"ލޯޑް އޮފް ދަ ރިންގްސް" ގެ އިތުރު ފިލްމުތަކެއް އުފައްދަން ނިންމާފައިވާ ކަމަށް ވޯނާ ބްރޯޒް ކުންފުނިން އިއުލާނުކޮށްފި އެވެ.
"ލޯޑް އޮފް ދަ ރިންގްސް" ގެ އޮރިޖިނަލް ފިލްމުތަކުގައި އުޅުނީ ސާ އިއަން މެކްކެލެން، އެލައިޖާ ވުޑް އަދި އޯލާންޑޯ ބްލޫމް ފަދަ ތަރިންނެވެ. އެ ފިލްމުތަކަށް ބޮކްސް އޮފީހުގައި ތިން ބިލިއަން ޑޮލަރު ލިބުނެވެ.
އޭގެ އިތުރުން އެ ފިލްމުތަކަށް ގިނަ އޮސްކާ އެވޯޑް ވެސް ލިބުނެވެ. އެގޮތުން 2004 ވަނަ އަހަރު "ދަ ރިޓާން އޮފް ދަ ކިންގް" އަށް އެންމެ މޮޅު ފިލްމު އަދި އެންމެ މޮޅު ޑިރެކްޓަރުގެ އެވޯޑް ލިބުނެވެ.
އެ ފިލްމު ސީރީޒުން 2022 ވަނަ އަހަރު ޓީވީ ސީރީޒެއް ވެސް ނެރުނެވެ. "ދަ ލޯޑް އޮފް ދަ ރިންގްސް: ރިންގްސް އޮފް ޕަވާ" ދެއްކީ އެމޭޒަންއިންނެވެ.
އެ ޓީވީ ސީރިޒް އުފެއްދުމަށް 800 މިލިއަން ޑޮލަރަށް ވުރެ ބޮޑު ބަޖެޓެއް ހޭދަކުރި އެވެ. ޓީވީ ސީރީޒްގައި ދައްކަނީ ފިލްމު ސީރީޒް އަދި "ލޯޑް އޮފް ދަ ރިންގްސް" ވާހަކަތަކުގައި ފެންނަ ޒަމާނަށް ވުރެ އެތައް ހާސް ކުރި އެވެ.
އެ ޓީވީ ސީރީޒްގެ ދެ ވަނަ ބައެއް އުފެއްދުމުގެ މަސައްކަތް މިދިޔަ އޮކްޓޯބަރު މަހު ފެށި އެވެ. "ލޯޑް އޮފް ދަ ރިންގްސް" އަކީ ޖޭއާރްއާރް ޓޮލްކިއެން ލިޔުނު ހިޔާލީ ދުނިޔެއް ދައްކުވައިދޭ ވާހަކަތަކެކެވެ.
