ކޮމެޑީ ކާޓޫން ސައުތް ޕާކް އުފައްދާ މީހުންނާ ދެކޮޅަށް ކޯޓަށް ދާން އުޅޭ ކަމަށް ފެތުރޭ ހަބަރު އިނގިރޭސި އަމީރު ހެރީ އާއި އަނބިކަނބަލުން މޭގަން ދޮގުކުރައްވައިފި އެވެ.
"ދަ ވޯލްޑްވައިޑް ޕްރައިވެސީ ޓުއާ"ގެ ނަމުގައި ސައުތް ޕާކުން ނެރުނު އެޕިސޯޑެއްގައި ފެންނަނީ ހެރީ އާއި މޭގަންގެ މައްޗަށް އުފެއްދި ދެ ކެރެކްޓާ ކަމަށް ބެލެވެ އެވެ.
ހެރީ އާއި މޭގަންގެ ތަރުޖަމާން ޕީޕަލް މަޖައްލާއަށް ވިދާޅުވީ ކޯޓަށް ދާން އުޅޭ ކަމަށް ފެތުރޭ ހަބަރަކީ އެއްވެސް ހަގީގަތެއް ނެތް ވާހަކަތަކެއް ކަމަށެވެ.
Advertisement
ހެރީ އާއި މޭގަންއަށް ޖޯކު ޖަހައި ސައުތް ޕާކުން އުފެއްދި 22 މިނެޓުގެ އެޕިސޯޑް ދެއްކީ މިދިޔަ ހަފުތާގަ އެވެ.
ޓްރޭ ޕާކާ އާއި މެޓް ސްޓޯން އުފެއްދި ސައުތް ޕާކް އެންމެ ފުރަތަމަ ޕްރިމިއާ ކުރީ 1997 ވަނަ އަހަރު ކޮމެޑީ ސެންޓްރަލް ނެޓްވޯކްގަ އެވެ.
