ރަޝިއާގެ ވައިގެ ދިފާއުން އެ ގައުމުގެ ސަރަހައްދުގައި އުޅުނު ޔޫކްރެއިންގެ ޑްރޯނެއް ވައްޓާލައިފި އެވެ.
ރަޝިއާގެ ޑިފެންސް މިނިސްޓްރީން ބުނީ ޑްރޯން ވައްޓާލީ ޔޫކްރެއިންގެ ބޯޑަރާ 400 ކިލޯމީޓަރު ދުރުގައި އޮންނަ ކިރެޔެވްސްކް އަވަށުގައި އާދީއްތަ ދުވަހު ކަމަށެވެ.
ރަޝިއާގެ ދައުލަތުގެ މީޑިއާއިން ރިޕޯޓު ކުރާ ގޮތުގައި ޑްރޯން ވައްޓާލި ވަގުތު ހިނގި ގޮވުމެއްގައި ތިން މީހުންނަށް އަނިޔާވި އެވެ.
ގޮވާ ޒާތުގެ ޑްރޯން ބޭނުންކޮށްގެން ރަޝިއާގެ އާއްމުން ދިރިއުޅޭ ހިސާބުތަކަށް ޓާގެޓް ކުރާ ކަމަށް ރަޝިއާއިން ޔޫކްރެއިނަށް ތުހުމަތު ކުރެ އެވެ.
އެކަމަކު ޔޫކްރެއިނުން އެ ތުހުމަތު ދޮގުކުރެ އެވެ. އާދީއްތަ ދުވަހު ގޮވި ޑްރޯންއާ ގުޅޭ ގޮތުން ޔޫކްރެއިނުން އަދި ވަކި އެއްޗެއް ނުބުނެ އެވެ.
ރިޕޯޓުތައް ބުނާ ގޮތުން އާދީއްތަ ދުވަހުގެ ހާދިސާގައި ކިރެޔެވްސްކް އަވަށުގައި އެޕާޓްމަންޓުތަކަކަށް ގެއްލުން ލިބުނެވެ. އެހެން ނަމަވެސް އެއްވެސް މީހަކަށް ސީރިއަސް އަނިޔާއެއް ނުވެ އެވެ.
މިދިޔަ ޑިސެމްބަރު މަހު ރަޝިއާގެ ދެކުނުގައި އޮންނަ އެންޖެލްސް ވަައިގެ މަރުކަޒު މަތިން ޑްރޯނެއް ވައްޓާލުމުން، ބުރައިގެން ދިޔަ ތަކެތިން ލިބުނު ޒަހަމްތަކުގައި ރަޝިއާ ވައިގެ ސިފައިންގެ ތިން މީހުން މަރުވި އެވެ.
