ނިއު ރޭޑިއަންޓްގެ ހުށަހެޅުމެއް އޮއްވައި ދަގަނޑޭ ސަސް ޕްރެކްޓިހަށް

ރޭ ބޭއްވި ސަސްގެ ފަރިތަކުރުންތަކުގެ ތެރެއިން ދަގަނޑޭ ބޯޅަ ހިފައިގެން.--- ފޮޓޯ: މުހައްމަދު ޝައްމޫން/ ވަން އޮންލައިން

ރޭ ބޭއްވި ސަސްގެ ފަރިތަކުރުންތަކުގެ ތެރެއިން ދަގަނޑޭ ބޯޅަ ހިފައިގެން.--- ފޮޓޯ: މުހައްމަދު ޝައްމޫން/ ވަން އޮންލައިން

ނިއު ރޭޑިއަންޓް ސްޕޯޓްސް ކްލަބަށް މި ފަހަރުގެ ދެ ވަނަ ޑިވިޝަން ފުޓްބޯޅަ މުބާރާތުގައި ކުޅެން، ރާއްޖޭގައި އުފެދުނު އެންމެ މޮޅު ފުޓްބޯޅަ ކުޅުންތެރިޔާ، އަލީ އަޝްފާގު (ދަގަނޑޭ) އަށް އޮފާއެއް ހުށަހަޅާފައި އޮތް ނަމަވެސް ކުރިއަށް އޮތް ސީޒަނަށް ފުރަތަމަ ޑިވިޝަންގެ ކްލަބް، ސުޕަ ޔުނައިޓެޑް ސްޕޯޓްސް (ސަސް) އިން ކުރާ ފަތިތަކުރުންތަކަށް ދަގަނޑޭ ނުކުމެއްޖެ އެވެ.

ފުރަތަމަ ޑިވިޝަނުގައި ދަގަނޑޭ، 37، މިދިޔަ ސީޒަނުގައި ކުޅުނު ކްލަބް ވެލެންސިއާގައި އޭނާގެ ކޮންޓްރެކްޓް އޮތް ނަމަވެސް، "އަދަދު" އަށް އެނގިފައިވާ ގޮތުގައި ވެލެންސިއާ އިން ސަސް އަށް ދަގަނޑޭގެ ޓްރާންސްފާ ކަންކަން އަންނަނީ ހިނގަމުންނެވެ. އަދި ސަސް އަށް ދަގަނޑޭ އަށް ބަދަލުވެވޭނެ ކަމުގެ އިތުބާރު ބޮޑުވުމާ އެކު، އޭނާ ވަނީ ސަސްގެ ޕްރެކްޓިހަށް ނުކުމެފަ އެވެ.

މިހާރު އޮތްގޮތުން، އާދިއްތަ ދުވަހުގެރޭ ފަށާ މި ފަހަރުގެ ފުޓްބޯޅަ ސީޒަނުގެ ފުރަތަމަ މުބާރާތް، ޕްރެޒިޑެންޓްސް ކަޕްގައި ސަސް އިން ދަގަނޑޭ ފެނުމުގެ ފުރުސަތު ބޮޑެވެ. ދަގަނޑޭ އަކީ ސަސްގެ ހިންގުމުގައި ވެސް އިސް ބައިވެރިއެކެވެ.

އެންމެ ފަހުން، ދަގަނޑޭ، ފުރަަތަމަ ޑިވިޝަނުގައި ކުޅެފައިވަނީ މިދިޔަ ސީޒަނުގެ ޗެރިޓީ ޝީލްޑް މެޗުގައި މާޒިޔާ ސްޕޯޓްސް އެންޑް ރެކްރިއޭޝަނާ ދެކޮޅަށް ވެލެންސިއާ އިން ކުޅުނު ޓީމުގައި ހިމެނިގެންނެވެ. އެ ފަހުން، އަނިޔާގައި ހުރުމަށް ފަހު އެނބުރި އައިސް، އެކި ރެކްރިއޭޝަން ލެވަލްގެ މުބާރާތްތަކުގައި ކުޅެފައިވެ އެެވެ.

އަނިޔާގެ މައްސަލަ އަށް ހައްލެއް ލިބި، ފިޓްނަސް ރަނގަޅުވަމުން އައުމާ އެކު، ގައުމީ ޓީމުން އެންމެ ފަހުން ކުޅުނު އެކުވެރިކަމުގެ ތިން މެޗުގެ ސްކޮޑުގައި ވެސް ހިމެނި، މެޗުތަކުގައި ދަގަނޑޭ ވަނީ ކުޅެފަ އެވެ.

ދަގަނޑޭ އަށް ނިއުގެ އޮފާއެއް!

ރާއްޖޭގެ އެންމެ ސަޕޯޓަރުން ގިނަ ކްލަބް، ނިއުގެ ޖޯޒީން ދަގަނޑޭ އަލުން ފެނުމަށް އެދި އެ ޓީމުން އަންނަނީ އެ ކްލަބްގެ ސޯޝަލް މީޑިއާގައި ކެމްޕެއިނެއް ވެސް ކުރަމުންނެވެ. އެނގިފައިވާ ގޮތުގައި ދަގަނޑޭ، ނިއު އަށް އަލުން ގެންދަން، ދާދި ފަހުން އޭނާއާ ނިއުގެ މެނޭޖްމަންޓްގައި ބޭއްވި ބައްދަލުވުމުގައި ވަނީ ހުށަހަޅައިފަ އެވެ. އެކަމަކު، އެ ކަމަށް އޮތީ ވަކިގޮތެއް ނުނިމި އެެވެ. ދަގަނޑޭ، މިހާރު ބައިވެރިވަނީ ސަސްގެ ޕްރެކްޓިހުގަ އެވެ.

ދަގަނޑޭ ވަނީ ފުޓްބޯޅަ ކެރިއަރުގައި ތިން ފަހަރެއްގެ މަތިން ނިއު އަށް ކުޅެ އެ ޓީމަށް ގިނަ ކާމިޔާބީތަކެއް ހޯދައިދީފަ އެވެ.

ނިއު އާއި ދަގަނޑޭ، ބޭއްވި ބައްދަލުވުމުގައި، ދެން، މަޝްވަރާ ކުރެވިފައިވަނީ، ނިއު އިން ދަގަނޑޭ އަށް ދޭން ޖެހޭ ފައިސާ އެ ކްލަބުން އޭނާ އަށް އަނބުރާ އަދާކުރާނެ ގޮތަކާއި މުއްދަތަކާ ގުޅޭގޮތުންނެވެ.

ކުރިން ނިއު އަށް ކުޅުނު ކުޅުންތެރިންނަށް މުސާރަ ނުދީ އޮތް މައްސަލައިގައި އެފްއޭއެމް އިން ނިއު އަށް ދީފައިވާ ސަސްޕެންޝަނުން ސަލާމަތްވެ، އެ ޓީމުން މިދިޔަ އަހަރުގެ ދެ ވަނަ ޑިވިޝަން ފުޓްބޯޅަ މުބާރާތުގައި ކުޅެފައިވެ އެވެ.

ނިއު އަށް މިދިޔަ އަހަރުގެ ދެ ވަނަ ޑިވިޝަން ފުޓްބޯޅަ މުބާރާތުގައި ކުޅެވުނީ، އެ ކްލަބުން ދިވެހި ކުޅުންތެރިންނަށް ދޭން އޮތް މުސާރަ އަނބުރާ ދޭނެ ގޮތުގެ އެއްބަސްވުމެއް އެ ކުޅުންތެރިންނާ އެކު ގާއިމްކުރުމަަށް ފަހު އެވެ.

އެ ގޮތުން، ގިނަ ކުޅުންތެރިން ވަނީ "ކްލަބަށް ހެޔޮއެދޭތީ" ނިއު އިން ދޭން ޖެހޭ މުސާރަ އިން ބައެއް އުނިކުރަން ވެސް އެއްބަސްވެފަ އެވެ. އެކަމަކު، މިހާތަނަށް ނިއު އިން އެ ކުޅުންތެރިންނަށް ދޭން ޖެހޭ ފައިސާގެ ބޮޑުބައި އޮތީ ނުދީކަން އެނގިފައިވެ އެވެ.

ނިއު އިން މި ފަހަރުގެ ސީޒަނަށް ޓީމު ވަރުގަދަ ކުރުމުގެ ގޮތުން، ކުޅުންތެރިންގެ ސޮއި ހޯދަމުން އަންނައިރު، ކުރިން އެއްބަސްވި ގޮތަށް ނިއު އިން މުސާރަ އަށް ވާ ފައިސާ ނުދީ ތިބި ކުޅުންތެރިން އަންނަނީ އެ ކްލަބްގެ މެނޭޖްމަންޓްގެ ޖަވާބެއް ހޯދަން މަސައްކަތް ކުރަމުންނެވެ. އަދި މިކަމުގައި އަލުން އެފްއޭއެމަށް ސިޓީ ހުށަހަޅައިގެން ކުރިއަށްދާން ވެސް ބައެއް ކުޅުންތެރިން އަންނަނީ މަސައްކަތް ކުރަމުންނެެވެ.

މި ސީޒަނަށް ނިއު އިން ވަނީ އަހުމަދު ނިމާދު (ނިމާ) ކޯޗަކަށް ގެނެސް، އެސިސްޓަންޓް ކޯޗަކަށް ފަރުހާދު އިސްމާއިލް (ފަރޭ) ހަމަޖައްސައިފަ އެވެ. ނިއު އިން ސޮއިކުރި ކުޅުންތެރިންނަށް ބަލާއިރު، ފުރަތަމަ ޑިވިޝަނުގެ ގިނަ ޓީމުތަކަށް ކުޅުނު، ޔަސްފާދު ހަބީބު (މުލަކޭ)، އިޝާން އިބްރާހިމް (ސައްޓު)، ފުޓްސަލް ތަރި، އަޔާޒް އަހުމަަދު (އަޔާ)، ގައުމީ ޓީމުގެ ކުރީގެ ކީޕަރު، ތޮލާލް ހަސަން (ޓޮޕްލަކް)، ދެ ވަނަ ޑިވިޝަންގައި ވެލެންސިއާ އަށް ކުރިން ކުޅެފައިވާ އިސްމާއިލް ވިފާގު (އިއްސެ) އަދި ތިމަރަފުށީ ޓީމުގެ ޑިފެންޑަރު، އަޝްފާގު އަހުމަދު ހިމެނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox