ނ. މަނަދޫ މަގުތަކުގައި ތާރުއެޅުމަށް ރޯޑް ޑިވެލޮޕްމަންޓް ކޯޕަރޭޝަނާ މިއަދު ހަވާލުކޮށްފި އެވެ.
އެ މަސައްކަތުގެ އެއްބަސްވުމުގައި މިނިސްޓްރީ އޮފް ނޭޝަނަލް ޕްލޭނިންގެ ފަރާތުން ސޮއި ކުރެއްވީ ޕާމަނަންޓް ސެކްރަޓަރީ ޒީނިޔާ އަހްމަދު ހަމީދެވެ. އަދި ރޯޑް ޑިވެލޮޕްމަންޓް ކޯޕަރޭޝަންގެ ފަރާތުން ސޮއި ކުރެއްވީ އެކުންފުނީގެ ޖެނެރަލް މެނޭޖަރު އަހްމަދު ޝާހިދެވެ.
ޑިޒައިން އެންޑް ބިލްޑް އުސޫލުން އެ މަސައްކަތް އާރްޑީސީއަށް ހަވާލުކޮށްފައިވަނީ 540 ދުވަހުގެ ތެރޭގައި ނިންމާގޮތަށް ހަތްދިހަ ފަސްމިލިއަން ހަތްލައްކަ ތިރީސްފަސް ހާސް ތިންސަތޭކަ އަށްޑިހަ ފަސް މިލިއަން ރުފިޔާއަށެވެ.
އެ މަޝްރޫއުގެ ދަށުން މަނަދޫގެ 4.2 ކިލޯމީޓަރުގެ މަގުގައި ތާރުއެޅުން ހިމެނެ އެވެ. އަދި މަގުތަކުގައި ފެން ހިންދާނެ ނިޒާމް ގާއިމްކުރުމާއި މަގުތަކުގައި މަގުބައްތިޖެހުން ވެސް މަސައްކަތުގެ ތެރޭގައި ހިމެނެ އެވެ.
