މުންޗެންގްލަޑްބެކް އަތްދަށުވުމުން ބަޔާނަށް އެއް ވަނަ ގެއްލިދާނެ

Feb 19, 2023, 1:47 AM
މުންޗެންގްލަޑްބެކް އަތްދަށުވުމުން ބަޔާނަށް އެއް ވަނަ ގެއްލިދާނެ

މިއުނިކް (ފެބްރުއަރީ 19) - ބޮރޫޝިއާ މުންޗެންގްލަޑްބެކް އަތުން 3-2 އިން ބަލިވުމާ އެކު، ޖަރުމަނު ލީގުގެ އެއް ވަނަ މަގާމު ބަޔާން މިއުނިކަށް ގެއްލުމުގެ ބިރު ބޮޑުވެއްޖެ އެވެ.

އެއް ކުޅުންތެރިއަކު މަދުކޮށް ރޭގެ މެޗުގެ ބޮޑުބައި ބަޔާނުން ކުޅެން ޖެހުނުއިރު، އެ ޓީމު އެއް ވަނައިގައި އޮތީ 21 މެޗުން 43 ޕޮއިންޓާ އެކު އެވެ. ދެ ވަނައިގައި ޔޫނިއަން ބާލިން އޮތީ 20 މެޗުން 42 ޕޮއިންޓް ހޯދައިގެންނެވެ. މިރޭ ޔޫނިއަން ބާލިން ކުޅޭ މެޗުން ޝާލްކާ އަތުން މޮޅުވެއްޖެނަމަ އެ ޓީމަށް އެއް ވަނަ އަށް އެރޭނެ އެވެ.

ރޭގެ މެޗުގައި ބަޔާނަށް އުނދަގޫ ބޮޑުވީ މެޗުގެ އަށް ވަނަ މިނިޓްގައި އެ ޓީމުގެ ޑިފެންޑަރު، ޑަޔޫޓް އުޕަމެކާނޯ މުންޗެންގްލަޑްބެކްގެ ފޯވާޑް، އަލަސާނޭ ޕްލޭއާ އަށް ކުރި ފައުލަކަށް ސީދާ ރަތް ކާޑެއް ދެއްކުމުންނެވެ.

Advertisement

އުޕަމެކާނޯ އަށް ރަތް ކާޑު ދައްކަން ޖެހޭތޯ ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައި ކަށަވަރުކޮށް، އެ ނިންމުން ރަނގަޅު ކަމަށް ކަނޑައެޅި އެވެ. މެޗަށް ފަހު ބަޔާން ކޯޗު ހޫލިއަން ނާގަލްސްމަން ވަނީ އެ ނިންމުމަށް ފާޑުކިޔައިފަ އެެވެ. އަދި ރެފްރީންގެ ރޫމަށް ގޮސް، އެ ރަތް ކާޑު ދައްކަން މެދުވެރިވި ސަބަބު އޮޅުންފިލުވަން ވެސް މަސައްކަތްކުރި އެވެ.

ބަޔާނުން ކުޅުންތެރިއަކު މަދުވުމުގެ ފައިދާނަގައި، 13 ވަނަ މިނިޓްގައި މުންޗެންގްލަޑްބެކް އިން ލީޑުނެގީ ލާސް ސްޓިންޑްލް ޖެހި ގޯލުންނެވެ. ކުޅުންތެރިއަކު މަދުކޮށް ކުޅެ ވެސް ބަޔާނުން ވަނީ 35 ވަނަ މިނިޓްގައި އެއްވަރުކޮށްފަ އެވެ. މިއީ ކައުންޓަ އެޓޭކެއްގައި އަލްފަންސޯ ޑޭވީސް ނަގައިދިން ބޯޅައަކުން އެރިކް މެކްސިމް ޗޮޕޫ މޯޓިން ޖެހި ގޯލެކެވެ.

މެޗުގެ 55 ވަނަ މިނިޓްގައި މުންޗެންގްލަޑްބެކް އިން އަލުން ލީޑުނެގީ ޔޮނަސް ހޮފްމަން ޖެހި ގޯލުންނެވެ. މި ގޯލުގައި ޕްލެއާ އާއި ހޮފްމަންގެ ކޮމްބިނޭޝަން ފާހަގަކުރެވުނެވެ. މެޗުގެ 84 ވަނަ މިނިޓްގައި މާކަސް ތުރާމް، މުންޗެންގްލަޑްބެކަށް ލީޑުފުޅާކޮށްދިންއިރު، މި ގޯލު ޖަހަން ވެސް ފުރުސަތު ހޯދައިދިނީ މެޗުގައި މޮޅަށް ކުޅުނު ހޮފްމަން އެވެ.

ބަޔާންގެ ޓީނޭޖް ސްޓްރައިކަރު، މަތީސް ޓީލް ވަނީ އިތުރު ވަގުތުގައި އެ ޓީމުގެ ދެ ވަނަ ގޯލު ޖަހައިފަ އެވެ. އެކަމަކު، ބަޔާނަށް އިތުރު ގޯލެއް ނުޖެހި މުންޗެންގްލަޑްބެކްގެ އަތްދަށުވިއިރު، ބަޔާން މި ވަނީ އެންމެ ފަހުން މުންޗެންގްލަޑްބެކާ ކުޅުނު ފަސް މެޗުން ވެސް ބަލިވެފަ އެވެ.

ރޭގެ މެޗުގައި ބަޔާންގެ ގޯލު ބެލެހެއްޓި ސްވިޒަލެންޑްގެ ކީޕަރު، ޔެން ސޮމާ ވަނީ އަށް އަހަރާއި ބައި ވަންދެން މުންޗެންގްލަޑްބެކަށް ކުޅެފަ އެވެ. ސޮމާ އެ ޓީމު ދޫކޮށް ބަޔާނަށް ބަދަލުވީ މިދިޔަ މަހުގެ ޓްރާންސްފާގަ އެވެ. އެއީ ބަޔާންގެ ކީޕަރު މެނުއަލް ނޯޔާ އަށް އަނިޔާގެ ސަބަބުން ސީޒަން ނިމިފައިވާތީ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox