނަށް

ރައްޔިތުންގެ މަޖިލީހުގެ ރައީސް މުހައްމަދު ނަޝީދު، އެމަނިކުފާނު މިއަދު ވިދާޅުވީ ޗާގޯސް މައްސަލަ ކާމިޔާބުވިކަމަށް ވިދާޅުވުމަކީ އޮޅުވައިލުމެއް ކަމަށް.

ރައްޔިތުންގެ މަޖިލީހުގެ ރައީސް މުހައްމަދު ނަޝީދު، އެމަނިކުފާނު މިއަދު ވިދާޅުވީ ޗާގޯސް މައްސަލަ ކާމިޔާބުވިކަމަށް ވިދާޅުވުމަކީ އޮޅުވައިލުމެއް ކަމަށް.

ޗާގޯސް ޖަޒީރާތަކަކީ މޮރިޝަސްގެ ބައެއް ކަމަށް ބަލައިގެން ރާއްޖޭގެ ދެކުނުން ކަނޑުގެ ބޯޑަރު ކަނޑައެޅި ކަނޑައެޅުމަކީ ކާމިޔާބީއެއް ކަމަށް ސިފަކުރައްވާ މެމްބަރުންނާ މެދު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަރަށް ބޮޑަށް ނުރުހުން ފާޅުކުރައްވައިފި އެވެ.

ރައްޔިތުންގެ މަޖިލީހުގެ ވަޓްސްއެޕް ގްރޫޕަށް ފޮނުއްވި މެސެޖްތަކެއްގައި ނަޝީދު ވިދާޅުވީ އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީސް (އިޓްލޮސް) އިން މިއަދު ނިންމި ނިންމުމުގެ ސަބަބުން ރާއްޖޭގެ ސަރަހައްދުން ބައެއް ގެއްލިފައިވާ ކަމަށެވެ. އެ ނިންމުމުގެ ސަބަބުން ރާއްޖޭގެ ސަރަހައްދުން ގާތްގަނޑަކަށް 94،000 އަކަމީޓަރު ގެއްލިފައިވާ ކަމަށް ވެސް އެމަނިކުފާނު ވިދާޅުވި އެވެ.

އެ މައްސަލަ ނިމުނީ ރާއްޖެއަށް ރަނގަޅަށް ކަމަށް ވިދާޅުވެ ވާހަކަ ދައްްކަވާ މެމްބަރުން އެކުރައްވާ ކަމަކީ ރައްޔިތުންނަށް އޮޅުވައިލުން ކަމަށް ނަޝީދު ތުހުމަތުކުރެއްވި އެވެ.

"ރާއްޖޭގެ ސަރަހައްދުން ބައެއް ގެއްލުމަކީ އެއްވެސް ހާލެއްގައި ސިޔާސީ ކަމެއް ނޫން. މެމްބަރުން މިވާހަކަ އޮޅުވައިލަން އުޅުމަކީ ވަރަށް ބޮޑު ދެރައެއް،" ނަޝީދު ވިދާޅުވި އެވެ.

އެއީ މެމްބަރުން ކުރައްވައިގެން ތިއްބެވި ހުވަޔާ ހިލާފުވުން ކަމަށް ވެސް އެމަނިކުފާނު ސިފަކުރެއްވި އެވެ.

"މަޖިލިސް މެމްބަރުކަމުގައި ތިޔަ ތިއްބަވަނީ މާތްރަސްކަލާންގެ ގަންދީ ހުވާކޮށްގެން ރާއްޖޭން ބައެއް ގެއްލޭ އިރު ވެސް ރައްޔިތުންނަށް އޮޅުވައިލުމަކީ ހުވަޔާ ހިލާފުވުން ކަމުގައި އަޅުގަނޑަށް ފެންނަނީ،" އެމަނިކުފާނު ވިދާޅުވި އެވެ.

ޗާގޯސް ޖަޒީރާތަކަކީ މޮރިޝަސްގެ ބައެއް ކަަމަށް ބަލައިގެން އިޓްލޮސް އިން މިއަދު ވަނީ ރާއްޖެއާ އެގައުމާ ދެމެދު އިން ވަކިކޮށްފަ އެވެ. އެގޮތަށް ވަކިކުރި އިރު ރާއްޖޭގެ ސަރަހައްދު ކަމަށް ކުރިން ބަލާ ސަރަހައްދު، މޮރިޝަސް އިން އެގައުމުގެ ސަރަހައްދު ކަމަށް ބަލާ ސަރަހައްދާ ފުށުއަރާ ބައި ބެހީ ދެބައި ހަމަ އަށެވެ. ބައެއް ގެއްލުނު ކަމަށް ބުނާ ފަރާތްތަކުން ގެއްލުނުކަމަށް ބުނާ ބަޔަކީ ފުށު އަރާ ސަރަހައްދު ދެބައިކޮށްލުމުން މޮރިޝަސް އަށް ލިބުނު ސަރަހައްދެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox