ނަޝީދުގެ ޝައުގު؛ ގަން އެއާޕޯޓުގެ ހިއްސާ ސިޓީ ކައުންސިލަށް ބަދަލުކުރުމާއި، ހިންގުން ބޭރު ކުންފުންޏަކާ ހަވާލުކުރުން

އެމްޑީޕީގެ ރިޔާސީ ޕްރައިމަރީގައި ވާދަކުރައްވާ އެ ޕާޓީގެ ރައީސް މުހައްމަދު ނަޝީދު: -- ފޮޓޯ: އަބްދުﷲ އިޔާން / އަދަދު

އެމްޑީޕީގެ ރިޔާސީ ޕްރައިމަރީގައި ވާދަކުރައްވާ އެ ޕާޓީގެ ރައީސް މުހައްމަދު ނަޝީދު: -- ފޮޓޯ: އަބްދުﷲ އިޔާން / އަދަދު

އައްޑޫ ސިޓީ ގަން އެއާޕޯޓު ހިންގާ އައްޑޫ އިންޓަނޭޝަނަލް އެއާޕޯޓު ޕްރައިވެޓު ލިމިޓެޑްގައި އޮތް ސަރުކާރުގެ ހިއްސާ އައްޑޫ ސިޓީ ކައުންސިލަށާއި އާންމުންނަށް ބަދަލު ކުރެވޭނެ ގޮތަކަށް އެ މަނިކުފާނުގެ ވެރިކަމެއްގައި ސިޔާސަތު ބަދަލު ކުރާނެ ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ހޮނިހިރު ދުވަހު ބާއްވާ އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ނަޝީދު އައްޑޫ މަރަދޫގައި ރޭ ވާހަކަ ދައްކަވަމުން ވިދާޅުވީ ގަން އިންޓަނޭޝަނަލް އެއާޕޯޓު ޕްރައިވެޓް ލިމިޓެޑުގައި އޮތް ސަރުކާރުގެ ހިއްސާގެ ބޮޑު ބައެއް އައްޑޫ ސިޓީ ކައުންސިލަށް ބަދަލުކުރުމަކީ އެ އެއާޕޯޓު ތަރައްގީކޮށް ކުރިއަށް ގެންދަން އޮތް އެންމެ ފަސޭހަ މަގު ކަމަށެވެ.

"އެއްގޮތަކަށް ވެސް އަޅުގަނޑުމެން ތަޅުލެވިފައި ތިބެގެނެއް ނުވާނެ. މިހާރު ހުރި ހަރުމަދާ ހުއްޓިފައި ހުރީ ކޮންބައެއްގެ އަތް މަތީގައިތޯ ބަލައި، އެ މީހުން ރުހޭ ގޮތަކަށް ނޫނީ ކަންތައް ނުކޮށް އަޅުގަނޑުމެން ތިބުން އެއީ އަޅުގަނޑަށް ފެންނަ ގޮތުގައި މި ސިޓީއަށް ވެސް އަދި ރާއްޖެއަށް ލިބޭ ވަރަށް ބޮޑު ގެއްލުމެއް،" ނަޝީދު ވިދާޅުވި އެވެ.

އައްޑޫ އިންޓަނޭޝަނަލް އެއާޕޯޓު ޕްރައިވެޓް ލިމިޓެޑުގެ 70 ޕަސެންޓް ހިއްސާ ސަރުކާރަށް އޮތް އިރު, 30 ޕަސެންޓް ހިއްސާ އޮތީ ޗަމްޕާ ހުސައިން އަފީފުގެ ކާސާ ހޯލްޑިންސްއަށެވެ.

ނަޝީދު ވިދާޅުވީ އައްޑޫގެ އެއާޕޯޓު ތަރައްގީ ކުރުމުގެ ވާހަކައަކީ ޒަމާންވެފައިވާ ވާހަކައެއް ނަމަވެސް އެ އެއާޕޯޓުގެ ފުރިހަމަ ބޭނުން މިއަދާ ހަމައަށްވެސް އޮތީ ނުކުރެވިފައި ކަމަށެވެ. ކޮންމެ ސަރުކާރަކުން ވެސް އެއާޕޯޓަށް ދާނެ ގޮތުގެ ވާހަކަ ދެއްކި ނަމަވެސް އެ މަސައްކަތް ކުރެވިފައި ނެތް ކަމަށް އެ މަނިކުފާނު ވިދާޅުވި އެވެ.

އެމްޑީޕީގެ ސިޔާސަތަކީ އުމުރާނީ މަސައްކަތްތައް ކުރުމަށް ޕަބްލިކް ޕްރައިވެޓު ޕާޓްނަޝިޕްގެ ދަށުން ކަންކަން ކުރެވޭނެ ގޮތްތަކެއް ހޯދުންކަން ފާހަގަކުރައްވާ ނަޝީދު ވިދާޅުވީ ފައިސާ އާއި ކަމުގެ ތަޖުރިބާ ހުރި ބައިނަލްއަގުވާމީ ފަރާތްތަކުގެ އެހީގައި އައްޑޫ އެއާޕޯޓު ތަރައްގީ ކުރެވޭނެ ކަމާއި އެކަމަށް ޝައުގުވެރިވާ އިނގިރޭސި ވިލާތުގެ ކުންފުނިތައް ވެސް އެބަ ހުރި ކަމަށެވެ.

ގަން އެއާޕޯޓު ކޮމާޝަލް އެއާޕޯޓެއްގެ ގޮތުގައި ތަރައްގީ ކުރުމަށް އިނގިރޭސީން އަބަދުވެސް ޝައުގުވެރިކަން ފާޅުކުރާ ކަމަށާއި އެފަދަ ގޮތަކަށް އެ އެއާޕޯޓު ދޫކޮށްލަން އައްޑޫ ރައްޔިތުންނަށް އުނދަގޫ ނުވާނެކަން ގަބޫލު ކުރައްވާ ކަމަށް ވެސް ނަޝީދު ވިދާޅުވި އެވެ.

އައްޑޫ ގަން އެއާޕޯޓު
އައްޑޫ ގަން އެއާޕޯޓު

އައްޑޫ ގަން އެއާޕޯޓު

"ކޮންމެ ފަހަރަކު އަޅުގަނޑާ އިނގިރޭސި ވަޒީރަކު ދިމާވި ނަމަވެސް، އަދި އެ މީހުންގެ ވިޔަފާރިވެރިން ވެސް، ކިރިޔާ ވެސް ރާއްޖެ އެނގޭ މިންވަރުގެ މީހަކު ކަމަށް ވަންޏާ ގަން އެއާޕޯޓުގެ ވާހަކަ އާއި އައްޑޫގެ ވާހަކަ އެ ބޭފުޅުން އޮޅުން ފިލުވާ. އަޅުގަނޑަށް ފެންނަ ފެނުމުގައި އެއީ ތިބޭފުޅަން ކުރަން އުނދަގޫ ކަމަކަށް ނުވާނެ،" ނަޝީދު ވިދާޅުވި އެވެ.

ގަން އެއާޕޯޓަކީ ދެ ވަނަ ބޮޑުހަނގުރާމައިގެ ދުވަސްވަރު އިނގިރޭސި ސިފައިން ރާއްޖޭގައި ތިބުމަށާއި މިލްޓްރީ ބޭހެއްގެ ގޮތުގައި ބޭނުންކުރަން ތަރައްގީކުރި ތަނެކެވެ.

އައްޑޫ އެއާޕޯޓު ހިންގުން ބޭރު ބަޔަކާ ހަވާލުކުރުމުގެ ޝައުގު ނަޝީދު ގެންގުޅުއްވާއިރު، 2008 ގައި ވެރިކަމަށް ވަޑައިގަތުމަށް ފަހު ވެލާނާ އިންޓަނޭޝަނަލް އެއާޕޯޓު (އޭރު އިބުރާހިމް ނަސިރު އިންޓަނޭޝަނަލް އެއާޕޯޓު) ހިންގަން އިންޑިއާގެ ޖީއެމްއާރު ކުންފުންޏާ 25 އަހަރު ދުވަހަށް ހަވާލުކުރި އެވެ.

އެ ކުންފުނީގެ އަތުން އެއާޕޯޓު އަތުލީ، ނަޝީދުގެ ވެރިކަން ނިމުމަށް ފަހު، ކުރީގެ ރައީސް ޑރ. މުހައްމަދު ވަހީދު ހަސަން މަނިކުގެ ވެރިކަމުގަ އެވެ.

އައްޑޫ ސިޓީ އަކީ ނަޝީދު ޕްރައިމަރީގެ ކެމްޕޭނުގައި ވަޑައިގެންނެވި އެންމެ ފަހު މަންޒިލެވެ. އެއާއެކު ނަޝީދު ވަނީ ރާއްޖޭގެ ހުރިހާ އަތޮޅަކަށް ވަޑައިގެން، 70 އަށްވުރެ ގިނަ ރަށަށް ޒިޔާރަތް ކުރައްވައި ކެމްޕޭން ކުރައްވާފަ އެވެ.

57،000 ވުރެ ގިނަ އެމްޑީޕީގެ މެންބަރުން ވޯޓުލާ ރިޔާސީ ޕްރައިމަރީ ހޮނިހިރު ދުވަހު ބާއްވާއިރު، އެ ޕްރައިމަރީގައި ނަޝީދުއާ ވާދަކުރައްވަނީ ރައީސް އިބްރާހިމް މުހައްމަދު ސޯލިހެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox