ވާދަވެރި ކެމްޕެއިނަކަށްފަހު ދެ ރައީސުންގެ ފަހު ޖަލްސާ މިރޭ

ރައީސް އިބްރާހިމް މުހައްމަދު ސޯލިހު (ކ)، އަދި އެމްޑީޕީގެ ރައީސް މުހައްމަދު ނަޝީދު (ވ): ދެ ރައީސުންގެ ކެމްޕޭން ފަހު ޖަލްސާ މިރޭ - ފޮޓޯ: މުހައްމަދު ޝާބިން / އަދަދު

ރައީސް އިބްރާހިމް މުހައްމަދު ސޯލިހު (ކ)، އަދި އެމްޑީޕީގެ ރައީސް މުހައްމަދު ނަޝީދު (ވ): ދެ ރައީސުންގެ ކެމްޕޭން ފަހު ޖަލްސާ މިރޭ - ފޮޓޯ: މުހައްމަދު ޝާބިން / އަދަދު

އެމްޑީޕީގެ ރިޔާސީ ޕްރައިމަރީއަށް ކުރެއްވި މަހެއްހާ ދުވަހުގެ ވާދަވެރި އަދި ފޯރިގަދަ ކެމްޕެއިނަށްފަހު ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު، ހޮނިހިރު ދުވަހުގެ ވޯޓުގެ ކުރިން ބާއްވާ ފަހު ޖަލްސާތައް މިރޭ ބާއްވާނެ އެވެ.

ރައީސް ސޯލިހު މިވަގުތު ހުންނެވީ ރާއްޖޭގެ އެންމެ ދެކުނުން އައްޑޫ ސިޓީގަ އެވެ. އެމަނިކުފާނުގެ ފަހު ޖަލްސާ އޮންނާނީ އެ ސިޓީގެ ބާޒާރު ސަރަހައްދުގަ އެވެ. ރައީސާ ދެކޮޅަށް ނުކުންނަވާ ހުންނެވި އެމްޑީޕީގެ ރައީސް ނަޝީދު ހުންނެވީ ވެރިކަންކުރާ ރަށް މާލޭގަ އެވެ. އެމަނިކުފާނުގެ ފަހު ޖަލްސާ މިރޭ ބޭއްވުމަށް ހަމަޖެހިފައިވަނީ އާޓިފިޝަލް ބީޗުގަ އެވެ.

އެ ދެ ޖަލްސާ ވެސް ފެށުމަށް ހަމަޖެހިފައިވަނީ މިރޭ 8:30 ގަ އެވެ.

ރައީސް ސޯލިހުގެ ކެމްޕޭން ރިކެޕް

ރައީސް ސޯލިހު ޕްރައިމަރީގެ ކެމްޕެއިނުން ފެނިގެންދިޔައީ ނަޝީދުގެ ފުރަތަމަ ޖަލްސާއަށް ހަފުތާއެއްހާ ދުވަސްވީ ފަހުން ޖެނުއަރީ 4، ގަ އެވެ. އެމްޑީޕީގެ މައި ހަރުގޭގައި އޮތް އެ ޖަލްސާގައި ރައީސް ދެއްވީ، މިހާތަނަށް އެމަނިކުފާނުގެ ސިޔާސީ ހަޔާތުގައި ދެއްވި އެންމެ ޖޯރު ގަދަ ސްޕީޗެވެ. ނަޝީދަށް ރައްދު ދެއްވީ އެމަނިކުފާނުގެ ފަރާތްޕުޅުން އޭގެ ކުރިން ނުފެންނަ ޖޯޝަކާއެކު އެވެ. ފެށުނީއްސުރެން އެކުގައި އުޅުއްވި ނަޝީދަށް ގޮންޖައްސަވާ ރައީސް ވިދާޅުވީ އެމަނިކުފާނަށް ވޯޓުލާން ޖެހޭ ސަބަބަކީ ނަޝީދުގ ސިޔާސީ ނާކާމިޔާބު ކަމަށެވެ.

"އިންތިހާބު ކާމިޔާބުކުރާނެ ފޯމިއުލާ އަޅުގަނޑަށް އެނގޭ. ވޯޓު ހޯދާނެ ގޮތް އަޅުގަނޑަށް ވަރަށް ސާފު. އެއްވެސް ޝައްކެއް ނުކުރަން ބޮޑުތަނުން ރިޔާސީ އިންތިހާބު ކާމިޔާބު ކުރާނަން. ޕްރައިމަރީވެސް ބޮޑުތަނުން ކާމިޔާބު ކުރާނަން،" އެ ރޭގެ ޖަލްސާގައި ރައީސް ވިދާޅުވި އެވެ.

ރައީސްގެ ފުރަތަމަ ކެމްޕެއިނު ދަތުރުގައި ދެން ވަޑައިގަތީ އުތުރުގެ ބައެއް އަތޮޅުތަކަށެވެ. އެގޮތުން ރ.، ނ.، ޅ. އަދި ބ. އަތޮޅަށް ވަޑައިގަތެވެ. ރައީސް ސޯލިހު ކެމްޕެއިނުގެ ފުރަތަމަ ބޮޑު އިވެންޓު ނުވަތަ ޖަލްސާ ފެނިގެންދިޔައީ ނ. ވެލިދޫއިންނެވެ. ސަރުކާރުގެ ގިނަ ވަޒީރުންނާއި މަޖިލީހުގެ ގިނަ މެންބަރުންނާއެކު އެރޭ ރައީސް ވަނީ މަތިފަޑީގައި އެމަނިކުފާނަށް އޮތް ބާރު ދައްކާލައްވާފަ އެވެ.

"ސުވާލަކީ ބިރުވެރިކަމާއި ނާމާންކަމުގެ ތެރެއަށް ދާނީތޯ ނުވަތަ ސުލްހަވެރިކަމާއެކު ގައުމައިގެން ކުރިއަށް ދާނީތޯ؟ އެއްވެސް މީހަކު ނޭދޭނެ އެ ބިރުވެރިކަމަށް އަނބުރާ ދާކަށް،" އެރޭގެ ޖަލްސާގައި ރައީސް މިހެން ވިދާޅުވެ ސިފަ ކުރެއްވީ ނަޝީދަށް ޓިކެޓު ލިބިއްޖެ ނަމަ ބޮޑު އިންތިހާބު ނާކާމިޔާބުވެ، އެމްޑިޕީ އަނެއްކާ ވެސް މަގުމެތިވެދާނެ ހާލަަތަކަށެވެ.

ދެ ރައީސުންގެ ބަހުގެ ހަމަލާތައް އިތުރުވެ ރައީސް ސޯލިހު ވަނީ އެންމެ ފަހުން ނަޝީދު އަބަދުވެސް ވެރިކަމުގެ ދަހިވެތިކަމުގައި މަސައްކަތް ކުރައްވަމުން ގެންދަވާ ކަމަށް ވެސް ވިދާޅުވެފަ އެވެ.

ރައީސް ގިނަ އަތޮޅުތަކަށް ދަތުރުކޮށް އެތައް ވާހަކައެއް ދެއްކެވި ނަމަވެސް މައިގަނޑުގޮތެއްގައި ފާހަގަވި ނުކުތާތަކަކީ:

  • ކޯލިޝަނަކާއ ނުލައި ވެރިކަމަށް ނާދެވޭނެ ކަމަށާއި ކޯލިޝަނަކާއެކު ބޮޑު އިންތިހާބު އެއް ބުރުން ކާމިޔާބުކުރާނެ ގޮތުގެ ފޯމިއުލާ އެބައޮތް ކަމަށް ވިދާޅުވުން
  • މެންބަރުންގެ އަރިހުން އެއްސެވީ ތަރައްގީއައިގެން ކުރިއަށް ދާނީތޯ ނުވަތަ ނަޝީދުގެ ވެރިކަމުގައި ވީހެން މަގުމަތިވާނީ ތޯ އެވެ.
  • ވައުދު ނުފުއްދޭ ކަމަށް ނަޝީދު ވިދާޅުވިޔަސް ނިމިފައިހުރި ކަންކަމުގެ ލިސްޓު މާދިގު ކަމަށް ވިދާޅުވުން
  • އެމްޑީޕީގައި މިއަހަރުގެ ރިޔާސީ އިންތިހާބު ކާމިޔާބު ކުރެވިދާނެ އެހެން މީހަކު ނެތް ކަމަށް ވިދާޅުވުން
  • އެމްޑީޕީއަށްޓަކާ ގުރުބާންވީ މީހުންނާ ދިމާލަށް ހިތުހުރި އެއްޗެއް ގޮވުމަކީ އެ ޕާޓީއަށް ފައިދާ ހުރި ގޮތެއް ނޫން ކަމަށް ވިދާޅުވުން
  • ކުރީގެ ރައީސް އަބްދުﷲ ޔާމީނާއެކު ކުރާނެ އެއްވެސް މަސައްކަތެއް ނޯންނާނެ ކަމަށް ވިދާޅުވި
  • 2023 ކާމިޔާބު ނުކޮށް އެމްޑީޕީއަށް ކުރިއަށް ހުރި އިންތިހާބުތަކެއް ކާމިޔާބު ނުކުރެވޭނެ ކަމަށް ވިދާޅުވި

ނަޝީދުގެ ކެމްޕޭން ރިކެޕް

ނަޝީދުގެ ކެމްޕޭން ފެއްޓެވީ ވެސް އެމްޑީޕީ މެންބަރުންގެ ހަނދާންތަކާއި ހިތާ ކުޅެމުންނެވެ. ސަލްޓަން ޕާކުގައި ބޭއްވި ކެމްޕޭނު ފެށި ޖަލްސާގައި ޖޯޝާއި ފޯރި ހުއްޓެވެ. އެމްޑީޕީގެ ރަން ރީނދޫ ފޯރި އެ ޕާކުން ފެނިދިޔަ އެވެ.

ޑިސެމްބަރު 28، ގައި ބޭއްވި އެ ޖަލްސާގައި ނަޝީދު ވަނީ ރައީސް ސޯލިހަށް މަލާމާތްކުރައްވާ 'ރިއެކްޓު' ނުކުރައްވާ ކަމަށް ވިދާޅުވި އެވެ.

"ވެށިފަހި މާލެ ޕްރޮގްރާމަށް ވެސް އެއްވެސް ރިއެކްޝަނެއް ނެތް، އެއް ދަންފަޅީގެ މަދަރުސާތަކަށް ވެސް ނެތޭ ރިއެކްޝަނެއް،" ނަޝީދު ވިދާޅުވި އެވެ.

ނަޝީދު މިއަދު މާލޭގައި ކެމްޕޭނު ނިންމާލާއިރު، އެމަނިކުފާނު ވަނީ ރާއްޖޭގެ ހުރިހާ އަތޮޅަކަށް ވަޑައިގެން 70 އަށްވުރެ ގިނަ ރަށްރަށަށް ވަޑައިގަތެވެ. ކެމްޕޭނުގައި ނަޝީދު ހުރިހާ ރަށެއްގައިހެން ވެސް ދެއްކެވީ މައިގަނޑު އެއް ވާހަކަތަކެކެވެ.

އެގޮތުން މައިގަނޑުގޮތެއްގައި ފާހަގަވި ނުކުތާތަކަކީ:

  • ޕްރައިމަރީގައި ވާދަކުރަން މަޖުބޫރުވީ ރައީސް އިބްރާހީމް މުހައްމަދު ސޯލިހަށް ލިބޭނެ ވޯޓު މަދުވެދާނެ ކަމަށް ވިދާޅުވުން
  • މިދިޔަ އަހަރުގެ މެއި މަހު އެމްޑީޕީއިން ވަކިކުރި 39،000 މެންބަރުންގެ ސަބަބުން ސަރުކާރަށް 70،000 ވޯޓު ގެެއްލޭނެ ކަމަށް ވިދާޅުވުން
  • ރަސްމީ ދަތުރުފުޅުތަކުގައި ވަޑައިގެން ރައީސް ސޯލިހު ކެމްޕެއިނު ކުރެއްވި ކަމަށް ތުހުމަތުކުރެއްވުން
  • ވެރިޔެއްގެ ތައްޕާހުން ވަޒީފާ ހޯދައިގެން ދިރިއުޅޭ ގޮތަށް ވޯޓު ނުދޭން އެދިލެއްވި
  • ޓެކްސް ބޮޑުކުރަން ޖެހުނީ ސަރުކާރުން އެމްޑީޕީގެ ސިޔާސަތުތަކަށް ތަންފީޒު ނުކުރުމުން ކަމަށް ވިދާޅުވި
  • ރައީސް ސޯލިހަށްވުރެ ޔާމީން ގާބިލުކަމަށް ވިދާޅުވި
  • މަސްވެރިންނަށް މަސް ކިރޭ އަގު 25 ރުފިޔާއިން މަތިކުރާނެ ކަމަށް ވިދާޅުވި

ހޮނިހިރު ދުވަހު ބާއްވާ ރިޔާސީ ޕްރައިމަރީގައި އެމްޑީޕީގެ 57،000 މެމްބަރުންނަށް ވޯޓުލެވޭނެ އެވެ. މިއީ މިފަހުން ޕާޓީގެ އެތެރޭގެ އިންތިހާބެއް މިހާ ވާދަވެރިކޮށް ކުރިއަށްދާ ފުރަތަމަ ފަހަރެވެ. އަދި ޕާޓީއެއްގެ ކުރިމަގާމެދު ވޯޓަކުން މިހާބޮޑު ނިންމުމެއް ނިންމާ މަންޒަރު ފެންނަ ފުރަތަމަ ފަހަރެވެ.

މިރޭގެ ޖަލްސާތަކުގައި ވެސް ބަހުގެ ހަމަލާތައް ރައްދުކުރާނެ އެވެ. "ފިކުރެއްގެ ދިރުން" ނޫނި "އެމްޑީޕީ ކުރިއަށް" ތޯ، ރައީސް ސޯލިހު ނުވަތަ ރައީސް ނަޝީދުތޯ، ކޯލިޝަނެއް ނުވަތަ ވަކީންތޯ ނިންމާނީ ހަމަ އެމްޑީޕީގެ މެންބަރުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox