ނަޝީދުގެ ހުށަހެޅުންތަކެއް ގާސިމަށް؛ ހުވާކުރުމުގެ ކުރިން ނިޒާމީ ވޯޓަކަށް ދިއުމާއި، މަޖިލިސް އުވާލުމުގެ ބާރު ރައީސަށް

ނަޝީދުގެ ހުށަހެޅުންތަކެއް ގާސިމަށް؛ ހުވާކުރުމުގެ ކުރިން ނިޒާމީ ވޯޓަކަށް ދިއުމާއި، މަޖިލިސް އުވާލުމުގެ ބާރު ރައީސަށް

ސެޕްޓެމްބަރުގައި އޮންނަ ރިޔާސީ އިންތިހާބުގެ ފަހުން އެ އިންތިހާބު ކާމިޔާބު ކުރާ ކެންޑިޑޭޓު ހުވާ ކުރުމާ ދެމެދު އޮންނަ މުއްދަތުގައި ރާއްޖޭގައި އޮންނަން ފެންނަ ވެރިކަމުގެ ނިޒާމާ ގުޅޭ ވޯޓެއް ނަގައި, ނިޒާމު ބަދަލުކުރަން ފާސްވެއްޖެނަމަ, 2024 ގެ މަޖިލިސް އިންތިހާބު އެ ބަދަލުތަކާ އެކު ބޭއްވުމަށް އެމްޑީޕީގެ ރައީސް މުހައްމަދު ނަޝީދު ޖުމްހޫރީ ޕާޓީގެ ލީޑަރު ގާސިމް އިބްރާހިމްއަށް ހުށަހަޅުއްވައިފި އެވެ.

އެމްޑީޕީގެ ރިޔާސީ ޕްރައިމަރީގެ ނާކާމިޔާބީއަށްފަހު ނަޝީދު ސިޔާސީ މަސައްކަތް ކުރައްވަމުން ގެންދަވަނީ "ފިކުރެއްގެ ދިރުން" ނަމުގައި ވަކި ފެކްޝަނެއް ހައްދަވައިގެންނެވެ. އެމަނިކުފާނު ލީޑު ކުރައްވާ ފެކްޝަނުން ރިޔާސީ އިންތިހާބުގައި ކުރިއަށްދާން ނިންމާފައި ވަނީ ޖޭޕީއާ އެކު އެވެ.

"ދިވެހި ދައުލަތުގެ ސިފަތަކަށް ގެންނާން ޖެހޭ ބަދަލުތައް،" ކަމަށް ވިދާޅުވެ ގާސިމަށް ނަޝީދު ހުށަހަޅުއްވާފައިވާ ހުށަހެޅުންތަކުގެ ތަފްސީލު "އަދަދު" ނޫހަށް ވަނީ ލިބިފަ އެވެ.

Advertisement
ނަޝީދު އާއި ގާސިމް ސަން އައިލެންޑްގައި މަޝްވަރާ ކުރައްވަނީ. ޖޭޕީން އަދި ގޮތެއް ނުނިންމާ
ނަޝީދު އާއި ގާސިމް ސަން އައިލެންޑްގައި މަޝްވަރާ ކުރައްވަނީ. ޖޭޕީން އަދި ގޮތެއް ނުނިންމާ

ނަޝީދު އާއި ގާސިމް ސަން އައިލެންޑްގައި މަޝްވަރާ ކުރައްވަނީ. ޖޭޕީން އަދި ގޮތެއް ނުނިންމާ

އަބަދުވެސް ބަރުލަމާނީ ނިޒާމަކަށް ތާއީދު ކުރައްވާ ނަޝީދުގެ އެ ކަރުދާހުގައި ވާގޮތުން ނިޒާމީ ވޯޓު ބާއްވާނީ ސެޕްޓެމްބަރު 9 ގައި އޮންނަ އިންތިހާބަށް ފަހު އާ ދައުރަށް ހުވާ ކުރުމާ މެދު އޮންނަ މުއްދަތުގެ ތެރޭގަ އެވެ. އާ ދައުރު ފެށޭނީ ނޮވެމްބަރު 17 ގަ އެވެ.

އެ މުއްދަތުގެ ތެރޭގައި ވޯޓު ނެގުމަށް ގާނޫނު އަސާސީއަށް ގެންނަން ޖެހޭ ބަދަލުތައް ގެނައުމަށް ވެސް ނަޝީދު ވަނީ ގާސިމްއަށް ހުށަހަޅުއްވާފަ އެވެ.

އަދި, ވެރިކަމުގެ ނިޒާމު ބަދަލުކުރަން ފާސްވެއްޖެނަމަ, ގާނޫނުއަސާސީއަށް ބަދަލު ގެނެސް 2024 ގެ މަޖިލިސް އިންތިހާބު އެ ބަދަލުތަކާ އެކު ބޭއްވުމަށް ނަޝީދު ވަނީ ހުށަހަޅުއްވާފަ އެވެ.

ދައުލަތުގެ ވެރިޔަކީ ރައީސް; ސަރުކާރު ހިންގާނީ ބޮޑުވަޒީރު

ނަޝީދުގެ ހުށަހެޅުއްވުމަށް ބަލާއިރު ރައްޔިތުންގެ ސިއްރު ވޯޓަކުން ފަސް އަހަރުގެ ދައުރަކަށް ރައީސުލްޖުމްހޫރިއްޔާގެ މަގާމަށް މީހަކު އިންތިހާބު ކުރާނެ އެވެ. އަދި, ރައީސްއަކީ ދައުލަތުގެ އެންމެ އިސްފަރާތް ކަމަށް ވަނީ ބުނެފަ އެވެ.

ހަމައެހެންމެ, ގާނޫނު އަސާސީގައި ކަނޑައަޅައި ބަޔާންކުރާ ހާލަތްތަކުގައި ރައްޔިތުންގެ މަޖިލިސް އުވާލުމުގެ ބާރު ރައީސުލްޖުމްހޫރިއްޔާއަށް ދިނުމަށް ވެސް ވަނީ ހުށަހަޅާފަ އެވެ.

ނަޝީދުގެ ހުށަހެޅުމުގައިވާ ގޮތުން ވަޒީރުންގެ މަޖިލީހުގައި ބޮޑުވަޒީރަކު ހިމެނޭނެ އެވެ. އަދި, ބޮޑުވަޒީރު އިންތިހާބު ކުރާނީ ރައްޔިތުންގެ މަޖިލީހުގެ އަގްލަބިއްޔަތުގެ ވޯޓަކުން ކަމަށް ވެސް ވަނީ ބަޔާންކޮށްފަ އެވެ.

ރައީސް ސޯލިހު އަދި ރައީސް މުހައްމަދު ނަޝީދު. އެއް ޕާޓީއެއްެގައި ތިއްބެވި ނަމަވެސް ރިޔާސީ ޕްރައިމަރީއަށް ފަހު ދެ ބޭފުޅުންގެ ގުޅުން ވަރަށް ބޮޑަށް ވަނީ ހީނަރުވެފައި --- ފޮޓޯ; މުހައްމަދު ޝާބިން/އަދަދު
ރައީސް ސޯލިހު އަދި ރައީސް މުހައްމަދު ނަޝީދު. އެއް ޕާޓީއެއްެގައި ތިއްބެވި ނަމަވެސް ރިޔާސީ ޕްރައިމަރީއަށް ފަހު ދެ ބޭފުޅުންގެ ގުޅުން ވަރަށް ބޮޑަށް ވަނީ ހީނަރުވެފައި --- ފޮޓޯ; މުހައްމަދު ޝާބިން/އަދަދު

ރައީސް ސޯލިހު އަދި ރައީސް މުހައްމަދު ނަޝީދު. އެއް ޕާޓީއެއްެގައި ތިއްބެވި ނަމަވެސް ރިޔާސީ ޕްރައިމަރީއަށް ފަހު ދެ ބޭފުޅުންގެ ގުޅުން ވަރަށް ބޮޑަށް ވަނީ ހީނަރުވެފައި --- ފޮޓޯ; މުހައްމަދު ޝާބިން/އަދަދު

ބޮޑުވަޒީރު ވަކިކުރުމުގެ ބާރު އޮންނާނީ ރައީސުލްޖުމްހޫރިއްޔާއަށާއި ރައްޔިތުންގެ މަޖިލީހުގެ މެމްބަރުންގެ ޖުމުލަ އަގްލަބިއްޔަތުގެ ވޯޓަކުންނެވެ.

ހަމައެހެންމެ, ވަޒީރުންގެ މަޖިލީހުގެ މަގާމުތައް ފިޔަވައި ސަރުކާރު ހިންގުމުގެ ބޭނުމަށް ސިޔާސީ މަގާމުތައް އުފައްދައި އެމަގާމުތަކަށް މީހުން އައްޔަނު ކުރާނީ ރައީސުލްޖުމްހޫރިއްޔާގެ މަތިން ބޮޑުވަޒީރު ކަމަށް ވެސް ނަޝީދުގެ ހުށަހެޅުމުގައިވެ އެވެ.

ރައްޔިތުންގެ މަޖިލީހުގައި ސަރުކާރު ތަމްސީލު ކުރާ އަދި ސަރުކާރުގެ ފަރާތުން ޖަވާބުދާރީވާ އެންމެ އިސް ފަރާތުގެ ގޮތުން ކުރަން ޖެހޭ އެންމެހާ މަސައްކަތްތައް ކުރާނީ ބޮޑުވަޒީރު ކަމަށް ވެސް އޭގައި ބުނެފައިވެ އެވެ. އަދި, ސަރުކާރުގެ އިދާރާތައް ގުޅިގެން ހިންގުންތެރިކަމާ އެކު މަސައްކަތް ކުރޭތޯ ބެލުމަކީ ވެސް ބޮޑުވަޒީރުގެ މަސްއޫލިއްޔަތުގެ ތެރޭގައި ހިމެނޭ ކަންކަން ކަމަށް އެ ކަރުދާހުގައި ބުނެފައިވެ އެވެ.

ވަޒީރުންގެ މަޖިލީހާއި ރައްޔިތުންގެ މަޖިލިސް އެކުލެވޭ ގޮތަށް ބޮޑެތި ބަދަލުތަކެއް

މިވަގުތު ރާއްޖޭގެ ވެރިކަމުގެ ނިޒާމު އޮތް ގޮތުން ވަޒީރުންގެ މަޖިލީހަށް މެމްބަރުން އައްޔަނު ކުރަނީ ސީދާ ރައީސް އެވެ. އެކަމަކު ނަޝީދު ހުށަހެޅުއްވީ ވަޒީރުންގެ މަޖިލިސް ރައްޔިތުންގެ މަޖިލީހުގެ މެމްބަރުންގެ ތެރެއިން އެކުލަވާލުމަށެވެ.

އެހެންނަމަވެސް, އެ މަޖިލީހުގައި ވެސް ރައީސް އައްޔަނު ކުރާ މެމްބަރުން ހިމެނިދާނެ ކަމަށާއި, އެ ގޮތަށް އައްޔަނު ކުރާ މީހުންގެ ޖުމުލަ އަަދަދު ވަޒީރުންގެ މަޖިލީހުގެ 40 އިންސައްތައަށް ވުރެ އިތުރުވެގެން ނުވާނެ ކަމަށް ވެސް ނަޝީދުގެ ހުށަހެޅުމުގައިވެ އެވެ.

ރައްޔިތުންގެ މަޖިލީހުގައި މިވަގުތު 87 މެމްބަރުން ތިއްބަވާއިރު ކޮންމެ 5,000 މީހަކު ތަމްސީލުކުރާ ގޮތަށް މެމްބަރުން އިންތިހާބު ކުރެ އެވެ.

ރައްޔިތުންގެ މަޖިލިސް ޗެމްބަރު. މަޖިލިސް އެކުލެވޭ ގޮތް ބަދަލުކުރުމަށް ވެސް ނަޝީދު ވަނީ ހުށަހަޅުއްވާފައި --- ފޮޓޯ; މަޖިލިސް އިދާރާ
ރައްޔިތުންގެ މަޖިލިސް ޗެމްބަރު. މަޖިލިސް އެކުލެވޭ ގޮތް ބަދަލުކުރުމަށް ވެސް ނަޝީދު ވަނީ ހުށަހަޅުއްވާފައި --- ފޮޓޯ; މަޖިލިސް އިދާރާ

ރައްޔިތުންގެ މަޖިލިސް ޗެމްބަރު. މަޖިލިސް އެކުލެވޭ ގޮތް ބަދަލުކުރުމަށް ވެސް ނަޝީދު ވަނީ ހުށަހަޅުއްވާފައި --- ފޮޓޯ; މަޖިލިސް އިދާރާ

ނަޝީދުގެ ހުށަހެޅުމަކީ މަޖިލީހުގެ ޖުމުލަ މެމްބަރުންގެ އަދަދު ގާނޫނު އަސާސީން ކަނޑައެޅުމެވެ. އަދި, މަޖިލީހަށް މެމްބަރުން ހޮވާނީ ޕްރިފެރެންޝިއަލް ވޯޓިން ސިސްޓަމަކުން ކަމަށް ވެސް ބަޔާންކޮށްފައިވެ އެވެ. އަންހެނުންނަށް ހާއްސަ ކުރެވޭ ގޮނޑި މަޖިލީހުގައި ކަނޑައެޅިދާނެ ކަމަށާއި އެގޮތަށް ކަނޑައެޅޭ ކެޓަގަރީތައް ގާނޫނުއަސާސީން ކަނޑައަޅަން ވެސް ނަޝީދުގެ ހުށަހެޅުމުގައި ހިމެނެ އެވެ.

އޭގެ އިތުރުން ނޭޝަނަލް ލިސްޓަކުން މެމްބަރުން އައްޔަނު ކުރެވޭ ގޮތަށް ބަދަލު ގެނައުމަށް ވެސް ހުށަހަޅާފައިވެ އެވެ. ޖުމުލަ މެމްބަރުންގެ އަދަދުގައި ނޭޝަނަލް ލިސްޓާއި އިންތިހާބު ކުރާ މެމްބަރުން ހިމެނޭނެ އެވެ.

ނޭޝަނަލް ލިސްޓުން އައްޔަނު ކުރާ މެމްބަރުންގެ ޖުމުލަ އަދަދާއި, ކޮންމެ ޕާޓީއަކަށް ލިބޭނެ ގޮނޑީގެ އަދަދު ކަނޑައަޅާނެ ގޮތާއި, ނޭޝަނަލް ލިސްޓުން ޕާޓީތަކަށް ލިބޭ ގޮނޑިތަކަށް މީހުން އައްޔަނު ކުރުމުގަައި ޕާޓީތަކުން އަމަލުކުރަންވާނެ އިޖުރާއަތްތައް ވެސް ކަނޑައެޅުމަށް ނަޝީދު ވަނީ ގާސިމަށް ހުށަހަޅުއްވާފަ އެވެ.

ގާސިމް އިންތިހާބުވިޔަސް ބާރުތައް ހަނިވާނެ?!

ޖޭޕީއަކީ މިހާރު ހިނގަމުންދާ ސަރުކާރުގެ ކޯލިޝަންގެ މެމްބަރަކަށްވި ނަމަވެސް ކުރިއަށް އޮތް ސެޕްޓެމްބަރު 9، ގައި ބާއްވާ ރިޔާސީ އިންތިހާބަށް ރައީސް ސޯލިހާއެކު ކޯލިޝަން ހަދަން އެ ޕާޓީން އެއްބަހެއް ނުވެ އެވެ. އޭގެ ބަދަލުގައި ޖޭޕީން ނިންމީ އެ ޕާޓީ އިސްވެ އޮވެ ހަދާ ކޯލިޝަނަކުން ރިޔާސީ އިންތިހާބަށް ނިކުތުމަށެވެ.

މި ހުށަހެޅުންތަކަށް ބަލާއިރު ގާސިމް އިންތިހާބުގައި ވާދަކޮށް އިންތިހާބުން މޮޅުވެ ރައީސުލްޖުމްހޫރިއްޔާގެ މަގާމަށް އަތުވެއްޖެ ހާލަތެއްގައި ވެސް ވެރިކަން ކުރުމުގެ ބާރުތައް ހަނިވެގެންދާނެ އެވެ. ނަޝީދުގެ ހުށަހެޅުންތަކުން ފާހަގަވަނީ ރައީސްގެ މަގާމަށް ގާސިމް އިންތިހާބުވެއްޖެ ހާލަތެއްގައި ވެސް ސަރުކާރު ހިންގުމުގެ އިސް ފަރާތެއްގެ ގޮތުން ހަރަކާތްތެރިވާނީ ބޮޑުވަޒީރެވެ.

ގާސިމް އިބްރާހިމް މަޖިލީހުގައި. ޖޭޕީގެ ޓިކެޓުގައި ރިޔާސީ އިންތިހާބުގައި ވާދަކުރާނީ ގާސިމް --- ފޮޓޯ; މުހައްމަދު ޝާބިން/އަަދަދު
ގާސިމް އިބްރާހިމް މަޖިލީހުގައި. ޖޭޕީގެ ޓިކެޓުގައި ރިޔާސީ އިންތިހާބުގައި ވާދަކުރާނީ ގާސިމް --- ފޮޓޯ; މުހައްމަދު ޝާބިން/އަަދަދު

ގާސިމް އިބްރާހިމް މަޖިލީހުގައި. ޖޭޕީގެ ޓިކެޓުގައި ރިޔާސީ އިންތިހާބުގައި ވާދަކުރާނީ ގާސިމް --- ފޮޓޯ; މުހައްމަދު ޝާބިން/އަަދަދު

ބަރުލަމާނީ ނިޒާމަކަށް ރާއްޖެ ބަދަލުކުރަން ނަޝީދު ބޭނުންފުޅުވި ނަމަވެސް ގާސިމް ވަނީ މީގެކުރިން އެކަމާ ދެކޮޅަށް ވާހަކަ ދައްކަވާފަ އެވެ. ގާސިމް ވިދާޅުވެފައިވާ ގޮތުގައި ރިޔާސީ ނިޒާމަކީ ރާއްޖޭގައި ވެރިކަން ކުރަން އެންމެ ރަނގަޅު ނިޒާމެވެ. އެކަން ކަނޑައެޅީ ރައްޔިތުން ކަމަށާއި އިތުރު ބަދަލެއް ގެންނަން ނުފެންނަ ކަމަށް ވެސް ވިދާޅުވެފައިވެ އެވެ.

ދާދިފަހުން ނަޝީދު ވަނީ ސަން އައިލެންޑް ރިސޯޓުގައި ވެސް ގާސިމްއާ ބައްދަލުކުރައްވާ ސިޔާސީ މަޝްވަރާތައް ކުރިއަށްގެންދަވާފަ އެވެ. އެމްޑީޕީގެ ރިޔާސީ ޕްރައިމަރީ ކާމިޔާބު ކުރެއްވި މިހާރުގެ ރައީސް އިބްރާހިމް މުހައްމަދު ސޯލިހަށް ތާއިދު ނުކޮށް ނަޝީދުގެ ތާއިދު އޮތީ މިފަހަރު ގާސިމްއަށެވެ.

ނަމަވެސް, ނަޝީދުގެ ހުށަހެޅުންތަކާ ގުޅިގެން މިހާތަނަށް އެއްވެސް ނިންމުމެއް ޖޭޕީން ނިންމާފައި ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox