ހޭންޑްބޯލް މޯލްޑިވްސްގެ ރައީސަކަށް މުޖުތަބާ، އަހުމަދު ނިންމެވީ ކުރިމަތިނުލަން

Jan 15, 2023, 5:14 AM
ހޭންޑްބޯލް މޯލްޑިވްސްގެ އިވެންޓެއްގެ ތެރެއިން މުޖުތަބާ ވާހަކަ ދައްކަވަނީ.

ހޭންޑްބޯލް މޯލްޑިވްސްގެ އިވެންޓެއްގެ ތެރެއިން މުޖުތަބާ ވާހަކަ ދައްކަވަނީ.

ހޭންޑްބޯލް މޯލްޑިވްސްގެ ރައީސްގެ މަގާމަށް ކުރިއަށް އޮތް ދައުރަށް ކުރިމަތިނުލާން މިހާރުގެ ރައީސް އަހުމަދު އިސްމާއިލް ނިންމަވައިފި އެވެ.

މިފަހަރު އެސޯސިއޭޝަންގެ ރައީސްގެ މަގާމަށް ކުރިމަތިލާފައިވަނީ އެސޯސިއޭޝަންގެ ނައިބް ރައީސްގެ ގޮތުގައި ހުރި އަހުމަދު މުޖްތަބާ (މުޖޭ) އެވެ. މުޖްތަބާ ވަނީ އެސޯސިއޭޝަންގެ ނައިބް ރައީސްގެ އިތުރުން އެ އެސޯސިއޭޝަންގެ ޖެނެރަލް ސެކްރެޓަރީގެ މަގާމް ވެސް ފުރުއްވައިފަ އެވެ.

މި މަހުގެ 18 ވަނަ ދުވަހު ރާއްޖޭގެ ހޭންޑްބޯޅަ އެސޯސިއޭޝަންގެ އިންތިހާބީ ޖަލްސާ ބާއްވަން ނިންމާފައިވާއިރު، މި ފަހަރު ހުރިހާ މަގާމަކަށް ވެސް ކުރިމަތިލާފައިވަނީ އެންމެ ބޭފުޅެކެވެ. އެހެންކަމުން ހުރިހާ މަގާމަކަށްވެސް ބޭފުޅުން ކަނޑައެޅުމުގައި ނަގާނީ ފެންނަ ނުފެންނަ ވޯޓެކެވެ.

ހޭންޑްބޯލް މޯލްޑިވްސް އަށް ގައުމީ ކުޅިވަރު އެސޯސިއޭޝަނެއްގެ ހައިސިއްޔަތު ދިނުމަށް ކުޅިވަރުގެ ޤައުމީ ކައުންސިލުން 2015 ގައި ނިންމިއިރު ވެސް އެސޯސިއޭޝަން ޖެނެރަލް ސެކްރެޓަރީ އަކަށް ހުރީ މުޖުތަބާ އެވެ.

މިހާރު އެސޯސިއޭޝަންގެ ރައީސަކަށް ހުންނެވި އަހުމަދު އިސްމާއިލް އެ އެސޯސިއޭޝަންގެ ރައީސް ކަމާ ހަވާލުވީ 2016 ގަ އެވެ. އެ ގޮތުން، 2016 ގެ ޖުލައި މަހު އޮތް ބައި އިލެކްޝަންގައި ރައީސް ކަމަށް އަހުމަދު އިސްމާއިލް ހަވާލުވެވަޑައިގަތީ އޭރު ރައީސަކަށް ހުންނެވި އިބްރާހިމް އިސްމާއިލް މަގާމުން އިސްތިއުފާ ދެއްވުމުންނެވެ. އޭގެ ފަހުން 2018 ގެ އިންތިހާބުގައިވެސް އެސޯސިއޭޝަންގެ ރައީސްގެ މަގާމަށް އަނެއްކާ އަހުމަދު އިސްމާއިލް ކުރިމަތިލެއްވި އެވެ.

އޮލިމްޕިކް ކޮމިޓީގެ އަހަރީ އާންމު ޖަލްސާގެ ތެރެއިން އަހުމަދު އިސްމާއިލް: އަހުމަދު އަންނަނީ އޮލިމްޕިކް ކޮމިޓީގެ ނައިބު ރައީސްގެ މަގާމު ފުރުއްވަމުން.--- ފޮޓޯ: މުހައްމަދު ޝާބިން/ އަދަދު

ހޭންޑްބޯޅަ ކުރިއެރުވުމަށް އަހުމަދުގެ ދައުރުގައި އޭނާ ގިނަ މަސައްކަތްތަކެއް އޭނާގެ ދައުރުގައި ކުރެއްވި އެވެ. މިވަގުތު މުޅި ރާއްޖޭގައި އެންމެ ބާރަށް ކުރިއަރަމުން އަންނަ އަދި އެންމެ ގިނަ މުބާރާތްތައް ބާއްވަމުން އަންނަ ކުޅިވަރުގެ ގޮތުގައި ފާހަގަކުރަން ޖެހެނީ ހޭންޑްބޯޅަ އެވެ.

"އެހެން ފަރާތްތަކަށް ފުރުސަތުދޭން މިފަހަރު ކުރިމަތިނުލާން ނިންމީ. ހޭންޑްބޯޅަ ކުރިއެރުވުމަށް ރަނގަޅު މަސައްކަތްތަކެއް ކުރެވުނު ކަމަށް އުއްމީދުކުރަނީ. ކުރިއަށް އޮތް ތާނގައިވެސް ހޭންޑްބޯޅަ އަށް އަޅުގަނޑުގެ އެހީތެރިކަން ލިބޭނެ. އެއީ ކޮންމެ ބަޔަކު ހިންގަން ތިބިކަމުގައި ވިޔަސް." ހޭންޑްބޯޅަ ހިންގުމުގެ ތެރެއަށް އައުމުގެ ކުރިން ބާސްކެޓްބޯޅަ އެސޯސިއޭޝަން ހިންގުމުގައި ވެސް ގިނަ މަސައްކަތްތަކެއް ކުރެއްވި އަހުމަދު ވިދާޅުވި އެވެ.

މި ފަހަރު ހޭންޑްބޯޅަ އެސޯސިއޭޝަންގެ ދެ ނައިބުންގެ ގޮތުގައި ކުރިމަތިލާފައިވަނީ އަލީ އިޔާޒު އާއި އަބްދުﷲ ސަލީމް އެވެ. މިއީ މިދިޔަ ދައުރުގައި ވެސް އެސޯސިއޭޝަންގެ އެކްސްކޯގައި ހަރަކާތްތެރިވި މެންބަރުންނެވެ. ހަޒާންދާރަކަށް ކުރިމަތިލާފައިވަނީ މުޙައްމަދު މުހުދިން ހާލިދު އެވެ.

އާންމު މެންބަރުންގެ މަގާމަށް ކުރިމަތިލީ ވިސާމް ހަސަން، އަހުމަދު ހައިސަމް، މުހައްމަދު ޒަރީރު އަދި އަހްމަދު އިބްރާހީމް އެވެ. މީގެ އިތުރުން އަންހެން މެންބަރު ކަމަށް އައިޝަތު ރީމާ ވެސް ވަނީ ކުރިމަތިލާފަ އެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox