ހުލާސާކޮށް އިއްޔެ: ޕްރައިމަރީއަށް ބާކީ ހަފުތާއެއް، ކެމްޕެއިނުގެ ފޯރި ގަދަ!

Jan 20, 2023, 2:22 AM
ހުލާސާކޮށް އިއްޔެ: ޕްރައިމަރީއަށް ބާކީ ހަފުތާއެއް، ކެމްޕެއިނުގެ ފޯރި ގަދަ!

މި މަހުގެ 28 ވަނަ ދުވަހު މުޅި ރާއްޖޭގައި ބާއްވާ އެމްޑީޕީގެ ޕްރައިމަރީގައި ވޯޓުލުމަށް މިހާރު ހަފުތާއަކަށް ވެފައިވާއިރު، ކެމްޕެއިންގެ ފޯރި ވަނީ ގަދަވެފަ އެވެ. އިއްޔެ ހެނދުނު އެމްޑީޕީގެ ރައީސް މުހައްމަދު ނަޝީދު ހުވަދު އަތޮޅަށް ކުރެއްވި ދަތުރުފުޅުގައި، އެސްޓީއޯގެ މެނޭޖިން ޑިރެކްޓަރު ހުސައިން އަމުރު ބައިވެރިވެވަޑައިގަތުން، ބޮޑު ކާމިޔާބެއްގެ ގޮތުގައި އެ ފެކްޝަނުން ފާހަގަކުރަމުން ދަނިކޮށް، ދުވަހުގެ އިރު އޮއްސުނީ ނަޝީދުގެ ފެކްޝަންގައި ހުންނެވި ރައްޔިތުންގެ މަޖިލީހުގެ ފޮނަދޫ ދާއިރާގެ މެމްބަރުގެ ތާއިދު ރައީސް ސޯލިހަށް އޮތްކަން ހާމަކުރެއްވުމާއެކު އެވެ.

ރައީސް ނަޝީދުގެ ދަތުރުފުޅުގައި އަމުރު ބައިވެރިވެވަޑައިގެންނެވި ނަމަވެސް ބަހެއް ވިދާޅުވެފަ އެއް ނުވެ އެވެ.

ފަޅި ބަދަލުކުރެއްވި ކަން އާންމު ކުރައްވަމުން ކުރެއްވި ޓްވީޓުގައި ސިރާޖު ވިދާޅުވީ "ކުރިއަށް އޮތް ރިޔާސީ އިންތިހާބު އެމްޑީޕީއަށް ކާމިޔާބު ކޮށްދެވޭނެ ކެންޑިޑޭޓަކާއެކު އިންތިހާބަށް ނުކުތުން މުހިންމު ކަމަށް ފެންނާތީ، ދާއިރާގެ ރައްޔިތުންގެ މަޝްވަރާއާއެކު އެމްޑީޕީގެ ރިޔާސީ ޕްރައިމަރީގައި ރައީސް އިބްރާހީމް މުހައްމަދު ސާލިހަށް ތާއީދުކުރުމަށް ނިންމައިފިން," ކަމަށެވެ.

އެމްޑީޕީ ދެ ފެކްޝަނަކަށް ބެހިފައިވާއިރު، ކުރިން ސިރާޖު ފެނިފައިވަނީ އެމްޑީޕީގެ ރައީސް މުހައްމަދު ނަޝީދަށް ތާއިދު ކުރައްވާ މެމްބަރެއްގެ ގޮތުގަ އެވެ.

އެމްޑީޕީގެ ޗެއާޕާސަން އިންތިހާބުގައި ވެސް ސިރާޖު ތާއިދު ކުރެއްވީ، ނަޝީދު ތާއިދު ކުރެއްވި ކެންޑިޑޭޓު މެމްބަރު އިމްތިޔާޒް ފަހުމީ އަށެވެ. އަދި އިކޮނޮމިކް މިނިސްޓަރު ފައްޔާޒު އިސްމާއީލް މަގާމުން ދުރުކުރެއްވުމަށް ނަޝީދު އިސްވެ ހިންގެވި ޕެޓިޝަންގައި ވެސް ސިރާޖު ސޮއި ކުރެއްވެވި އެވެ.

ރައީސް ސޯލިހު ބޮޑުތިލަދުން މައްޗަށް ކުރެއްވި ދަތުރުފުޅަށް ފަހު ރޭ ވަނީ ލ. އަތޮޅަށް ވަޑައިގެންފަ އެވެ. ނަޝީދު ކެމްޕެއިންގައި އުޅުއްވަނީ ހުވަދު އަތޮޅުގަ އެވެ.

ބައެއް މުހިންމު ހަބަރު

  • ރައީސުލްޖުމްހޫރިއްޔާކަމުގެ މަގާމަށް ގެނައީ މުޅި ރާއްޖޭގެ އަގުލަބިއްޔަތުން ކަމަށާއި, ހިދުމަތް ދިނުމުގައި އެއްވެސް މީހަކު ބަކީކޮށް ނުލެވޭނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
  • ލާމު އަތޮޅާއި, ލާމު ގަމަކީ މުސްތަގުބަލު އޮތްތަނެއް ކަމަށާއި, ވިޔަފާރިތައް ފުޅާ ކުރުމަށް ބޭނުންވާ ކަންކަން ކޮށްދެއްވާނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
  • ރައްޔިތުންގެ އުއްމީދުތަކާ އެއްގޮތަށް ށ. ނަލަންދޫ ޓޫރިސްޓް ރިސޯޓެއްގެ ގޮތުގައި ތަރައްގީ ކުރެވޭނެ ކަމުގެ ޔަގީންކަން ރައީސް އިބްރާހިމް މުހައްމަދު ސޯލިހު އިއްޔެ ދެއްވި އެވެ.
  • ރައީސް އިބްރާހީމް މުހައްމަދު ސޯލިހުގެ ސަރުކާރާ މެދު ހިތްހަމަނުޖެހިފައި ތިބި އެމްޑީޕީގެ ސަޕޯޓަރުން "ހޮރުތަކުން ހިނި ނުކުންނަ މިސާލުން" ނުކުމެ ޖަމާވާން ފަށާފައިވާ ކަމަށް، އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވި އެވެ.
  • އެމްޑީޕީގެ ރިޔާސީ ޕްރައިމަރީގެ ކެމްޕެއިނުގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރަށްރަށަށް ދަތުރު ކުރައްވަމުންގެންދަވާ، ކޮންމެ ރަށަކަށް ވަޑައިގެން ވެސް އެންމެ ބޮޑަށް ދެއްކެވީ މަސްވެރިކަމުގެ ވާހަކަ އެވެ. އަދި ލާމަރުކަޒީ ނިޒާމުގެ ވާހަކަ އެވެ.
  • އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. ސުބްރަމާނިއަމް ޖައިޝަންކަރު ރާއްޖޭގެ އުތުރުގެ އަތޮޅުތަކަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު އަވަށްޓެރި ސްރީ ލަންކާއަށް ފުރާވަޑައިގެންނެވި އެވެ.

ދުވަހުގެ ކޯޓޭޝަން

އެމްޑީޕީގެ ރައީސް މުހައްމަދު ނަޝީދު ކެމްޕެއިންގައި ގދ. ތިނަދުއަށް ވަޑައިގެން އެރަށުގައި ވާހަކަ ދައްކަވަމުން ވިދާޅުވީ؛

އަޅުގަނޑާއެކު މި ބޮޑު އެމްޑީޕީ އެއްކޮށް ތެދުވާނެ. އަޅުގަނޑަށް އެ މަންޒަރު އެބަ ފެނޭ. މުޅި ރާއްޖޭގެ އެކި ކަންކޮޅުތަކުން ހިނިހޮރުތަކުން ހިނި ނުކުންނަ މިސާލުގައި އެމްޑީޕީ މެންބަރުން ފަތިފައްޗަށް ނުކުމެ ޖަމާވޭ. އަޅުގަނޑަށް ކޮންމެ ރަށަކުން މި މަންޒަރު އެބަ ފެނޭ،"

ދުވަހުގެ ފޮޓޯ

މިއީ ކުޑަގިރި: ދަތުރުދާން ތަރައްގީކުރި މިރަށް ވަރަށް އަވަހަށް ހުޅުވަން ވަނީ ތައްޔާރުވެފަ. ރަށުގައި ހުރިހާ ވަސީލަތެއް މިހާރު ވަނީ ގާއިމުކޮށް ނިންމާފައި. -- ފޮޓޯ: އެޗްޑީސީ
މިއީ ކުޑަގިރި: ދަތުރުދާން ތަރައްގީކުރި މިރަށް ވަރަށް އަވަހަށް ހުޅުވަން ވަނީ ތައްޔާރުވެފަ. ރަށުގައި ހުރިހާ ވަސީލަތެއް މިހާރު ވަނީ ގާއިމުކޮށް ނިންމާފައި. -- ފޮޓޯ: އެޗްޑީސީ

މިއީ ކުޑަގިރި: ދަތުރުދާން ތަރައްގީކުރި މިރަށް ވަރަށް އަވަހަށް ހުޅުވަން ވަނީ ތައްޔާރުވެފަ. ރަށުގައި ހުރިހާ ވަސީލަތެއް މިހާރު ވަނީ ގާއިމުކޮށް ނިންމާފައި. -- ފޮޓޯ: އެޗްޑީސީ

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox