ދުނިޔޭގެ ހުރިހާ ބައްރުތަކެއްގެ ކަލަބު ޗެމްޕިއަނުން ހިމަނައިގެން ކުޅޭ ފޯރިގަދަ މުބާރާތް، "ފީފާ ކުލަބް ވޯލްޑް ކަޕް" ގެ ސެމީ ފައިނަލުގައި މިރޭ ރެއާލް މެޑްރިޑާއި އަލް ހިލާލް ބައްދަލު ކުރާ މެޗު މީޑިއާނެޓުން ދެއްކުމަށް ހަމަޖައްސައިފި އެވެ.
އެ މެޗު ގެނެސްދޭނީ މީޑިއާނެޓުގެ ކުޅިވަރު ޗެނަލް، އައިސް ސްޕޯޓްސް (ޗެނަލް 102) މެދުވެރިކޮށެވެ.
މިއަހަރުގެ މުބާރާތަށް ކޮލިފައިވެފައި ވަނީ މިދިޔަ އަހަރުގެ ޔޫރަޕުގެ ޗެމްޕިއަން، ރިއާލް މެޑްރިޑާއި އެފްރިކާގެ ޗެމްޕިއަން، އަލް އަޙްލީއާއި އޭޝިއާގެ ޗެމްޕިއަން، އަލް ޙިލާލްގެ އިތުރުން ނޯތު އަދި ސެންޓްރަލް އެމެރިކާގެ ޗެމްޕިއަން ސިއެޓްލް ސައުންޑަރސްއާއި ސައުތު އެމެރިކާގެ ޗެމްޕިއަން ފްލެމެންގޯ އަދި އޯޝޭނިއާގެ ޗެމްޕިއަން އޯކްލޭންޑް ސިޓީ އާއި މުބާރާތް ހޯސްޓް ކުރާ ގައުމު، މޮރޮކޯގެ ވިދާދް އޭސީ އެވެ.
މުބާރާތުގެ ފުރަތަމަ ސެމީ ފައިނަލް ރޭގައި ކުޅުނު އިރު، ފްލެމެންގޯއާ ވާދަކޮށް އަލް ހިލާލް ވަނީ 2-3 ގެ ނަތީޖާއަކުން ކުރި ހޯދައި ފައިނަލުގެ ޖާގައެއް ކަށަވަރުކޮށްފަ އެވެ.
ސެމީގެ ދެވަނަ މެޗަށް ރެއާލް މެޑްރިޑާ ދެކޮޅަށް މިރޭ ނުކުންނާނީ އަލް އަޙްލީ އެވެ. އެ މެޗު ފަށާނީ ރާއްޖެ ގަޑިން މިރޭ 12:00 ގައެވެ.
މުބާރާތުގެ ފައިނަލް މެޗު އޮންނާނީ އަންނަ ހޮނިހިރި ދުވަހުގެ ރޭ 12:00 ގަ އެވެ. އެ މެޗު ވެސް އައިސް ސްޕޯޓްސް އިން ވަގުތުން ދައްކާނެ ކަމަށް މީޑިއާނެޓުން ބުނެ އެވެ.
ފީފާ ކުލަބު ވޯލްޑުކަޕުގެ މި ފޯރިގަދަ ދެ މެޗު މީޑިއާނެޓުގެ އެމް އެސް ޑިޖިޓަލް އެޕް މެދުވެރިކޮށް ރާއްޖޭގެ ކޮންމެ ތާކު ހުރެގެން ވެސް ބެލޭނެ އެވެ.
މީޑިއާނެޓުގެ އެންމެ ބޮޑު އަމާޒަކީ ކުރިއަށް އޮތް ތަނުގައިވެސް ދިވެހިން ޝައުގުވެރިވާ އަދި ބޭނުންވާ މިފަދަ ފޯރިގަދަ މުބާރާތްތަކާއި އެހެނިން ކޮންޓެންޓު ދިވެހިންނާ ހަމައަށް ފޯރުކޮށްދިން ކަމަށް އެ ކުންފުނިން އަބަދުވެސް ފާހަގަ ކުރެ އެވެ.
