ޔޫކްރެއއިންގެ އިރުމަތީގައި އޮންނަ ބަހްމޫތު ސިޓީގެ ދިފާއު ވަރުގަދަ ކުރާނެ ކަމަށް އެ ގައުމުގެ ރައީސް ވޮލޮޑިމިރް ޒެލެންސްކީ ވިދާޅުވެއްޖެ އެވެ.
ފާއިތުވި ހަފުތާ ބަންދުގައި އެނެލިސްޓުން ބުނީ ޔޫކްރެއިންގެ ސިފައިން އެ ސިޓީ ދޫކޮށް ދާން ފަށާފައިވާ ކަމަށާއި ރަޝިއާއިން އެ ސިޓީ ހިފުމާ ގާތްވެއްޖެ ކަމަށެވެ.
ބަހްމޫތު ސިޓީގެ ކޮންޓްރޯލް ހޯދަން ރަޝިއާއިން މަސައްކަތް ކުރާތާ ގިނަ މަސްތަކެއް ވެއްޖެ އެވެ. މިހާރު އެ ސިޓީގެ މަގުތައް މަތީގައި ދަނީ ހަމަލާ ބަދަލު ކުރަމުންނެވެ.
އެހެން ނަމަވެސް އަދިވެސް ރަޝިއާއަށް ކޮންޓްރޯލް ނުލިބޭ ކަމަށް ސިޓީގެ ޑެޕިއުޓީ މޭޔަރު އޮލެކްސެންޑަރް މަރްޗެންކޯ ވިދާޅުވި އެވެ.
ބައެއް އެނެލިސްޓުން ބުނާ ގޮތުގައި އެއީ ސްޓްރެޓެޖިކް ގޮތުން ބަލާއިރު ރަޝިއާއަށް މާ ބޮޑު ފައިދާތަކެއް ލިބޭނެ ސިޓީއެއް ނޫނެވެ.
އެހެން ނަމަވެސް ރަޝިއާގެ މަދި ލަނޑުދަނޑިއަކީ ޔޫކްރެއިންގެ އިރުމަތީގައި އޮންނަ ޑޮނެސްކް ސަރަހައްދުގެ ފުރިހަމަ ކޮންޓްރޯލް ހޯދުމެވެ. އެހެންވެ، އެ ސަރަހައްދުން ސިޓީއެއްގެ ހިފިއްޖެ ނަމަ ވާނީ ކުރިއެރުމަކަށެވެ.
