ވޯލްޑް ކަޕްގެ ނާކާމިޔާބާ ގުޅިގެން ގަތަރުން ކޯޗުގެ ކޮންޓުރެކްޓް އަލެއްނުކުރި

Jan 1, 2023, 6:12 AM
ގަތަރުގެ ކޯޗު ފީލިކްސް ސަންޗޭޒް: އެ ޓީމުގެ ކޮންޓްރެކްޓް ހަމަވުމުން މަގާމުގައި ނުހުންނާނެ.

ގަތަރުގެ ކޯޗު ފީލިކްސް ސަންޗޭޒް: އެ ޓީމުގެ ކޮންޓްރެކްޓް ހަމަވުމުން މަގާމުގައި ނުހުންނާނެ.

ދޯހާ (ޖެނުއަރީ 1) - ވޯލްޑް ކަޕްގައި ގަތަރުގެ ޓީމުން ނެރުނު ދަށް ނަތީޖާތަކަށް ފަހު، އެ ޓީމުގެ ކޯޗަކަށް ހުރި ސްޕެއިންގެ ފެލިކްސް ސަންޗޭޒްގެ ކޮންޓުރެކްޓް އާނުކުރުމަށް ގަތަރުގެ ފުޓްބޯލް ފެޑަރޭޝަނުން ނިންމައިފި އެވެ.

އަމިއްލަ ގައުމުގައި ބޭއްވި ފީފާ ވޯލްޑް ކަޕްގެ ގުރޫޕް ސްޓޭޖުން ގަތަރު ކެޓިއިރު، އެ ޓީމަށް އެންމެ ޕޮއިންޓެއް ވެސް ނުލިބެ އެވެ. މިއީ ވޯލްޑް ކަޕެއްގެ ހޯސްޓްގެ އެންމެ ދަށް ނަތީޖާ އެވެ.

ސަންޗޭޒް ،47، ގަތަރާ އެކު ހަދާފައިވާ ކޮންޓުރެކްޓް ހަމަވާނީ އިއްޔެގެ ނިޔަލަށެވެ. އެހެންކަމުން، އޭނާގެ ކޮންޓުރެކްޓް އާނުކުރަން ނިންމާފައިވާކަން ގަތަރު ފުޓްބޯޅަ ފެޑެރޭޝަނުން ވަނީ އިއްުޔެ އިއުލާންކޮށްފަ އެވެ.

"ސަންޗޭޒް މި ޓީމަށްކޮށްދިން ހުރިހާ ކަމަކަށް ޝުކުރުވެރިވަން. ގަތަރުގެ ފުޓްބޯޅައިގައި ތާރީހީ ހަނދާންތަކެއް ސަންޗޭޒާ އެކު ލިބުނު. އަބަދު ވެސް ޝުކުރުވެރިވާނަން،" ގަތަރުގެ ފެޑަރޭޝަނުން ކުރި ޓުވީޓެއްގައި ބުނެފައިވެ އެވެ.

ގަތަރުން ވަނީ މި އަހަރުގެ ވޯލްޑް ކަޕަށް ތައްޔާރުވުމަށް ބޮޑު ހޭދައެއްކޮށްފަ އެވެ. ވޯލްޑް ކަޕްގެ ފެށުމުގެ ކުރިން ޔޫރަޕްގެ އެކި ގައުމުތަކުގައި ގަތަރުގެ ޓީމު ކޭމްޕްކޮށް، މުބާރާތަށް ތައްުޔާރުވި އެވެ. މިހާރު އެކަމަށް ފާޑުކިއުންތައް ވެސް އަމާޒުވެފައިވެ އެވެ.

މީގެ 16 އަހަރު ކުރިން ގަތަރުގެ އެސްޕަޔާ އެކެޑަމީގެ ޕްރޮޖެކްޓެއްގެ ދަށުން އެ ގައުމަށް ދިޔަ ސަންޗޭޒް، ގަތަރު ކޯޗުކަމާ 2017 ވަނަ އަަހަރު ހަވާލުވި އެވެ. އޭނާ އިރުޝާދުގެ ދަށުން ގަތަރުން ވަނީ 2019 ވަނަ އަހަރުގެ އޭޝިއަން ކަޕް ކާމިޔާބުކޮށްފަ އެވެ.

އެކަމަކު ވޯލްޑް ކަޕްގެ ފުރަތަމަ މެޗުގައި އިކުއެޑޯ އަތުން ބަލިވެ، ފެށުން ގޯސްވި ހިސާބުން ގަތަރަށް އަރައިގަންނަން އުނދަގޫވިއެވެ. މިއީ މުބާރާތުގެ ހޯސްޓެއް ގުރޫޕް ސްޓޭޖުން ކެޓި ދެވަނަ ފަހަރެވެ. -- އޭއެފްޕީ

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox