ކްލަބް ވޮލީބޯލް ފައިނަލަށް: ކޯޗު ސޮފްވާން ކްރެޑިޓް ދިނީ ކުޅުންތެރިންނަށް

Jan 25, 2023, 5:27 AM
ކްލަބް ވޮލީބޯލްގެ ކޯޗު ސޮފްވާން: އޭނާ ވަނީ ފައިނަލަށް ޓީމު ދިއުމުގެ ކްރެޑިޓް ހައްގުވަނީ ކުޅުންތެރިންނަށް ކަމަށް ބުނެފައި.-- ފޮޓޯ: އަބްދުﷲ އިޔާން/ އަދަދު

ކްލަބް ވޮލީބޯލްގެ ކޯޗު ސޮފްވާން: އޭނާ ވަނީ ފައިނަލަށް ޓީމު ދިއުމުގެ ކްރެޑިޓް ހައްގުވަނީ ކުޅުންތެރިންނަށް ކަމަށް ބުނެފައި.-- ފޮޓޯ: އަބްދުﷲ އިޔާން/ އަދަދު

މިހާރު ކުރިއަށްދާ ގައުމީ ވޮލީބޯޅަ މުބާރާތުގެ ފައިނަލުން ފުރުސަތު ލިބުނީ ކުޅުންތެރިންގެ ހިތްވަރާއި ބުރަ މަސައްކަތުން ކަމަށް ކުލަބު ވޮލީބޯލްގެ ކޯޗު ސޮފްވާން އަހުމަދު ބުނެފި އެވެ.

މިދިޔަ ހޮނިހިރު ދުވަހު ފެށި ގައުމީ ވޮލީބޯޅަ މުބާރާތުގައި މި އަހަރު ވާދަކުރަނީ އެންމެ ފަހުގެ ޗެމްޕިއަން ޕޮލިސް ކުލަބު، ކުލަބު ވެމްކޯ، ކުލަބު އީގަލްސް އަދި ކުލަބު ވޮލީބޯލް އެވެ. ލީގު ބުރުގެ އެއް ވަނަ ހޯދައި ފައިނަލުގެ ފުރަތަމަ ޖާގަ ހޯދީ ކުލަބު ވޮލީބޯލް އެވެ. ދެ ވަނަ ޖާގަ ހޯދަން ކުޅޭ ސެމީ ފައިނަލް މެޗުގައި ވާދަކުރާނީ އީގަލްސް އާއި ވެމްކޯ އެވެ. އެންމެ ފަހުގެ ޗެމްޕިއަން ޕޮލިސް ކެޓީ ކުޅުނު ތިން މެޗުން ވެސް ބަލިވެގެންނެވެ.

ގައުމީ ވޮލީބޯޅަ މުބާރާތުގެ ފައިނަލުން ފުރަތަމަ ފަހަރަށް ޖާހަ ހޯދި ކުލަބު ވޮލީބޯލްގެ ކޯޗު ސޮފްވާން، "އަދަދު" އަށް ބުނީ ގައުމީ މުބާރާތަށް ނުކުތީ ވެސް ފައިނަލުގެ އުއްމީދާ އެކު ކަމަށެވެ. އަދި ލީގު ބުރަށް ފަހު ފައިނަލުގެ ޖާގަ ޔަގީންވުމުން މިހާރު އަމާޒަކީ ތަށި ކާމިޔާބު ކުރުން ކަމަށް ސޮފްވާން ވަނީ ބުނެފަ އެވެ.

Advertisement

ކުލަބު ވޮލީބޯލް އިން ވަނީ ލީގު ބުރުގައި ވެމްކޯ އާއި ޕޮލިސް ކުލަބު ބަލިކޮށްފަ އެވެ. ޕޮލިސް އަތުން މޮޅުވީ ސީދާ ތިން ސެޓުންނެވެ. ވެމްކޯ އަތުން މޮޅުވީ 3-1 އިންނެވެ. ލީގު ބުރުގައި އީގަލްސް އަތުން އެ ޓީމު ބަލިވީ ފަސް ސެޓު ކުޅެގެންނެވެ.

ސޮފްވާން ބުނީ އީގަލްސްއާ ދެކޮޅަށް ކުޅުނު މެޗަކީ ވެސް އެ ޓީމަށް ނެގޭނެ މެޗެއް ކަމަށެވެ. ފުރަތަމަ ދެ ސެޓު ގެއްލުނީ ވެސް ނިންމަން ލިބި ފުރުސަތުގެ ބޭނުން ނުކުރެވިގެން ކަން ފާހަގަކޮށް ސޮފްވާން ބުނީ އެ ޓީމްގައި ތިބި ޒުވާން ކުޅުންތެރިންގެ ފަރާތުން ޕްރެޝަރު ދަނޑިވަޅުތަކުގައިވެސް ރަނގަޅު ކުޅުމެއް ފެންނަމުން އަންނަ ކަމަށެވެ.

"ފުރަތަމަ މެޗަކީވެސް ނެގޭނެ މެޗެއް. ހަމަ ކުޑަ ކުޑަ މިސްޓޭކަކުން ދިޔައީ. އެކަމަކު ވެސް އަޅުގަނޑުގެ އިތުބާރު އެބައޮތް މި ކުދިންނަށް. ފުރުސަތު ދިނީމަ ވަރަށް ރަނގަޅަށް އެބަ ކުޅޭ. މިއީ އަސްލު މި ކުދިންގެ މަސައްކަތް. ވަރަށް ބުނާ ގޮތަށް ހަދާ. އެހެންވީމަ ކޯޗުގެ ގޭމް ޕްލޭނަށް ވަރަށް ރަނގަޅަށް ކުޅެވޭ." 2019 ވަނަ އަހަރު ފުރަތަމަ ފަހަރަށް މި ޓީމް ގޮވައިގެން ނުކުމެ ވީއޭއެމް ޗެމްޕިއަންޝިޕްގެ ތިން ވަނަ ހޯދި ޓީމުގެ ކޯޗު ސޮފްވާން ބުންޏެވެ.

ސޮފްވާން ބުނީ އީގަލްސް އާއި ޕޮލިސް މެޗު ކާމިޔާބުކުރެވުނީ، މި މެޗަށް މުޅި ޓީމުން ވަރަށް ރަނގަޅަށް ތައްޔާރުވެގެން ކަމަށެވެ. އެ ގޮތުން، އިދިކޮޅު ޓީމްގެ ބަލިފައިތައް ދެނެގަނެ، ކުޅުންތެރިންގެ ކުޅުން ދެނެގަނެ އެކަމަށް ވަރަށް ރަނގަޅަށް ތައްޔާރުވިކަން ސޮފްވާން ފާހަގަކުރި އެެވެ.

"ޑިފެންސަށް ވަރަށް ރަނގަޅަށް ތައްޔާރުވިން، ބައެއް ކުޅުންތެރިން އާންމުކޮށް ޑިފެންސް ނުކުރާ ދިމަދިމާއަށް ޖެހިލާ ވަރަށް ރަނގަޅަށް އިދިކޮޅު ޓިމްގެ ކުޅުންތެރިން ރީޑުކޮށްގެން ކުޅުނީ. އޭތި އެ ފެނުނީ ނަތީޖާ އިން" 2018ގެ ޖޫނިއާ ޗެމްޕިއަންޝިޕްގެ ތަށި ކާމިޔާބުކުރި ސޮފްވާން ބުންޏެވެ.

މި މުބާރާތުގައި ސޮފްވާން ކޯޗުކޮށްދޭ ކްލަބް ވޮލީބޯލް ޓީމުން ފެންނަ އާދަޔާޚިލާފު ރޫހާ ގުޅޭގޮތުން ސޮފްވާން ބުނީ މުބާރާތަށް ތައްޔާރުވިއިރު، އެހެން ޓީމެއް ކައިރީގައި އެކުވެރިކަމުގެ މެޗެއް ކުޅެލަން އެދުމުން، އޭނާގެ ޓީމްގައި ތިބި ކުޅުންތެރިންނަކީ ޒުވާން ކުދިންކަމަށް ބުނެ މެޗު ނުކުޅެން އެ ޓީމުން ނިންމި ހިސާބުން ޓީމުގެ ރޫހު ބަދަލުވިކަމަށެވެ.

އޭގެ ފަހުން، ކްލަބް ވޮލީބޯލް ޓީމުގެ ހުރިހާ ކުޅުންތެރިންވެސް އިތުރު ޖޯޝަކާއި ފޯރިއަކާ އެކު މި މުބާރާތުގެ ފައިނަލާ ހަމައަށް ދިޔުމަށް މަސައްކަތްކުރި ކަން އޭނާ ފާހަގަކުރި އެވެ.

ސޮފްވާން ބުނީ އާ ޓީމެއް އުފައްދައި ދެތިން އަހަރުގެ ތެރޭގައި ގައުމީ ފައިނަލާ ހަމައަށް ދެވުމަކީވެސް ބޮޑު ކާމިޔާބެއް ކަމަށާއި، ގައުމީ ތަށި ހޯދުމަކީ މިހާރު ހުރިހާ ކުޅުންތެރިންގެ ވެސް އުއްމީދު ކަމަށެވެ.

ގައުމީ ވޮލީބޯޅަ މުބާރާތުގެ ފައިނަލް މެޗު އޮންނާނީ އަންނަ ހުކުރުދުވަހުގެ ރޭ އެވެ. ކުލަބު ވޮލީބޯލްއާ ދެކޮޅަށް ފައިނަލުގައި ކުޅޭ ޓީމެއް ހޮވުމަށް ކުޅޭ ސެމީ ފައިނަލް މެޗު މިރޭ ކުޅޭނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox