ނަޝީދު އެދުނަސް ރައީސް ސޯލިހާ ދެކޮޅަށް ނުކުންނަން ޝާހިދު ބޭނުން ނުވީ!

ފޮރިން މިނިސްޓަރު އަބްދުﷲ ޝާހިދު އަދި ރައީސް މުހައްމަދު ނަޝީދު؛ ޕްރައިމަރީގައި ޝާހިދު ނުކުންނަވަން ނަޝީދު އެދިވަޑައިގަތް - ފޮޓޯ: މަޖިލިސް

ފޮރިން މިނިސްޓަރު އަބްދުﷲ ޝާހިދު އަދި ރައީސް މުހައްމަދު ނަޝީދު؛ ޕްރައިމަރީގައި ޝާހިދު ނުކުންނަވަން ނަޝީދު އެދިވަޑައިގަތް - ފޮޓޯ: މަޖިލިސް

އެމްޑީޕީގެ ރިޔާސީ ޕްރައިމަރީގައި ފޮރިން މިނިސްޓަރު އަބްދުﷲ ޝާހިދު ވާދަކުރެއްވުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު އެދިވަޑައިގަތް ކަމަށާއި، ނަމަވެސް ރައީސް އިބްރާހީމް މުހައްމަދު ސޯލިހް ނުކުންނަވާތީ އެ ކަން ބޭނުންފުޅުނުވީ ކަމަށް ޝާހިދު ވިދާޅުވެއްޖެ އެވެ.

އަންނަ ޖެނުއަރީ މަހުގެ 28 ވަނަ ދުވަހު އޮންނަ އެމްޑީޕީގެ ރިޔާސީ ޕްރައިމަރީގައި ނަޝީދުގެ އިތުރަށް އެމަނިކުފާނުގެ ދުވަސްވީ އެކުވެރިޔާ ރައީސް އިބްރާހީމް މުހައްމަދު ސޯލިހު ވާދަކުރައްވާއިރު، ދެ ބޭފުޅުން ވެސް ގެންދަވަނީ ފޯރީގައި ކެމްޕޭން ކުރައްވަމުންނެވެ.

ރިޔާސީ ޕްރައިމަރީގެ ކެމްޕޭންގައި އުތުރުގެ ތިން އަތޮޅަކަށް ނަޝީދު ކުރައްވަމުން ގެންދަވާ ދަތުރުފުޅުގެ ތެރެއިން އިއްޔެ ރ. ދުވާފަރުގައި ވާހަކަ ދައްކަވަމުން އެމަނިކުފާނު ވިދާޅުވީ އެންމެ ފުރަތަމަ ވިސްނުން ހުންނެވީ ބަރުލަމާނީ ނިޒާމަކަށް ބަދަލުނުވާނަމަ ވެރިކަމަށް ނުނުކުންނެވުމަށެވެ.

ރައީސް ސޯލިހަށް ވޯޓު ނުދޭނެ ކަމަށް ބުނާ އެމްޑީޕީގެ ސަޕޯޓަރުން ގިނަވާތީ މަސައްކަތް ކުރެއްވީ އެހެން ބޭފުޅަކު ރައީސްއާ ވާދަކުރެއްވުމަށް ނެރުއްވުމަށް ކަމަށް ނަޝީދު ވިދާޅުވި އެވެ. އެ ގޮތުގެ މަތިން ޝާހިދު އަރިހުގައި އެ ކަމަށް އެދިވަޑައިގަތް ނަމަވެސް ޝާހިދު އެއްބަސްނުވި ކަމަށް ވިދާޅުވި އެވެ.

"އެއީ ވާދަކުރައްވާ ޒާތުގެ ބޭފުޅަކަށް ނުވާތީ، އެހެންވީމާ [ޝާހިދު] ނުކުރެއްވީ. އަޅުގަނޑަކީ ނުކުމެ ވާދަކުރާ ކަހަލަ މީހެއް. އެހެންވެ އަޅުގަނޑު ނުކުމެ މިހުރީ ވާދަކުރަން," މީގެ ދެ ފަހަރެއްގެ މަތިން ރިޔާސީ އިންތިހާބުގައި އެމްޑީޕީގެ ކެންޑިޑޭޓުގެ ގޮތުގައި ވާދަކުރައްވާފައިވާ ނަޝީދު ވިދާޅުވި އެވެ.

ނަޝީދުގެ އެ ވާހަކަތަކާ ގުޅޭ ގޮތުން ސުވާލުކުރުމުން ފޮރިން މިނިސްޓަރު ޝާހިދު "އަދަދު" އަށް ވެސް ވިދާޅުވީ، ޕްރައިމަރީއަށް ނުކުތުމަށް އޭނާ ގާތު ނަޝީދު އެކި ފަހަރު މަތިން އެދިވަޑައިގަތް ކަމަށެވެ. ނަމަވެސް ޕްރައިމަރީގައި ވާދަކުރައްވަން ޝާހިދު ބޭނުންފުޅުނުވީ ކަމަށް ވިދާޅުވި އެވެ.

"އަޅުގަނޑު ނުނުކުތީ، އަޅުގަނޑު ތާއީދު ކުރަނީ ރައީސް އިބްރާހީމް މުހައްމަދު ސޯލިހަށް،" އެމްޑީޕީގެ ޕްރައިމަރީގެ ކެމްޕޭންގައި ރައީސް ސޯލިހަށް ތާއީދު ހޯއްދެވުމުގައި އެންމެ އިސްކޮށް މަސައްކަތް ކުރައްވާ ބޭފުޅުންގެ ތެރޭގައި ހިމެނޭ ޝާހިދު ވިދާޅުވި އެވެ.

2018 ގެ ރިޔާސީ އިންތިހާބުގައި ވާދަކުރައްވަން ނަޝީދަށް ފުރުސަތު ގެއްލުމުން އޭގެ ޝައުގުވެރިކަން ޝާހިދު ފާޅުކުރެއްވި ކަމަށް މީގެ ކުރިން ނަޝީދު ވިދާޅުވެފައިވެ އެވެ. އެކަމަކު ރައީސް ސޯލިހަށް އެ ފުރުސަތު ދެއްވަން ނަޝީދު އެދިވަޑައިގަތުމުން ޝާހިދު ފެޔަށް ޖެހިލީ ކަމުގައި ނަޝީދު ވިދާޅުވެފައިވެ އެވެ.

އޭރު އެމްޑީޕީގެ ރިޔާސީ ޕްރައިމަރީން އެ ޕާޓީގެ ރިޔާސީ ޓިކެޓު ދިނުމަށް ކަނޑައެޅި ކެންޑިޑޭޓަކީ ވެސް ނަޝީދެވެ. އެކަމަކު ނަޝީދަށް އިއްވާފައިވާ ޖަލު ހުކުމުގެ ސަބަބުން ވާދަކުރުމަށް ގާނޫނީ ހުރަހެއް އޮތުމުން، އެމްޑީޕީގެ ކޮންގްރެސް މެދުވެރިކޮށް ރައީސް ސޯލިހަށް ޓިކެޓު ދިނުމަށް ނިންމީ އެވެ.

ކުރިއަށް މި އޮތް އެމްޑީޕީގެ ރިޔާސީ ޕްރައިމަރީގައި އެ ޕާޓީގެ 57،000 މެންބަރުންނަށް ވޯޓު ދެވެ އެވެ. ރައީސްކަން ކުރިން ކުރެއްވި ބޭފުޅަކާއި މިހާރުގެ ރައީސުލްޖުމްހޫރިއްޔާ ވާދަ ކުރައްވާ މި އިންތިހާބަކީ ރާއްޖޭގެ ބޮޑު ސިޔާސީ ޕާޓީއެއްގައި ހިނގާނެ އެންމެ ވާދަވެރި އެތެރޭގެ ޕްރައިމަރީއަށް ވާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox