ކްލަބް ވޮލީބޯލްގެ މަސައްކަތުގެ ފައިދާ ދިވެހި ވޮލީ އަށް ކުރާނެ: ސޮފްވާން

Jan 30, 2023, 6:07 AM
ކްލަބް ވޮލީބޯލްގެ ކޯޗު ސޮފްވާން އަހުމަދު: އޭނާ ވަނީ އެ ކްލަބުން ޒުވާން ކުޅުންތެރިން އުފައްދަން އަހައްމިއްޔަތުކަން ދީގެން ކުރާ މަސައްކަތުގެ ފައިދާބޮޑު ކަމަށް ބުނެފައި.--- ފޮޓޯ: މުހައްމަދު ޝާބިން/ އަދަދު

ކްލަބް ވޮލީބޯލްގެ ކޯޗު ސޮފްވާން އަހުމަދު: އޭނާ ވަނީ އެ ކްލަބުން ޒުވާން ކުޅުންތެރިން އުފައްދަން އަހައްމިއްޔަތުކަން ދީގެން ކުރާ މަސައްކަތުގެ ފައިދާބޮޑު ކަމަށް ބުނެފައި.--- ފޮޓޯ: މުހައްމަދު ޝާބިން/ އަދަދު

ކްލަބް ވޮލީބޯލް އިން ޒުވާން އާ ކުޅުންތެރިންނަށް ވާދަވެރި ރޫހެއްގައި ކުޅުމުގެ ފުރުސަތު ހޯދައިދީގެން އެ ކުރާ މަސައްކަތުގެ ސަބަބުން ދިވެހި ވޮލީބޯޅަ އަށް އޭގެ ފައިދާކުރާނެ ކަމަށްް ކްލަބް ވޮލީބޯލްގެ ކޯޗު، ސޮފްވާން އަހުމަދު ބުނެފި އެވެ.

މިދިޔަ ހުކުރު ދުވަހުގެރޭ ގައުމީ ވޮލީބޯޅަ މުބާރާތުގެ އަންހެން ޑިވިޝަނުގެ ފައިނަލުގައި ކްލަބް ވޮލީބޯލް އިން ވަނީ ވާދަކޮށްފަ އެވެ. މުޅިން އަލަށް ގައުމީ ފައިނަލެއްގައި ކުޅުނު ކްލަބް ވޮލީބޯލް ޓީމުގައި ޒުވާން ކުޅުންތެރިން ގިނަ އެވެ. ފައިނަލުގައި ކްލަބް ވޮލީބޯލް ވަނީ 3-1 ސެޓުން ކްލަބް ވެމްކޯ އަތުން ބަލިވެފަ އެވެ. އެކަމަކު، ޗެމްޕިއަންކަން ހޯދި ކްލަބް ވެމްކޯ އަތުން ލީގު ބުރުގައި ކްލަބް ވޮލީބޯލް ވަނީ މޮޅުވެފަ އެވެ. ކްލަބް ވޮލީބޯލް ފައިނަލަށް ދިޔައީ ލީގު ބުރުގެ އެއް ވަނައިގެ ގޮތުގަ އެވެ.

Advertisement

ފައިނަލް މެޗަށް ފަހު ދިން އިންޓަވިއުގައި ކްލަބް ވޮލީބޯލްގެ ކޯޗު، ސޮފްވާން ބުނީ މުބާރާތް ފެށިއިރު، ގިނަ ބަޔަކު، ކްލަބް ވޮލީބޯލް ރޭންކްކުރީ ހަތަރު ވަނައިގައި ކަމަށެވެ. އެކަމަކު، ނިންމާލިއިރު، ދެ ވަނައިގައި އޮތުމަކީ "ކާމިޔާބެއް" ކަމަށާއި އުންމީދަކީ އިތުރަށް މަސައްކަތްކޮށް ކުރިއަށް ދިއުމަށް ކަމަށެވެ.

"އަހަރެމެން މަސައްކަތް ކުރީ ޗެމްޕިއަންކަން ހޯދޭތޯ. ދެން ޓީމަކީ ވަރަށް ޔަންގް ޓީމަކަށް ވެފައި. ސަބްސްޓިޓިއުޝަނަކަށް ބަދަލުގައި އަރުވާނެ ރަނގަޅު ކުޅުންތެރިން ނެތިގެން، (އަނިޔާގެ މައްސަލަ ވެސް ހުރީމަ) މި ނަތީޖާ މިއައީ، ކުޅުން ހަމަ ރަނގަޅު،" 2019 ވަނަ އަހަރު ތިން ވަނަ ހޯދި ޓީމުގެ ކޯޗު ސޮފްވާން ބުންޏެވެ.

"އިތުރަށް މި ޓީމު ރަނގަޅު ކުރަން މަސައްކަތް ކުރާނަން. ހުސް ޔަންގް ކުޅުންތެރިންތަކެއް ލައިގެން މި ވަރުވާނެ. އަޅުގަނޑުމެން މަސައްކަތް ކުރާނަން މީގެ ތެރެއަށް ކޮންމެ ވެސް ވަރަކަށް ސީނިއާ ޕްލޭޔަރުން ވެސް ގެނެވޭތޯ،"

ކްލަބް ވޮލީބޯލް އާއި ވޮލީބޯލް ޔޫތު ނިއުޖެނެރޭޝަން އަކީ، ކޯޗު ސޮފްވާން، ޒުވާން އާ ކުޅުންތެރިން ވޮލީ އަށް ނެރެދީ އެ ކުދިން މަތީ ފަންތީގެ ވޮލީގެ ޕްރެޝަރަށް ހާނުވަން ބޭނުންކުރާ ދެ ކްލަބެވެ. ސޮފްވާން ބުނީ އޭގެ ފައިދާ އޮތީ ޖުމްލަކޮށް މުޅި ވޮލީ އަށް ކަމަށެވެ.

"މި ކުދިންނަށް މި ވަރަށް ފުރުސަތު ލިބުމަކީ މުސްތަގުބަލުގައި މި ކުުޅުންތެރިންގެ ޕާފޯމަންސް ރަނގަޅުވާނެ ކަމެއް. އޭގެ ފައިދާ ރާއްޖޭގެ ވޮލީ އަށް ކުރާނެ ކަމެއް. ދެން މިހާރު އަޅުގަނޑާއި ދެން ޕޮލިސް، މި ދެ ކްލަބެއް މި އުޅެނީ ޒުވާން ކުޅުންތެރިން ނެރޭ، އެހެންވީމަ މި ފަދަ މަސައްކަތުން ވޮލީގެ މުސްތަގުބަލު ރާއްޖޭގައި ކުރިއަރައިގެންދާނެ،" ގައުމީ ޓީމުގައި ވެސް ކޯޗިން މަސައްކަތް ކޮށްފައިވާ ސޮފްވާން ބުންޏެވެ.

ގައުމީ ފައިނަލުގައި ކްލަބް ވޮލީބޯލްއާ ދެކޮޅަށް ނުކުތް ވެމްކޯ ޓީމުގައި ތިބީ ރާއްޖޭގެ ލެވަލުން ބަލާނަމަ އެންމެ ސީނިއާ ލެވަލްގެ ތަޖުރިބާހުރި މޮޅު ކުޅުންތެރިން ކަމަށާއި އެ ކުޅުންތެރިންނަށް ފައިނަލުގެ ޕްރެޝަރު އާ ނުވާނެ ކަމަށެެވެ. އެކަން ފައިނަލް މެޗު ދިޔަ ގޮތުން ފެނިގެންދިޔަ ކަމަށް ސޮފްވާން ވަނީ ބުނެފަ އެވެ.

ކްލަބް ވޮލީބޯލް ޓީމު މި ފަހަރުގެ މުބާރާތުގެ ރަނަރަޕަށް ދިޔައިރު، މުބާރާތުގެ ޑްރީމް ޓީމުގައި ވެސް ކްލަބް ވޮލީބޯލްގެ ހިއްސާ ބޮޑެވެ. ގައުމީ މުބާރާތުގެ އަންހެން ޑިވިޝަންގެ ޑްރީމް ޓީމުގައި ކްލަބް ވޮލީބޯލްގެ ޝާނިޔާ އަހުމަދު ނިޒާމް، ނަރީމާ އިދުރީސް (ނަންނި) އަދި ފައިހާ މުހައްމަދު ހިމެނުނުއިރު، އެންމެ އުންމީދީ ކުޅުންތެރިއަކީ ކްލަބް ވޮލީބޯލްގެ ފާތިމަތު ލިވާ ހުސެއިން އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox