ސްޕާލްގެ ކޯޗުކަމުން ޑި ރޮސީ ވަކިކޮށްފި، މަގާމުގައި ހޭދަކުރެވުނީ އެންމެ ހަތަރު މަސް

Feb 15, 2023, 3:16 AM
ސްޕާލްގެ ކޯޗުކަމުން ޑި ރޮސީ ވަކިކޮށްފި، މަގާމުގައި ހޭދަކުރެވުނީ އެންމެ ހަތަރު މަސް

މިލާން (ފެބްރުއަރީ 15) - އިޓަލީގެ ދެ ވަނަ ޑިވިޝަންގެ ކްލަބެއް ކަމަށްވާ ސްޕާލްގެ ކޯޗުކަމުން އިޓަލީގެ ކުރީގެ މިޑްފީލްޑަރު ޑަނިއޭލޭ ޑި ރޮސީ ވަކިކޮށްފި އެވެ.

ކޯޗިން ކެެރިއަރުގައި މަގާމުގައި ހަވާލުވި ފުރަތަމަ ކްލަބުގައި ޑި ރޮސީ އަށް ހޭދަކުރެވުނީ އެންމެ ހަތަރު މަހެވެ.

ސްޕާލް އިން ނެރުނު ބަޔާނެއްގައި ބުނީ ޑި ރޮސީ އާއި އޭނާއާ އެކު މަސައްކަތްކުރާ ކޯޗިން ސްޓާފުން ވަކިކުރުމަށް އެ ކްލަބުން ނިންމާފައިވާ ކަމަށެވެ.

ޑި ރޮސީ، 39، ސްޕާލްގެ ކޯޗުކަމާ އޮކްޓޯބަރު މަހު ހަވާލުވީ ރޮބާޓޯ ވެންޗުރާޓޯގެ ބަދަލުގަ އެވެ. އެކަމަކު، ޑި ރޮސީގެ އިރުޝާދުގެ ދަށުން ވެސް ސްޕާލް އަށް ކުރިއެރުމެއް ނުލިބުނެވެ. ޖެހިޖެހިގެން ތިން މެޗުން ބަލިވެ އެ ޓީމު އޮތީ ރެލިގޭޝަން ޒޯންގަ އެވެ.

ޑި ރޮސީގެ އިރުޝާދުގެ ދަށުން ލީގުގައި ކުޅުނު 16 މެޗުގެ ތެރެއިން މޮޅުވީ އެންމެ ތިން މެޗުންނެވެ.

ކުޅުމުގެ ކެރިއަރުގައި ޑި ރޮސީ އަކީ އޭއެސް ރޯމާގެ ލެޖެންޑެކެވެ. އަދި އިޓަލީގެ ގައުމީ ޓީމަށް 117 މެޗު ކުޅެ، 21 ލަނޑު ޖަހާފައިވާ ހުނަރުވެރި ކުޅުންތެރިއެކެވެ. އިޓަލީން 2006 ވަނަ އަހަރުގެ ވޯލްޑް ކަޕް ކާމިޔަބުކުރި ސްކޮޑުގައި ޑި ރޮސީ ހިމެނުނެވެ.

އިޓަލީން ޔޫރޯ 2020 ކާމިޔާބުކުރިއިރު، އެ ޓީމުގައި ހެޑް ކޯޗު ރޮބާޓޯ މަންޗީނީގެ އެހީތެރިއަކަށް ޑި ރޮސީ މަސައްކަތްކުރިއެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox