ވޯޓުލުން ކުރިއަށްދާއިރު ޖެހެނީ ލިސްޓު ދިމާނުވާ މައްސަލަ

Jan 28, 2023, 10:02 AM
ވޯޓުލުން ކުރިއަށްދާއިރު ޖެހެނީ ލިސްޓު ދިމާނުވާ މައްސަލަ

މޯލްޑިވިއަން ޑިމޮކްރެޓިކް ޕާޓީގެ ރިޔާސީ ޕްރައިމަރީގެ ވޯޓުލުން މިއަދު މުޅި ރާއްޖޭގައި ކުރިއަށްދާއިރު ކުރިން ލަފާ ކުރެވުނު ގޮތަށް ވޯޓާސް ލިސްޓުގައި ހުރި ބައެއް މައްސަލަތައް ފެންމަތިވެ، ބައެއް އިންތިހާބީ މަރުކަޒުތައް ކައިރީ ހަމަނުޖެހުން ހިނގައިފި އެވެ.

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވާދަ ކުރައްވާ މި އިންތިހާބުގައި 57،000 އަށް ވުރެ ގިނަ މީހުންނަށް ވޯޓުލެވޭއިރު، ފެންނަ ފެނުމަށް މިހާތަނަށް ވަރަށް ގިނަ އަދަދެއްގެ މީހުން ވަނީ ވޯޓުލާން ނިކުމެފަ އެވެ.

ވޯޓާސް ޓާންއައުޓްގެ ރަސްމީ ތަފާސްހިސާބު އެމްޑީޕީން ލިބޭ ގޮތް ވަނީ ނުވެފަ އެވެ.

Advertisement

މުޅި ރާއްޖޭގައި 243 ފޮށި ބަހައްޓައިގެން ކުރިއަށްގެންދާ މި އިންތިހާބުގެ ކުރިން ވޯޓާސް ލިސްޓުގެ މައްސަލަތަކެއް ވަނީ ޖެހިފަ އެވެ. އެއީ އިލެކްޝަންސްގެ ކޮމިޝަނުގެ ލިސްޓުގައި ތިބި މެމްބަރުންނަށް އެކަނި ވޯޓުލެވޭ ގޮތަށް ހަމަޖެއްސުމުންނެވެ.

މިއަދު ވެސް އެންމެ ގިނައިން ޖެހެނީ ވޯޓާސް ލިސްޓުގައި ނަން ނެތް މައްސަލަ އެވެ. އެގޮތުން އެ މައްސަލައިގައި ހިރިޔާ ސްކޫލާއި ތާޖުއްދީން ސްކޫލްގައި ކޮންމެވެސް ވަރެއްގެ ހަމަނުޖެހުމެއް ހިނގި އެވެ. އަދި, ގދ. ގައްދޫގައި ވެސް ހަމަނުޖެހުމެއް ހިނގި އެވެ.

ހިރިޔާ ސްކޫލުގައި ބަހައްޓާފައި ހުރި މާފަންނު ހުޅަނގު ދާއިރާގެ ފޮއްޓަށް ވޯޓުލާން ދިޔަ މީހެއްގެ ނަން ލިސްޓުގައި ނެތް ކަމަށް ބުނެ އޭނާ ވަނީ އެތަނުގައި ހަމަނުޖެހުން ހިންގައިފަ އެވެ. ލިސްޓުގައި ނަން ނެތް މީހަކު ވޯޓުލި މައްސަލައެއް ތާޖުއްދީން ސްކޫލުގައި ހޫނުވެ، ވޯޓުލުން ވެސް މެދުކަނޑާލި އެވެ.

ގައްދޫގައި ވެސް ހަމަ ވޯޓާސް ލިސްޓުގައި މައްސަލަ ޖެހި ވޯޓު ފޮއްޓަށް ބަޔަކު ވަނީ ހަމަލާދީފަ އެވެ. އެރަށުން ނަގާފައި ހުރި ބައެއް ވީޑިއޯތަކުން ވޯޓު ކަރުދާސްތަކެއް ބަޔަކު ވީދާލާ މަންޒަރު ވެސް ފެނެ އެވެ. ވީޑިއޯތަކުން ފެންނަނީ ވޯޓު ފޮށި ވެސް ބިންމަތީގައި އޮއްވަ އެވެ.

އެ ރަށުން ވާހަކަ ދެއްކި އިންތިހާބީ އޮފިޝަލަކު މި ނޫހާ ވާހަކަ ދައްކަމުން ބުނީ ވޯޓު ފޮއްޓަށް ހަމަލާދިން ވަގުތު ބަޔަކު މީހުން އޭގެ ތެރެއަށް ފެން އަޅައި ވަރަށް ގިނަ ވޯޓު ހަލާކުކޮށްލާފައިވާ ކަމަށެވެ. އެކަމަކު އެ ރަށުގައި ވެސް މިހާރު ވަނީ ވޯޓުލާން ފަށައިފަ އެވެ.

ތާޖުއްދީން ސްކޫލްގައި ޖެހުނު މައްސަލައަކީ ލިސްޓުގައި ނަން ނެތް މީހަކު ވޯޓުލި މައްސަލަ އެވެ. އެކަން ހިނގާފައިވާކަން ފޮއްޓާ ހަވާލުވެ ހުރި އިންތިހާބީ އޮފިޝަލުން ވެސް ވަނީ ބުނެފަ އެވެ. އެ ވަގުތު އެތަނަށް ވަޑައިގެން ވޯޓުލުން ކުރިއަށް ގެންދިއުމަށް އިންތިހާބާ ބެހޭ ކޮމެޓީގެ މުގައްރިރު އިބްރާހިމް ވަހީދު ވަނީ އަންގަވައިފަ އެވެ. އަދި އެ މައްސަލަ ފަހުން ހައްލު ކުރައްވާނެ ކަމަށް ވެސް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox