ތިން ސެޓުން ރާއްޖޭގެ ފިރިހެން ޓީމު ބަލިކޮށް މެލޭޝިއާ ފައިނަލަށް

Feb 26, 2023, 4:55 PM
ފޯ ނޭޝަންސް ކަޕްގެ ފިރިހެން ސެމީ ފައިނަލުގައި މިރޭ ރާއްޖެއާ ދެކޮޅަށް މެލޭޝިއާ ކުޅުނު މެޗުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

ފޯ ނޭޝަންސް ކަޕްގެ ފިރިހެން ސެމީ ފައިނަލުގައި މިރޭ ރާއްޖެއާ ދެކޮޅަށް މެލޭޝިއާ ކުޅުނު މެޗުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

.ފޯ ނޭޝަންސް ކަޕް ވޮލީބޯޅަ މުބާރާތުގެ ފިިރިހެން ޑިވިޝަނުގެ ދެ ވަނަ ސެމީ ފައިނަލުގައި މިރޭ ރާއްޖެ އަތުން ސީދާ ތިން ސެޓުން މޮޅުވެ، މެލޭޝިއާ ފައިނަލުގެ ދެ ވަނަ ޖާގަ ހޯދައިފި އެވެ.

މާދަމާ ހަވީރު ކުޅޭ ފައިނަލުގައި މެލޭޝިއާ ކުޅޭނީ މިއަދު މެންދުރު ފަހު ފުރަތަމަ ސެމީގައި އަފްގާނިސްތާން ބަލިކުރި ސިންގަޕޫރާ ދެކޮޅަށެވެ. ރާއްޖެ ކައިރިން މެލޭޝިއާ އިން މިރޭ ސެޓުތައް ގެންދިޔައީ 25-14، 25-18 އަދި 25-23 އިންނެވެ.

ސަޕޯޓަރުން ފުރާލާފައި އޮތް ސޯޝަލް ސެންޓަރުގެ އިންޑޯ ހޯލުގައި މިރޭ ކުޅުނު ފުރަަތަމަ ސެޓު ފަށައިގެން ރާއްޖޭގެ ކެޕްޓަން، އަލީ ހުޒާމް (ހުޒަންޓެ) އާއި ހަސަން ނިލާމް (ޕާޓޭ) އަދި ހުސެއިން ޔޫސުފް (ޓޯއި)ގެ އެޓޭކްތަކެއް ކޮންމެވެސް ވަރަކަށް ފެނިގެންދިޔައިރު، ރާއްޖޭން ދިޔައީ މެލޭޝިއާއާ އެއް ހަމައެއްގައި ވާދަކުރަމުންނެވެ.

އެކަމަކު، ވަކި ހިސާބަކުން ރާއްޖޭގެ ރިސީވާއި ޑިފެންސް ބޯޅަތަކުގައި ގޯސްތަކެއް ހެދި، އެ ރަނގަޅުނުކުރެވި ދިއުމުގެ ނަތީޖާ އަކަށްވީ ފުލުފުލުގައި މެލޭޝިއާ އިން ޕޮއިންޓްތައް ހޯދަމުންދިއުމެވެ. މެލޭޝިއާގެ ސެޓަރު، ހައިރުލް ޝަޒްރީމޭ ދޭ ބޯޅަތަކުގައި އެ ޓީމުގެ މުހައްމަދު ފަހުމީ އާއި ޝޯން އެންގިއާޕް ބާރު ޝޮޓްތަކެއް ފޮނުވާލައި ޕޮއިންޓްތައް ހޯދިއިރު، އެ ޓީމުން ހަމަޖެހިލައިގެން މާ ބޮޑު ޕްރެޝަރެއް ނެތި، 25-14 އިން ފުރަތަމަ ސެޓު ގެންދިޔަ އެވެ.

ރާއްޖޭން ދެ ވަނަ ސެޓުގެ ފުރަތަމަ ދެތިން ޕޮއިންޓެއްގައި މެލޭޝިއާއާ ޗެލެންޖްކޮށް، ބްލޮކެއް ވެސް ކުރި އެވެ. އެކަމަކު، މެލޭޝިއާގެ ކޮންފިޑެންސް ރަނގަޅުކޮށް ފެނުނުއިރު، ކުރާ އެޓޭކްތައް ރަނގަޅުތަނަށް ނިންމާލުމުގައި އެ ޓީމު ފެނުނީ ރަނގަޅުކޮށެވެ. ސެޓު ފަށައިގެން ހަތަރު ޕޮއިންޓުގެ ލީޑެއްގައި އޮވެ، ޕްރެޝަރު ބޯޅަތަކުގައި ވެސް ރަނގަޅު ތަނަށް ކުޅެމުންދިޔަ އެވެ. މެލޭޝިއާ އިން ގިނަ ބޯޅަތަކެއް ކުޅެމުންދިޔައީ ރާއްޖޭގެ ސެޓަރު، ހުސެއިން ޝާހިދު (ޝާޑު) ހުރި ދިމާލަށް ޓާގެޓް ކޮށްގެންނެވެ.

ފުރަތަމަ ސެޓާ އަޅާކިޔާއިރު، ދެ ވަނަ ސެޓުގައި ރާއްޖޭން ރަނގަޅަށް ކުޅެން މަސައްކަތްކުރި އެވެ. މެލޭޝިއާ އިން ފަރަގު ބޮޑުކުރަން މަސައްކަތް ކުރި ނަމަވެސް ރާއްޖޭން އެ ފުރުސަތު އެހާބޮޑަށް ނުދީ ގޭމްތެރޭގައި ކުރިއަށްދެވޭތޯ ޑިފެންސާއި އެޓޭކްގައި ވެސް ހިތްވަރު ކުރަމުންދިޔަ އެެވެ. ރާއްޖޭން ސެޓަރު ބަދަލުކޮށް، ހުސެއިން ވިޝާމް (ބުޅިކެ) މި ސެޓުގައި ބޮޑަށް ބޭނުންކުރި ނަމަވެސް މެލޭޝިއާ ކުޅެމުންދިޔަ ފޯމެއް ބަދަލެއް ނާންނާތީއާ އެކު އެ ޓީމުން ދެ ވަނަ ސެޓު، 25-18 އިން ގެންގޮސް މެޗުން މޮޅުވާން އިތުބާރު ބޮޑުކުރީ އެވެ.

ރާއްޖޭން ތިން ވަނަ ސެޓު ފަށައިގެން މެލޭޝިއާއާ އެއް ހަމައަކަށް ޖެހިލައި ކުޅެން ފެށި އެވެ. ރާއްޖޭގެ ނިލާމް އާއި އާދަމް ފައިރޫޒް، ހޯދި ޕޮއިންޓްތަކާ އެކު 4-6 އިން ލީޑުގައި އޮއްވައި، މެލޭޝިއާ އިން ޓައިމްއައުޓެއް ނެގި އެވެ. ޓައިމްއައުޓަށް ފަހު މެލޭޝިއާ އިން ކުޅުން ރަނގަޅުކޮށް، 8-7 އިން ނަތީޖާ އަނބުރާލި އެވެ. އެކަމަކު، ރާއްޖޭގެ ހުސެއިން ރައްޒާން ރަނގަޅު ދެ އެޓޭކްކޮށް، ރާއްޖެ އަށް 9-11 އިން ލީޑެއް ހޯދައިދިނެވެ.

މެލޭޝިއާ އިން ހެދުނު ގޯސްތައް ރަނގަޅުކޮށް، އަނެއްކާ ވެސް ނަތީޖާ އަނބުރާލައި، 12-11 އިން ލީޑު ހޯދި އެވެ. އޭގެ ފަހުން، މެލޭޝިއާ އިން ރަނގަޅު ލީޑެއް ނަގައި، ސެޓުގެ ކޮންޓްރޯލް ހޯދައިގެން ކުޅެން ފެށި އެވެ. ރާއްޖޭގެ އެޓޭކްތައް ހުއްޓުވަން ބްލޮކަށް އަރައި މެލޭޝިއާގެ ޝިއާ ޔޫ ވެސް ރަނގަޅު ޕޮއިންޓްތަކެއް ހޯދި އެވެ. ސެޓުގެ ފަހުކޮޅުގައި ރާއްޖޭން ރަނގަޅު ވަގުުތު ޕޮއިންޓްތަކެއް އެއްކޮށް، ފަރަގުކުޑަކުރި ނަމަވެސް މެލޭޝިއާ އިން ވަނީ މި ސެޓު 25-23 އިން ގެންގޮސް މެޗުން މޮޅުވީ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox