އެއާޕޯޓްގެ ސެކިއުރިޓީއަށް މުވައްޒަފުންގެ ދުޅަހެޔޮކަމުގެ ޕްރޮގްރާމްތައް ބޭނުން: މާރިޔާ

މާރިޔާ މީގެ ކުރިން ބޭއްވި ހަފްލާއެއްގައި: ވިދާޅުވީ ބޮޑު ހާދިސާއެއް ނުހިނގާ އެއާޕޯޓު ހިންގެނީ ހާއްސަ ސަމާލުކަމެއް ދޭތީ ކަމަށް -- ފޮޓޯ: ފައިލް

މާރިޔާ މީގެ ކުރިން ބޭއްވި ހަފްލާއެއްގައި: ވިދާޅުވީ ބޮޑު ހާދިސާއެއް ނުހިނގާ އެއާޕޯޓު ހިންގެނީ ހާއްސަ ސަމާލުކަމެއް ދޭތީ ކަމަށް -- ފޮޓޯ: ފައިލް

ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ސެކިއުރިޓީ އާއި ރައްކާތެރިކަން ޔަގީންކުރެވޭނީ އެއާޕޯޓުގައި މަސައްކަތް ކުރާ މުވައްޒަފުންގެ މަސައްކަތުގެ މާހައުލުގެ ރައްކާތެރިކަމާއި އެ މުވައްޒަފުންގެ ދުޅަހެޔޮކަން ވެސް ޔަގީންކުރެވިގެން ކަމަށް ޑިފެންސް މިނިސްޓަރު މާރިޔާ އަހުމަދު ދީދީ މިރޭ ވިދާޅުވެއްޖެ އެވެ.

ވީއައިއޭގައި މަސައްކަތް ކުރާ މުވައްޒަފުންގެ "އޮކިއުޕޭޝަނަލް ހެލްތު، ސޭފްޓީ އެންޑް ސެކިއުރިޓީ" އަށް އަމާޒުކޮށް ފަށާފައިވާ "ބިނާރު" ޕްރޮގްރާމް އިފްތިތާހު ކުރުމަށް މިރޭ ބޭއްވި ރަސްމިއްޔާތުގައި މާރިޔާ ވިދާޅުވީ އެއާޕޯޓްގެ ސެކިއުރިޓީ ވަނީ ގައުމުގެ ސަލާމަތާ ވެސް ގުޅިފައި ކަމަށެވެ.

"އެއާޕޯޓަށް ކުރިމަތިވާ ކޮންމެ ނުރައްކަލަކީ ގައުމަށް ވެސް ކުރިމަތިވާ ނުރައްކަލެއް. ކޮންމެ ގޮންޖެހުމަކީ ވެސް ގައުމުގެ އިގުތިސޯދަށް ކުރިމަތިވާ ގޮންޖެހުމެއް. މިއީ ރާއްޖެ ބޭރު ދުނިޔެއަށް ގުޅުވައިދޭ މައި ދޮރުއަށި،" މިނިސްޓަރު މާރިޔާ ވިދާޅުވި އެވެ.

Advertisement

ރައީސް އިބްރާހީމް މުހައްމަދު ސޯލިހުގެ ސަރުކާރުގެ އަމާޒާއި ސިޔާސަތުތައް ބައްޓަން ކުރަނީ މަސައްކަތްތެރިންގެ ހައްގަކީ އެންމެ ކުޑަ އުޖޫރައާ ހަމައަށް ނިމޭ ކަމެއްގެ ގޮތުގައި ނޫން ކަން ވެސް މިނިސްޓަރު ފާހަގަ ކުރެއްވި އެވެ.

"މަސައްކަތުގެ މާހައުލުމުގެ ރައްކާތެރިކަން ހިމެނޭހެން ހުރިހާ މާނައެއްގައި ވެސް މުވައްޒަފުންގެ ހައްގުތައް ރައްކާތެރިކޮށްދީ އަމާން ރައްކާތެރި ސަލާމަތްތެރި މަސައްކަތުގެ ވެއްޓެއް ގާއިމްކޮށްދިނުމަކީ ރައީސް އިބްރާހީމް މުހައްމަދު ސޯލިހުގެ އަމާޒެއް،" މާރިޔާ ވިދާޅުވި އެވެ.

އެއާޕޯޓް ހިންގާ ކުންފުނި، މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އިސްވެ ފަށާފައިވާ ޕްރޮގްރާމަކީ ސަރުކާރުގެ އެ ސިޔާސަތުގެ އިތުރަށް އެއާޕޯޓްގެ ސެކިއުރިޓީއަށް ވެސް ވަރަށް މުހިންމު ޕްރޮގްރާމެއް ގޮތުގައި މާރިޔާ ސިފަކުރެއްވި އެވެ.

"މޭޖާ އިންސިޑެންޓެއް ކުރިމަތިނުވެ އެއާޕޯޓްގެ އޮޕަރޭޝަންތައް މި ކުރިއަށް ގެންދެވޭނީ ވީއައިއޭއިން ސެކުއިރިޓީއަށް ހާއްސަ ސަމާލުކަމެއް ދެމުން ގެންދާތީ،" މިހާރު ވެސް އެއާޕޯޓްގެ ސެކިއުރިޓީއަށް ޑިފެންސް މިނިސްޓްރީގެ އިދާރާތަކަށް އެމްއޭސީއެލުން ލިބޭ އެއްބާރުލުން ފާހަގަ ކުރައްވަމުން މިނިސްޓަރު ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox