ޔޫކްރެއިންގެ އިރުމަތީގައި ހަނގުރާމައިގެ ފްރަންޓްލައިންގައި އޮތް ބަހްމޫތު ސިޓީގެ ހާލަތު ދަނީ "ވަރަށް ބޮޑަށް އުނދަގޫވަމުން" ކަމަށް އެ ގައުމުގެ ރައީސް ވޮލޮޑިމިރް ޒެލެންސްކީ ވިދާޅުވެއްޖެ އެވެ.
ބަހްމޫތު ސިޓީގެ ކޮންޓްރޯލް ހޯދަން ރަޝިއާގެ ސިފައިން ހަމަލާދޭތާ ހަ މަސް ވެއްޖެ އެވެ.
"އަޅުގަނޑުމެން ރައްކާތެރިކަން ހޯދަން ބޭނުންކުރާނެ ހުރިހާ އެއްޗަކަށް ދުޝްމަނުން އެބަ އަމާޒުކުރޭ،" ޒެލެންސްކީ ވިދާޅުވި އެވެ.
އެ ސިޓީގެ ހާލަތު ގޯސް ކަމަށް ޒެލެންސްކީ ވިދާޅުވި އިރު، އެމެރިކާގެ ސެކެޓްރީ އޮފް ސްޓޭޓް ޖެނެޓް ޔެލެން ހޯމަ ދުވަހު ޔޫކްރެއިންގެ ވެރިރަށް ކިޔެވްއަށް ވަޑައިގެންނެވި އެވެ.
އެ ތަނުގައި ވާހަކަދައްކަވަމުން ޔެލެން ވަނީ ރަޝިއާއަށް ހަތިޔާރު ފޯރުކޮށްދިނުމާ ދެކޮޅަށް ޗައިނާއަށް އިންޒާރުދެއްވައިފަ އެވެ.
އޭގެ އިތުރުން އިގްތިސާދީ އަދި ބަޖެޓު އެހީގެ ގޮތުގައި އިތުރު 1.25 ބިލިއަން ޑޮލަރު ޔޫކްރެއިނަށް ޓްރާންސްފާކޮށްފައި ވާނެ ކަމަށް ޔެލެން އިއުލާން ކުރެއްވި އެވެ.
މީގެ އަހަރެއް ކުރިން ރަޝިއާގެ ސިފައިން ޔޫކްރެއިނަށް އަރައި ހަނގުރާމަ ފެށި ފަހުން އެންމެ ބޮޑެތި ހަމަލާ ބަދަލުކުރުންތައް ކުރިއަށް ގޮސްފައި ވަނީ ބަހްމޫތު ސިޓީގަ އެވެ.
