"ޖޭޕީ-ފިކުރެއްގެ ދިރުން"؛ މަޖިލީހުގެ ތެރެއިން ރައީސް ސޯލިހަށް އިތުރު ބޮލުރިހުމެއް؟

ޖުމްހޫރީ ޕާޓީގެ ލީޑަރު ގާސިމް އިބްރާހިމާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު؛ ދެ ބޭފުޅުންގެ ޖޮއިންޓް ޕީޖީ އެއް އެކުލަވާލަން ވަނީ މަޝްވަރާ ކުރަން ނިންމާފައި-- ފޮޓޯ: މަޖިލިސް

ޖުމްހޫރީ ޕާޓީގެ ލީޑަރު ގާސިމް އިބްރާހިމާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު؛ ދެ ބޭފުޅުންގެ ޖޮއިންޓް ޕީޖީ އެއް އެކުލަވާލަން ވަނީ މަޝްވަރާ ކުރަން ނިންމާފައި-- ފޮޓޯ: މަޖިލިސް

އަންނަ ރިޔާސީ އިންތިހާބުގައި ރައީސް އިބްރާހިމް މުހައްމަދު ސޯލިހާ އެކު ކޯލިޝަން ނުހަދައި، ވަކިން ވާދަ ކުރަން ޖުމްހޫރީ ޕާޓީ (ޖޭޕީ)ން ނިންމި ނިންމުމާ ވިދިގެން އައި ލޮޅުންގަނޑު ވަނީ އެމްޑީޕީގެ އެތެރެ ރަނގަޅަށް ގުޑުވާލައިފަ އެވެ.

އެ ނިންމުމުގެ ހޫނުކަން ރަނގަޅަށް ނުކެނޑި އުޅެނިކޮށް، މި ދައުރު ހަމަޖެހިލައިގެން ނިންމައިލުމަށް ވެސް ރައީސް ސޯލިހަށް ބޮޑު ބޮލުރިހުމަކަށް ވެދާނެ ކަމުގެ މަލަމަތި ވަނީ ފެންނަން ފަށައިފަ އެވެ.

އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ "ފިކުރެއްގެ ދިރުން" ފެކްޝަނާއި ޖޭޕީއާ އެކު މަޖިލީހުގެ ތެރެއިން ޖޮއިންޓު ޕާލިމަންޓަރީ ގުރޫޕެއް ހެދުމަށް ހުށަހަޅައި މަޝްވަރާތައް ފަށަން ތައްޔާރުވެފަ އެވެ.

ގާސިމްގެ ޖޭޕީ ސެޕްޓެމްބަރު 9 ގައި އިންތިހާބަށް ނުކުންނާނީ އެމްޑީޕީން ޒާތަކަށް ވަކިވެގަނެގެން އުޅޭ ނަޝީދުގެ ފެކްޝަންގެ ތާއީދާ އެކު ކަމަށް ވަރަށް ބޮޑަށް ބެލެވޭއިރު، އިންތިހާބުގެ ކުރިން ޖޮއިންޓު ޕީޖީ ގުރޫޕެއް ހަދައިގެން މަޖިލީހުގެ ތެރެއިން ދެ ބައި މީހުން އެކުގައި މަސައްކަތް ކުރަން ނިންމުމަކީ ވަރަށް ގާތް ކަމެކެވެ.

އެ ގޮތަށް އެކަން ނިންމައިފިނަމަ، މަޖިލީހުގެ ތެރެއިން ރައީސް ސޯލިހުގެ ފަޅިއަށް ކުރިމަތިވާނެ ގޮންޖެހުންތައް ވަޒަންކޮށްލަން މެމްބަރުންގެ ނަންބަރުތަކަށް ބަލައިލަން މުހިންމުވެ އެވެ.

އެމްޑީޕީގެ ދެ ފެކްޝަން

ނަވާރަވަނަ މަޖިލިސް ފެށީ އެމްޑީޕީގެ ފުރިހަމަ މެޖޯރިޓީ އޮވެގެނެވެ. އޭރު މަޖިލީހުގެ 87 މެމްބަރުންގެ ތެރެއިން 65 މެމްބަރުން ނިސްބަތްވީ އެމްޑީޕީއަށެވެ.

އެކަމަކު ދެ ރައީސުންގެ ކޯޅުމާ އެކު ނަޝީދުގެ "ފިކުރެއްގެ ދިރުން" ގެ މެމްބަރުންގެ މިހާރު ވަނީ އިދިކޮޅުގެ ސިފަ ޖެހިފަ އެވެ.

ކޮންމެ ދުވަހަކު ސަރުކާރު ޖަވާބުދާރީ ކުރުވަން ކަމަށް ބުނެ މަޖިލީހަށް އެކި ގަރާރުތައް ހުށަހަޅަމުން ގެންދާއިރު، އެ ގަރާރުތައް ބޭރުކުރަން ވޯޓު ދިނުމަށް ސަރުކާރު ފަޅީގެ މެމްބަރުންގެ މަސައްކަތް މިހާރު ވަނީ ތިރިވެފަ އެވެ.

ޖޭޕީއާ އެކު ޖޮއިންޓު ޕީޖީ ގުރޫޕެއް ހެދުމަށް ހުށަހެޅުމުގެ ކުރިން، "ފިކުރެއްގެ ދިރުން" އިން ރޭ ވަނީ އެ ފެކްޝަންގެ އަމިއްލަ ޕީޖީ ގުރޫޕުގެ ބައްދަލުވުމެއް ބާއްވައިފަ އެވެ. އެ މޭޒު ކައިރީގައި ނަޝީދަށް ތާއީދު ކުރައްވައިގެން ޖުމްލަ 10 މެމްބަރުން ތިއްބެވި އެވެ. އެއީ, ނަޝީދާއި މަޑަވެލި ދާއިރާގެ މެމްބަރު ހުސެއިން ފިރުޝާން ނުހިމަނަ އެވެ.

އެހެންކަމުން، ނަޝީދު ލައިގެން އެ ފެކްޝަނުގައި މި ވަގުތަށް ނަމަވެސް، 12 މެމްބަރުން ތިބި ކަމަށް ބުނެވޭނެ އެވެ.

އެއާ އެކު މަޖިލީހުގައި މިވަގުތު ޖޭޕީ ތަމްސީލު ކުރާ ތިން މެމްބަރުން "ފިކުރެއްގެ ދިރުން" އާ ގުޅިއްޖެނަމަ، އެ އަދަދު 15 އަށް އަރާނެ އެވެ.

އިދިކޮޅު ކޯލިޝަން

"ފިކުރެއްގެ ދިރުން" އާއި ޖޭޕީގެ ޖޮއިންޓު ޕާލިމަންޓަރީ ގުރޫޕުން ސަރުކާރާ ދެކޮޅަށް ކުރާ ގިނަ ކަންކަމާ އިދިކޮޅު ޕީޕީއެމް/ޕީއެންސީ ކޯލިޝަނުން ބައިއަތު ހިފާނެ ކަމަށް ޔަގީނާ ގާތަށް ބުނަން އެނގެ އެވެ. އިދިކޮޅުގެ އަދަދުތަކަށް ބަލާއިރު، ޕީޕީއެމްގެ ހަ މެމްބަރުންނާއި ޕީއެންސީގެ ތިން މެމްބަރުންނާ އެކު، ޖުމްލަ ނުވަ މެމްބަރުން އެ ކޯލިޝަނުގައި އެބަތިއްބެވެ.

މި ނަންބަރުތައް އެއްކޮށްލަން ފެށުމުން، މަޖިލީހުގެ ތެރެއިން ރައީސް ސޯލިހަށް ކުރިމަތިވާނެ އުނދަގޫތައް އިތުރުވާން ފަށަ އެވެ.

ސަރުކާރަށް ސީދާ ތާއީދުނުކޮށް މަޖިލީހުގައި ދެން ތިބީ މޯލްޑިވިސް ނެޝަނަލް ޕާޓީ (އެމްއެންޕީ)ގެ ތިން މެމްބަރުންނާއި ވަކި ޕާޓީއަކަށް ނިސްބަތްނުވާ ހަތަރު މެމްބަރުންނެވެ.

މީގެ ތެރެއިން، ރިޔާސީ އިންތިހާބުގައި ވަކިން ވާދަކުރަން ނިންމާފައިވާ އެމްއެންޕީ ވެސް ސަރުކާރާ ދެކޮޅަށް ގިނަ ކަންކަމުގައި ތެދުވުމަކީ ދުރު ކަމެއް ނޫނެވެ. ވަކި ޕާޓީއަކަށް ނިސްބަތްނުވާ މެމްބަރުންގެ ތެރެއިން ސަރުކާރުގެ ދިފާއުގައި އެންމެ ގިނައިން ވާހަކަ ދައްކަވަނީ ކާށިދޫ ދާއިރާގެ މެމްބަރު އަބްދުﷲ ޖާބިރު އެކަންޏެވެ.

މެޖޯރިޓީ ނުގެއްލޭނެ އެކަމަކު ގޮންޖެހުން ބޮޑު

މި އީކުއޭޝަނުން މެމްބަރުން ކަނޑައި ގެއްލާ ނިމޭއިރު، ސަރުކާރު ފަޅީގައި ބާކީ ތިބޭނީ ކިތައް މެމްބަރުން ކަން ސާފުވާން ފަށަ އެވެ.

ސަރުކާރަށް ތާއީދުކޮށްގެން ތިބި މޯލްޑިވްސް ޑިވެލޮޕްމަންޓު އެލަޔަންސް (އެމްޑީއޭ)ގައި ތިއްބެވި ދެ މެމްބަރުންނާއި އެމްޑީޕީ މެމްބަރުންގެ ތެރެއިން "ފިކުރެއްގެ ދިރުން" ފެކްޝަން އުނިކުރުމުން، ރައީސް ސޯލިހަށް މިވަގުތަށް ބަރޯސާވެވޭނެ ކަމަށް ބެލެވެނީ 56 މެމްބަރުންނަށެވެ. އޭގެ ތެރޭގައި ޖާބިރު ހިމަނައިފިނަމަ، އެ އަދަދަކީ 57 ކަމަށް ބުނެވިދާނެ އެވެ.

ސަރުކާރާ ދެކޮޅަށް މަޖިލީހުގައި މަސައްކަތް ކުރަން 30 މެމްބަރުން ތިބޭނެ ކަމަށް ބެލި ނަމަވެސް، ރައީސް ސޯލިހުގެ އެމްޑީޕީއަށް މެޖޯރިޓީ އަދި ގެއްލިގެން ނުދާ ކަން ސާފެވެ.

އެކަމަކު ސެޕްޓެމްބަރު 9 ވަނަ ދުވަހާ ހަމައަށް، މަޖިލީހުގެ ތެރެއިން ރައީސް ސޯލިހަށާއި ސަރުކާރަށް "ޖެއްސުންކުރުން" އެތައް ގުނައެއް އިތުރުވާނެ ކަމަށް ވަރަށް ބޮޑަށް ބެލެވެ އެވެ. ސަރުކާރާ ދެކޮޅަށް ފުލުފުލުގައި ހުށަހަޅާނެ ކަމަށް ބެލެވޭ ގަރާރުތަކާއި ކުއްލި މައްސަލަތައް ބޭރުކުރުވައި، ސަރުކާރުގެ ދިފާއުގައި ވާހަކަ ދައްކަން 57 މެމްބަރުންގެ ބޮޑު މެޖޯރިޓީއެއް ކޮންމެ ދުވަހަކު ވެސް މަޖިލީހަށް ހާޒިރުކުރުވަން މަޖުބޫރުވާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox