ބުރާސްފަތި ދުވަހު ރަޝިއާއިން ޔޫކްރެއިނަށް ދިން ނިޔުކްލިއާ ހަމަލާތަކުގައި ނުވަ މީހުން މަރުވެ ޔޫރަޕްގެ އެންމެ ބޮޑު ނިޔުކްލިއާ ޕްލާންޓުން ކަރަންޓު ކެނޑިއްޖެ އެވެ.
ރަޝިއާގެ މިސައިލް ހަމަލާތައް އަމާޒުވީ ހާރްކީވް އާއި އޮޑެއްސާ އަދި ޒިޔޮޓޮމިރް ފަދަ ބޮޑެތި ސިޓީތަކަށެވެ. ހާރްކީވް އަދި އޮޑެއްސާގައި އާއްމުން ދިރިއުޅޭ އިމާރާތްތަކަށް ވެސް ގެއްލުން ލިބުނެވެ.
ބައެއް ރިޕޯޓުތައް ބުނާ ގޮތުން ވެރިރަށް ކިޔެވްއަށް ވެސް ހަމަލާތައް އަމާޒުވި އެވެ. ޔޫކްރެއިނުން ބުނީ ޖުމްލަ 81 މިސައިލް ހަމަލާ ރަޝިއާއިން ފޮނުވި ކަމަށެވެ.
ޔޫކްރެއިންގެ ސިފައިން ބުނީ ކާމިޔާބުކަމާ އެކު ވައްޓާލެވުނީ 34 ކްރޫޒް މިސައިލާއި ހަތަރު ޑްރޯން ކަމަށެވެ. މިއީ ޖެނުއަރީ މަހަށް ފަހު ރަޝިއާއިން ދިން އެންމެ ވަރުގަދަ ހަމަލާތަކެވެ.
ހަކަތަ ކުންފުނި އެނާޖޯޓޮމްއިން ބުނީ ޒަޕޮރިއްޒިޒިއާ ނިޔުކްލިއާ ޕްލާންޓާއި ޔޫކްރެއިންގެ ހަކަތައިގެ ނެޓްވޯކްއާ ދެމެދު އޮތް އެންމެ ފަހުގެ ލިންކު ގެއްލިފައިވާ ކަމަށެވެ.
އެހެންވެ، އެ ތަން ހިންގަމުން ދަނީ ޑީސެލް ޖެނެރޭޓަރުގެ އެހީގަ އެވެ. ރިޕޯޓުތައް ބުނާ ގޮތުން އެ ތަނުގައި ހުރީ 10 ދުވަހަށް ފުދޭ ވަރުގެ ޑީސެލް ސަޕްލައި އެވެ.
މީގެ ކުރިން ވެސް އެ ޕްލާންޓުން ކަރަންޓު ކެނޑުނެވެ. އަނެއްކާވެސް ކަރަންޓު ކެނޑުމާ އެކު އދ. އިން ވަަނީ ކަންބޮޑުވުން ފާޅުކޮށްފަ އެވެ.
