ޖަސްޓިން ބީބާގެ ލަވަތަކުގެ ރައިޓްސް 200 މިލިއަން ޑޮލަރަށް ވިއްކާލައިފި

ޖެނުއަރީ މަހުގެ ކުރީކޮޅު އެމެރިކާގެ ކެލިފޯނިއާގައި ޖަސްޓިން ބީބާ ޝޯއެއް ދެނީ. -- ފޮޓޯ: ގެޓީ އިމޭޖާޒް

ޖެނުއަރީ މަހުގެ ކުރީކޮޅު އެމެރިކާގެ ކެލިފޯނިއާގައި ޖަސްޓިން ބީބާ ޝޯއެއް ދެނީ. -- ފޮޓޯ: ގެޓީ އިމޭޖާޒް

ޖަސްޓިން ބީބާގެ ލަވަތަކުގެ ރައިޓްސް 200 މިލިއަން ޑޮލަރަށް ހިޕްގްނޯސިސް ސޯންގްސް ކެޕިޓަލްއަށް ވިއްކާލައިފި އެވެ.

މިހާރު ބީބާގެ މަގްބޫލު ލަވަތަކުގެ ހިއްސާއެއް އޮންނާނީ އެ ކުންފުންޏަށެވެ. ބީބާގެ އިތުރުން ވެސް ބައެއް އެހެން ފަންނާނުން ދާދި ފަހުން ލަވަތަކުގެ ރައިޓްސް ވިއްކާފައިވެ އެވެ.

ލަވައިގެ ރައިޓްސް ވިއްކުމުން، އެ ލަވައެއް އާއްމު ތަނެއްގައި ޖަހާ ކޮންމެ ފަހަރަކު، ލަވައިގެ ރައިޓްސް އޮންނަ ފަރާތަކަށް ކޮމިޝަނެއް ލިބޭނެ އެވެ.

ޖަސްޓިން ބީބާގެ ލަވައިގެ ކެޓެލޯގުގައި 290 ލަވަ ހިމެނޭ ކަމަށް ރިޕޯޓުތައް ބުނެ އެވެ. މާލީ ކުންފުނި ބްލެކްސްޓޯން އާއި ބްރިޓިޝް ހިޕްގްނޯސިސް ސޯންގް މެނޭޖްމަންޓު ގުޅިގެން ހިންގާ ހިޕްގްނޯސިސް ސޯންގްސް ކެޕިޓަލްއަކީ އެއް ބިލިއަން ޑޮލަރުގެ ކުންފުންޏެވެ.

އެ ކުންފުންޏަށް ރައިޓްސް ލިބުނު ލަވަތަކުގެ ތެރޭގައި 2021 ވަނަ އަހަރުގެ ޑިސެމްބަރު 31 ގެ ކުރިން ބީބާ ނެރުނު ހުރިހާ ލަވައެއް ހިމެނެ އެވެ.

ބީބާ އާއި ހިޕްގްނޯސިސްއާ ދެމެދު އެކުލަވާލި އެއްބަސްވުމުގެ ތަފްސީލް ހާމައެއް ނުކުރެ އެވެ. އެކަމަކު ރިޕޯޓުތައް ބުނާ ގޮތުން ރައިޓްސް ވިއްކާލީ 200 މިލިއަން ޑޮލަރަށެވެ.

މީގެ ކުރިން ޖަސްޓިން ޓިމްބަލޭކް އަދި ޝަކީރާ ވެސް ވަނީ ލަވަތަކުގެ ރައިޓްސް ހިޕްގްނޯސިސް ކުންފުންޏަށް ވިއްކާލައިފަ އެވެ.

ލަވައިގެ ރައިޓްސް އާއްމުކޮށް ވިއްކަނީ އުމުރުން ދުވަސްވީ އާޓިސްޓުންނެވެ. ފާއިތުވި ދެ އަހަރުގެ ތެރޭގައި ބޮބް ޑިލަން އަދި ބްރޫސް ސްޕްރިންގްސްޓީން ފަދަ މިޔުޒިކް ލެޖެންޑުންގެ ލަވަތަކުގެ ރައިޓްސް ސޮނީއަށް ވިއްކި އެވެ.

ރިޕޯޓުތައް ބުނާ ގޮތުން ސްޕްރިންގްސްޓީންގެ ލަވަތަކުގެ ރައިޓްސް ވިއްކާލީ 500 މިލިއަން ޑޮލަރަށެވެ.

ކޮމެންޓް

ފަހުގެ ޚަބަރު

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

ގްލެޑިއޭޓާ 2" ގެ ސެޓުގައި ހިނގި ހާދިސާއަކާ ގުޅިގެން ކޯޓަށް

"ގްލެޑިއޭޓާ 2" ގެ މަންޒަރެއް ކުޅެމުން ދަނިކޮށް ހިނގި އަލިފާނުގެ ހާދިސާއެއްގައި ހަށިގަނޑުގެ 15 އިންސައްތަ ފިހުނު އެކްޓަރަކު، ފިލްމު އުފެއްދި ކުންފުންޏާ ދެކޮޅަށް ކޯޓުގައި ދައުވާކޮށްފިއެވެ. މި ހާދިސާގެ ޒިންމާ ފިލްމީ ކުންފުނިން އުފުލި ނަމަވެސް، ލިބުނު އަނިޔާތަކަށް ބަދަލުގެ ގޮތުގައި އެދިފައިވާ 200،000 ޕައުންޑް ދިނުމަށް އެ ކުންފުނިން ވަނީ އިންކާރުކޮށްފައެވެ.

ދިގުވާހަކަ: ބުނާށޭ ލޯބި ނުވަނީހޭ

މި ވާހަކައިގައި ކިޔައިދެނީ އިވާން އާއި މައިރާގެ މެދުގައި ހިނގި ލޯބިވެތި ވަގުތުކޮޅެއްގެ ވާހަކައެވެ. ނަމަވެސް، ކޮޓަރީގެ ބޭރުން ނަދާލް ގޮވައިލި އަޑަށް އެ ދެމީހުންގެ ހަރަކާތްތަކަށް ހުއްޓުމެއް އައިސް، މައިރާ ނަދާލަށް ޖަވާބުދީ އެތަނުން ދާން މަސައްކަތް ކުރެއެވެ.

Newsletter

Get the latest news delivered straight to your inbox