އައްޑޫއިން ގޯތި ދޫކުރަން ދަންވަރު އިއުލާނު ކުރުމުން ނަޝީދުގެ ފާޑުކިޔުން

ފޭދޫގައި ނަޝީދު މިއަދު ވާހަކަފުޅު ދައްކަވަނީ. އައްޑޫ ސިޓީގައި އެމަނިކުފާނަށް ބޮޑު ތާއީދެއް އޮވޭ --- ފޮޓޯ: ފިކުރެއްގެ ދިރުން ކެމްޕޭން

ފޭދޫގައި ނަޝީދު މިއަދު ވާހަކަފުޅު ދައްކަވަނީ. އައްޑޫ ސިޓީގައި އެމަނިކުފާނަށް ބޮޑު ތާއީދެއް އޮވޭ --- ފޮޓޯ: ފިކުރެއްގެ ދިރުން ކެމްޕޭން

އައްޑޫ ސިޓީން ދޫކުރުމަށް ހަމަޖެހިފައިވާ 500 ގޯއްޗަށް ކުރިމަތިލުމުގެ ފުރުސަތު ރޭ ދަންވަރު އައްޑޫ ސިޓީ ކައުންސިލުން ހުޅުވާލުމަކީ "ބޭއަދަބީ" ކަމެއް ކަމަށް ވިދާޅުވެ ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ފާޑުވިދާޅުވެއްޖެ އެވެ.

އެ ސިޓީގެ މީދޫ، ފޭދޫ އަދި ހުޅުދޫ އިން ދޫކުރުމަށް ހަމަޖެހިފައިވާ ގޯއްޗަށް ކުރިމަތިލުމަށް ހުޅުވާލިކަން ކައުންސިލުން އިއުލާނު ކުރީ ރޭ ދަންވަރު 12:30 ހިސާބު އެވެ.

"[ދަންވަރު] ގޯއްޗަށް އިއުލާނުކުރީމާ އަޅުގަނޑު ހީވަނީ އަޅުގަނޑުމެން އެންމެންގެ ހިތަށް ވެސް އަރާނޭ މިހީރީ ކަޑަ ޖެހުމުގެ އިތުރު މަރުހަލާއަކަށް އުފުލިފައޭ. އަނެއްކާ މީ ގޯތިތައް ދެވެމުން އެބަދޭ ކޮންމެ އިންތިހާބަކަށް. ކޮންމެ އިންތިހާބެއްގައި ދަންވަރު އެބަ އިއުލާނުކުރޭ. އެ ގޯތި އަދި ހުރީ ކަނޑު އަޑީގައި،" ސ. ފޭދޫގައި ނަޝީދު މިއަދު ވިދާޅުވި އެވެ.

ރިޔާސީ ޕްރައިމަރީގެ ކެމްޕޭނުގެ ތެރެއިން އައްޑޫއަށް ކުރައްވަމުން ގެންދަވާ ދަތުރުފުޅުގެ ތެރެއިން ފޭދޫއަށް ވަޑައިގެން އެމަނިކުފާނުގެ ސަޕޯޓަރުންނާ ބައްދަލުކުރައްވާ ނަޝީދު ދެއްކެވި ވާހަކަފުޅުގައި އެކަން ސިފަކުރެއްވީ "ކަޑަޖެހުމުގެ އާ މަރުހަލާ" އެއްގެ ގޮތުގަ އެވެ.

ނެތް ކަމެއް ރޭގަނޑު ދަންވަރު ކުރާން އުޅުމަކީ އަޅުގަނޑަށް ފެންނަ ގޮތުގައި ވަރަށް ބޭއަދަބީ ކަމެއް

ނަޝީދު ވިދާޅުވާ ގޮތުން ތައުލީމީ މީހުން އުޅޭ ގައުމެއްގައި އެގޮތަށް އަމަލުކުރުމަކީ ރައްޔިތުންނާ މެދު ނިކަމެތިކޮށް ވިސްނުމެވެ.

"ގްރޭޑް 10 އާ ހަމައަށް ކިޔެވުން ގާނޫނީ ގޮތުން ލާޒިމް ގައުމެއް. މިތަނުގެ ރައްޔިތުންނަށް އެގޮތަށް އެއްގޮތަކަށް ވެސް ދެކުމަކީ ވަރަށް ވަރަށް ބޮޑަށް ރައްޔިތުންނާ މެދު ނިކަމެތިކޮށް ވިސްނާ ވިސްނުމެއް،"

ނަޝީދު ވަނީ ދަންވަރު ވަގުތު ކުރަން ޖެހޭ ކަންކަން ކަމަށް ވިދާޅުވެ އައްޑޫގެ އެއާޕޯޓާއި ޓޫރިޒަމް ހަރަކާތްތައް އިތުރުކުރުމާ ގުޅޭގޮތުން ވާހަކަފުޅު ދައްކަވާފަ އެވެ.

"ދަންވަރު ކުރާން އޮތް ކަމަކީ ގަން އެއާޕޯޓު ހުޅުވާފައި އެތަނަށް ބޭރު މަތިންދާބޯޓު ޖެއްސޭނެ ގޮތް ހެދުން. ރޭގަނޑު ދަންވަރު ވެސް ހުޅުވައިގެން ކުރަން ރަނގަޅު ކަމެއް އެބައޮތް. އެއީ މިތާގައި ރިސޯޓުތައް ހަދައި ރިސޯޓުތަކަށް މީހުން ގެނައުމާއި މިތަނުގައި ވަޒީފާގެ ފުރުސަތު އުފެއްދުން. ރޭގަނޑު ދަންވަރު ހުޅުވައިގެން ވެސް ރަނގަޅު ގެސްޓުހައުސްތައް އެޅި އެ ގެސްޓުހައުސްތަކަށް މީހުން އާދެވޭނެ ގޮތް ހަދަން،" ނަޝީދު ވިދާޅުވި އެވެ.

މީދޫއިން 2000 އަކަފޫޓުގެ 100 ގޯއްޗާއި ހުޅުދޫއިން 2000 ފޫޓުގެ 100 ގޯތި އަދި ފޭދޫއިން 1500 އަކަފޫޓުގެ 300 ގޯތި ދޫކުރުމަށް ނިންމައި، ގޯއްޗަށް އެދި ފޯމު ހުށަހެޅުމުގެ ފުރުސަތު ފެބްރުއަރީ 16 އާ ހަމަށް ވަނީ ހުޅުވާލާފަ އެވެ.

މި ގޯތިތަކުގެ ތެރޭގައި ހިމެނެނީ އެ ގޯތި ދޫކުރާ އަވަށަކަށް ނިސްބަތްވާ މީހުންނަށް ހާއްސަކޮށް 90 އިންސައްތަ އާއި އަދި އެހެން އަވަށްތަކަށް ނިސްބަތްވާ މީހުންނަށް ހާއްސަ 10 އިންސައްތަ އެވެ. ހުޅުދޫ އާއި މީދޫއިން ކޮންމެ އަވަށަކުން 10 ގޯތި މިގިންތިއަށް ހާއްސަކޮށްގެން ދޫކުރުމަށް ނިންމާފައިވާއިރު، ފޭދޫއިން 30 ގޯތި ދޫކުރުމަށް ވަނީ ނިންމާފައެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox