ޓެކްސީ ކުރުމާމެދު ވެސް ދެ ރައީސުންގެ ވިސްނުން ތަފާތު

ރައީސް ބ. އޭދަފުށީ މެންބަރުންނަ މުހާތަބު ކުރައްވާ ވާހަކަދައްކަަަނީ; ޓެކްސީ ސަރުކާރަށް ނަގަންޖެހެ ސަބަބެއް ނެތް ކަމަށް ވިދާޅުވި

ރައީސް ބ. އޭދަފުށީ މެންބަރުންނަ މުހާތަބު ކުރައްވާ ވާހަކަދައްކަަަނީ; ޓެކްސީ ސަރުކާރަށް ނަގަންޖެހެ ސަބަބެއް ނެތް ކަމަށް ވިދާޅުވި

އެމްޑީޕީގެ ރިޔާސީ ޕްރައިމަރީއަށް ބ. އޭދަފުއްޓަށް ޒިޔާރަތްކުރައްވާ ވާހަކަދައްކަވަަމުން ރައީސް އިބްރާހިމް މުހައްމަދު ސޯލިހު ވަނީ ޓެކްސީތައް ސަރުކާރަށް ނެގުމާ ބެހޭގޮތުން ރައީސް މުހައްމަދު ނަޝީދު ދައްކަވާފައިވާ ވާހަކަތަކަށް ރައްދު ދެއްވާފަ އެވެ.

ނަޝީދު އިއްޔެ ބޭއްވި ނޫސްވެރިންގެ ބައްދަލުވުމެއްގައި ވަނީ މާލޭގައި ޓެކްސީ ކުރުމާ ބެހޭގޮތުން ސިޔާސަތެއް ހާމަކުރައްވާފަ އެވެ. އެގޮތުން ޓެކްސީތައް ސަރުކާރަށް ގަނެ, ޑްރައިވަރަށް އެހެން ހުނަރެއް ހޯދައިދީ ނުވަތަ އެ ޑްރައިވަރަށް ބަސް ކުންފުނިން ވަޒީފާއެއް ދިނުމަށް އެމަނިކުފާނު ހުށަހެޅުއްވި އެވެ.

ނަޝީދު ވިދާޅުވި ގޮތުގައި ސަރުކާރަށް ޓެކްސީ ގަންނާނީ މާލޭގައި ޓެކްސީ ބޭނުންވާ އަދަދު އަންދާޒާކޮށް ދިރާސާކޮށްގެން ކަމަށެވެ. އަދި އެ އަދަދުގެ އިތުރަށް ހުރި ޓެކްސީއެއް ނަމަ ސަރުކާރުން 'ބައިބެކް' ސިޔާސަތެއްގެ ދަށުން އަލުން އަނބުރާ ގަތުމުގެ ޕްލޭނެއް ކުރިއަށް ގެންދިއުން ކަމަށް ވެސް ވިދާޅުވި އެވެ.

ރައީސް ނަޝީދު މި ސިޔާސަތު ހާމަކުރެއްވީ މާލޭގެ ޓެކްސީ ޑްރަވަރުންނާ ބައްދަލު ކުރެއްވުމަށްފަހު އެވެ. މިކަމަށް ރައްދު ދެއްވަމުން ރައީސް މިއަދު ވިދާޅުވީ އެއީ ކަން ކުރަން ޖެހޭ ގޮތެއް ނޫން ކަމަށާއި, އެ ސިޔާސަތު ކަމު ނުދާ ކަމަށެވެ.

"މާލޭގެ ޓެކްސީ ޑްރައިވަރުންނާ ބައްދަލުކުރައްވާ މި ވިދާޅުވަނީ މާލޭގެ ހުރިހާ ޓެކްސީތަކެއް ސަރުކާރަށް ނަގާ ވާހަކަ. މިއީ ކޮން ވިޔަފާރިއެއްތޯ؟ މިއީ ވަކިވަކި ފަރުދުން ދުއްވާ ޓެކްސީތައް ސަރުކާރަށް ނަގާ ވާހަކަ،" ސަރުކާރުން އަމިއްލަ ވިޔަފާރިތަކުގެ ތެރެއަށް ވަންނަ ކަމުގެ ތުހުމަތު ކުރައްވާ ނަޝީދު ވިދާޅުވި ވާހަކަތަކަށް ރައްދު ދެއްވަމުން ރައީސް ވިދާޅުވި އެވެ.

ރައީސް ވިދާޅުވީ ކުރަންޖެހޭ ކަމަކީ އާ ޓެކްސީ ހޯދައި, ދިގު މުއްދަތަކަށް ފައިސާ ދެއްކޭނެ ގޮތަށް ޓެކްސީ ޑްރައިވަރުންނަށް ދިނުން ކަމަށެވެ. އަދި މި އަހަރުގެ ތެރޭގައި އެގޮތަށް ޓެކްސީ ކާރު ރާއްޖެ ގެނެސް މާލޭގައި ޓެކްސީ ދުއްވާ ފަރާތްތަކަށް ދިގު މުއްދަތަކުން ފައިސާ ދައްކާގޮތަށް ކާރު ހަވާލު ކުރައްވާނެ ކަމަށް ވެސް ރައީސް ވިދާޅުވި އެވެ.

އޭދަފޫށިގައި ބޭއްވި ޕްރައިމަރީ ކެމްޕޭން ޖަލްސާ; ރައީސް ވަނީ ވާދަވެރިންނަން ރައްދު ދެއްވާފައި -- ފޮޓޯ: އެމްޑީޕީ
އޭދަފޫށިގައި ބޭއްވި ޕްރައިމަރީ ކެމްޕޭން ޖަލްސާ; ރައީސް ވަނީ ވާދަވެރިންނަން ރައްދު ދެއްވާފައި -- ފޮޓޯ: އެމްޑީޕީ

އޭދަފޫށިގައި ބޭއްވި ޕްރައިމަރީ ކެމްޕޭން ޖަލްސާ; ރައީސް ވަނީ ވާދަވެރިންނަން ރައްދު ދެއްވާފައި -- ފޮޓޯ: އެމްޑީޕީ

އަމިއްލަ ވިޔަފާރިތަކުގެ ތެރެއަށް ސަރުކާރުން ވަންނަ ކަމަށް ވާދަވެރި ފަރާތްތަކުން ތުހުމަތު ކުރުމާ ގުޅިގެން ރައީސް އިތުރަށް ވިދާޅުވީ އެ އިޝާރާތްކުރަނީ މަސްވެރިކަމުގެ ސިނާއަތަށް ސަރުކާރުން އިންވެސްޓްކުރާ ވާހަކަ ކަމަށެވެ.

ނަމަވެސް ރައީސް ވިދާޅުވި ގޮތުގައި މަސްވެރިކަމުގެ ސިނާއަތް އަދި ޕްރައިވެޓް ސެކްޓާއަށް ދޫކޮށްލެވެން ނެތް ކަމަށާއި, އެ ސިނާއަތް ޕްރައިވެޓް ސެކްޓާއަށް ދޫކޮށްލައިގެން އެކަމުގެ ރަނގަޅު ފައިދާ މަސްވެރިންނަށް ކުރާނެ ކަމުގެ ޔަގީންކަން އަދި ނެތެވެ.

ރައީސް ވިދާޅުވީ ސަރުކާރުން ގެންދަނީ މަސްވެރިކަމުގެ ސިނާއަތަށް ބޭނުންވާ އެތައް މަޝްރޫއެއް ހިންގަމުން ކަމަށެވެ.

ޕްރައިމަރީގައި ކެމްޕޭނު ކުރަންވީ ގޮތާމެދު އިލްތިމާސްކުރެއްވި ކުރެއްވުން ތަކުރާރު ކުރައްވާ ރައީސް މިއަދު ވިދާޅުވީ ޕްރައިމަރީ ނިމުމުން ބަޔަކު ދުރުގައި ތިބެދާނެ ކަމަށެވެ.

ނަމަވެސް އެމަނިކުފާނު ވަޑައިގަންނަވާނީ މުޅި އެމްޑީޕީއާއި, ގައުމުގެ ތަރައްގީއަށް ހިޔާލުދޭ މީހުންނާއެކު ކުރިއަށް ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox