ފަޅި ބަދަލުކޮށް މެމްބަރު މުއިއްޒު ރައީސް ސޯލިހުގެ ފެކްޝަނަށް

ފަޅި ބަދަލުކޮށް މެމްބަރު މުއިއްޒު ރައީސް ސޯލިހުގެ ފެކްޝަނަށް

ވެރިކަން ކުރާ މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ތެރޭގައި އުފެދިފައިވާ ހިޔާލު ތަފާތުވުންތަކުގައި ރައީސް މުހައްމަދު ނަޝީދަށް ތާއިދު ކުރައްވަމުން ގެންދެވި ހެންވޭރު އުތުރު ދާއިރާގެ މެމްބަރު އިބްރާހިމް މުއިއްޒު ފަޅި ބަދަލުކުރައްވައި ރައީސް އިބްރާހިމް މުހައްމަދު ސޯލިހުގެ ކެމްޕާ ގުޅިވަޑައިގެންފި އެވެ.

ވެރިކަމުގެ ނިޒާމުގެ ބަހުސުން އުފަންވި ފެކްޝަންތައް ހާމައަށް ފެންނާން ފެށީ ރިޔާސީ ޓިކެޓުގެ ވާދައިގައި ދެ ރައީސުން ކުރެއްވި ކެމްޕޭނުގެ ތެރެއިންނެވެ. ރިޔާސީ ޕްރައިމަރީގައި މުއިއްޒު އެއްވެސް ފަޅިއަކުން ކުރީ ސަފުގައި ފެނިފައެއް ނުވެ އެވެ. އަދި، ވަކި ކެންޑިޑޭޓަކަށް ތާއިދު ކުރައްވާކަން ވެސް ހާމަކޮށްފައި ނުވެ އެވެ.

މަޖިލީހަށް ހޮވުނު ފަހުން ރިޔާސީ ޕްރައިމަރީއާ ޖެހެންދެން ވެސް މުއިއްޒު ހުންނެވީ ނަޝީދުގެ ކޭމްޕުގަ އެވެ. އެކަމަކު، މިއަދު ރަސްމީކޮށް ރައީސް ސޯލިހަށް ތާއީދު ކުރައްވާކަން އޭނާ ވަނީ ހާމަކުރައްވާފަ އެވެ.

"އެމްޑީޕީ ރިޔާސީ ޕްރައިމަރީ ކާމިޔާބު ކުރެއްވެވި ރައީސް އިބްރާހިމް މުހައްމަދު ސޯލިހު އާއެކީ އެމްޑީޕީ އަށް ރިޔާސީ އިންތިހާބު ކާމިޔާބު ކޮށް ދިނުމަށް މަސައްކަތް ކުރުމަށް އަޅުގަނޑު ނިންމައިފިން،" މުއިއްޒު މިއަދު ޓްވީޓު ކުރެއްވި އެވެ.

ރައީސް އުފެއްދެވި ރިޔާސީ ކޮމިޝަންތަކުގެ މަސައްކަތްތަކާ ގުޅޭގޮތުން މީގެކުރިން ވަރަށް ބޮޑަށް މުއިއްޒު ފާޑުވިދާޅުވެފައި ވެއެވެ. ވަކިން ހާއްސަކޮށް އެމްއެމްޕީއާރުސީގެ ކޮރަޕްޝަންގެ މައްސަލަ ބެލުމުގައި ސަރުކާރަށް އެކަށީގެންވާ މަސައްކަތްތަކެއް ކުރެވިފައި ނުވާ ކަމަށް ބުނެ އޭނާ ކަންބޮޑުވުން ފާޅުކުރައްވާފައި ވެއެވެ.

މިއީ ނަޝީދުގެ ކޭމްޕް ދޫކުރައްވައި ރައީސްގެ ކޭމްޕާ މިފަހުން ގުޅިވަޑައިގެންނެވި ދެވަނަ މެމްބަރެވެ. ފޮނަދޫ ދާއިރާގެ މެމްބަރު މޫސާ ސިރާޖު ވެސް ވަނީ އެމްޑީޕީގެ ޕްރައިމަރީގައި ރައީސް ސޯލިހުގެ ފެކްޝަނާ ގުޅި އެމަނިކުފާނަށް އިންތިހާބު ކާމިޔާބު ކޮށްދިނުމަށް މަސައްކަތް ކޮށްދެއްވާފަ އެވެ.

އޭގެ ކުރިން، ވެސް ނަޝީދަށް ތާއީދު ކުރައްވަމުން ގެންދެވި މެމްބަރުންތަކެއްގެ ތާއީދު ރައީސް ސޯލިހު ހޯއްދެވި އެވެ. އޭގެ ތެރޭގައި ނަޝީދާ އަރިސް މެމްބަރުން ހިމެނެ އެވެ. އޭގެ ތެރޭގައި، ގަލޮޅު ދެކުނު ދާއިރާގެ މެމްބަރު މީކާއިލް އަހްމަދު ނަސީމާއި، އިނގުރައިދޫ ދާއިރާގެ މެމްބަރު ހަސަން އަހްމަދު (ހަސަންޓޭ) އާއި ނަޝީދުގެ ގާނޫނީ ވަކީލެއްގެ ގޮތުގައި ވެސް މަސައްކަތް ކުރެއްވި ތުޅާދޫ ދާއިރާގެ މެމްބަރު ހިސާން ހުސައިން ހިމެނެ އެވެ.

މުއިއްޒު ނަޝީދުގެ ކޭމްޕް ދޫކޮށްލެއްވުމާ އެކު އެމަނިކުފާނުގެ ކޭމްޕުގައި ތިއްބެވީ މަޖިލިސްގެ މަދު މެމްބަރުންތަކެކެވެ. އަދި، ގައުމީ މަޖިލީހާއި ޕާޓީގެ ހުރިހާ ގުނަންތަކެއްގައި އޮތް ތާއީދު ވެސް އެމަނިކުފާނަށް މިހާރު ވަނީ ގެއްލިފަ އެވެ.

ރިޔާސީ ޕްރައިމަރީ ވެސް ގެއްލި އެމްޑީޕީގެ ޓިކެޓުގައި އިންތިހާބުގައި ވާދަކުރުމުގެ ފުރުސަތު ނަޝީދަށް ނެތްއިރު އެމްޑީޕީގެ ރިޔާސީ ކެންޑިޑޭޓަށް އެމަނިކުފާނު ތާއިދު ކުރައްވާކަން ހާމަކުރައްވާފައި ނުވެ އެވެ.

އަދި، ގެންދަވަނީ "ފިކުރެއްގެ ދިރުން" ނަމުގައި އެމްޑީޕީގެ ތެރޭގައި ގޮފިތަކެއް ހެއްދެވުމުގެ މަސައްކަތް ކުރައްވަމުންނެވެ. އެއީ، އެމްޑީޕީގެ ދަފްތަރުން އުނިކުރި 39،000 މެމްބަރުން އަލުން އަނބުރާ ޕާޓީއަށް ވައްދައި އެ މެމްބަރުންގެ ބަހާ އެކު އެމްޑީޕީން ތާއިދުކުރާނެ ކެންޑިޑޭޓެއް ކަނޑައެޅުމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox