ޝަމާއިލް، ގައުމީ ވޮލީ ޓީމުން ވަކިކޮށްފި

Dec 2, 2025, 9:46 AM
ޝަމާއިލް، ގައުމީ ވޮލީ ޓީމުން ވަކިކޮށްފި

ގައުމީ ސީނިއާ ވޮލީބޯޅަ ޓީމުގެ ކުޅުންތެރިޔާ، ޝަމާއިލް ހުސެއިން، ގައުމީ ވޮލީބޯޅަ ސްކޮޑުން ވަކިކުރަން ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން ނިންމައިފި އެެވެ.

ވީއޭއެމް އިން އިއްޔެ ނެރުނު އިންޓާނަލް މެމޯއެއްގައި ބުނެފައިވަނީ، ގައުމީ ސީނިއާ ވޮލީބޯޅަ ޓީމުގެ ރިލީޒްގައި ހުރެ، އަދި އެސޯސިއޭޝަންގެ އުސޫލުތަކާ ހިލާފުވެ، ލ. އަތޮޅުގައި މިހާރު ކުރިއަށްދާ ލާމަސީލު ލާމު ވޮލީބޯޅަ މުބާރާތުގައި ބައިވެރިވެ، މެޗުތައް ކުޅެފައިވާތީ، ޝަމާއިލް ގައުމީ ސްކޮޑުން ވަކިކުރެވިފައިވާ ކަމަށެވެ.

މި ކަމާ ގުޅިގެން، ވީއޭއެމް އިން ވަނީ، ލ. އަތޮޅުގެ އަތޮޅު ކައުންސިލްގެ އިދާރާގެ ރައީސް އިސްމާއިލް އަލީ އަށް އެޑްރެސްކޮށް އިއްޔެ ސިޓީއެއް ފޮނުވައިފަ އެވެ.

Advertisement

އެ ސިޓީގައި ބުނެފައިވަނީ، ގައުމީ ޓީމުގެ ކުޅުންތެރިން، ގައުމީ ޓީމުގެ ފަރިތަކުރުންތަކުން އެއްވެސް ސަބަބަކާ ހުރެ ދުރަށް ދެވޭނީ އެކަމަށްޓަކައި ގާއިމްކުރެވިފައިވާ އުސޫލުތަކުގެ ތެރެއިން ކަމަށެވެ. އެހެން ނަމަވެސް، އެ އުސޫލާ ހިލާފަށް ޝަމާއިލް، ލާމަސީލު ލާމު ވޮލީބޯޅަ މުބާރާތުގައި ކުޅެން ގޮސްފައިވާތީވެ، ވީއޭއެމްގެ ލީގަލް ކޮމިޝަނުން ބަލައި، މި ކަމާ ގުޅޭގޮތުން ގޮތެއް ނިންމާފައިވާ ކަމަށެވެ.

އެ ގޮތުން، ވީއޭއެމް އިން ނިންމި ނިންމުން ކަމަށް އަންގާފައިވަނީ، ގައުމީ ޓީމުގެ ސްކޮޑުން ޝަމާއިލް ބާކީކުރުމުގެ އިތުރުން، ވީއޭއެމް އިން ރާވާ ހިންގާ މުބާރާތްތަކާއި ވީއޭއެމްގެ ރެފްރީން ފޮނުވައިގެން ރެފްރީކަން ކުރާ މުބާރާތްތަކުގައި ކުޅުންތެރިއެއްގެ ގޮތުގައި ނުވަތަ ޓީމު އޮފިޝަލެއްގެ ގޮތުގައި، ހަރަކާތްތެރިނުވެވޭ ގޮތަށް ހަމަޖެއްސުމަށް ކަމަށެވެ.

ވީއޭއެމްގެ ރައީސް މުހައްމަދު ލަތީފް، "އަދަދު ސްޕޯޓްސް" އަށް ވިދާޅުވީ ޝަމާއިލް ދިޔައީ އޮންނަ އުސޫލުން ފުރިހަަމަކުރަން ޖެހޭ ކަންކަން ނުކޮށް ކަމަށެވެ.

"ޝަމާއިލް ދިޔައީ (އުސޫލުތަކުގެ ތެރެއިން) އެ ކަހަަލަ އެއްވެސް ކަމެއް ފުރިހަަމަނުކޮށް، ފޮޓޯތަކުން އެނގުނީ (މުބާރާތެއް ކުޅޭކަން)، (ގައުމީ ޓީމުގެ ކުޅުންތެރިޔާ) ނިލާމް ވެސް އެބަކުޅޭ އެ މުބާރާތް. ގައުމީ ޓީމުގެ އެހެން ކުޅުންތެރިން އެބަ ކުޅޭ ތި މުބާރާތުގައި، އެ މީހުން ދިޔައީ ޗުއްޓީ ނަގައިގެން، އޮންނަ އުސޫލުގެ ތެރެއިން ޗުއްޓީ ނަގައިގެން، އަހަންނަށް މައުލޫމާތު ލިބުނު ގޮތުގައި ޓީމުގެ މެނޭޖަރު ވެސް ލީވް ފޯމު އޭނަ (ޝަމާއިލް) އަށް ފޮނުވި، އެ ވަރުން ވެސް އަޅައިނުލައި ކުޅެން ގޮސް އެ ހުރީ،" ލަތީފް ވިދާޅުވި އެވެ.

އުސޫލުތަކާ ގުޅޭ ފުރިހަމަ މައުލޫމާތު ހިއްސާކޮށްފައެއް ނެތް: ޝަމާއިލް

މި ކަމާ ގުޅޭގޮތުން، ލ. މާވަށަށް އުފަން، ޝަަމާއިލް "އަދަދު ސްޕޯޓްސް" އަށް ބުނީ، މެޑިކަލް ކަމެއް ދިމާވެފައި އޮތުމުން، ގައުމީ ޓީމަށް ކުރިއަށް އޮތް މުބާރާތުގެ އެ ތާރީހުގައި ނުކުޅެވޭތީ އެ މުބާރާތުގައި ނުކުޅެން ނިންމާފައިވާ ކަމަށެވެ.

އަދި، ގައުމީ ޓީމުން އޭނާ ވަކިކުރިކަން ވަކިން އޭނާ އަށް އަންގާފައިނުވާ ކަމަށާއި، ގައުމީ ޓީމުގެ ކުޅުންތެރިން ރަށްރަށަށް މުބާރާތްތަކަށް ދިއުމަށް އުސޫލުތަކެއް ހަދާފައި އޮންނަކަމުގެ ރަނގަޅު މައުލޫމާތު ލިބިފައިނުވާ ކަމަށާއި މި ކަމާ ގުޅޭގޮތުން ކުޅުންތެރިޔާއާ އެކު އެއްބަސްވުމެއް ނޫނީ އިގުރާރެއް ހަދާފައި ނެތް ކަމަށް ވެސް ޝަމާއިލް ވަނީ ބުނެފަ އެވެ.

މި ކަމާ ގުޅޭގޮތުން، އެސޯސިއޭޝަނުން އޭނާއާ ރަނގަޅަށް މުއާމަލާތު ކުރުމެއް ނެތި މި ގޮތަށް ފިޔަވަޅު އެޅުމަކީ، އެންމެ ރަނގަޅު ގޮތެއް ނޫން ކަމަށް ވެސް ޝަމާއިލް ބުނެފައިވެ އެވެ. އަދި، ގައުމީ ޓީމުން އޭނާ ވަކިކުރިކަން ވެސް ގްރޫޕަކަށް ލިޔުމެއް ފޮނުވައިގެން ކުރިއަށްގެންދިއުމަކީ ވެސް މިކަމުގައި އެންމެ ރަނގަޅު ގޮތް ގޮތުގައި ނުދެކޭ ކަމަށް ވެސް، ލ. މާވަށު ޓީމަށް ލާމަސީލު ލާމު މުބާރާތުގައި ކުޅެން ގޮސް ހުރި ޝަމާއިލް ވަނީ ފާހަގަކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox