ނަޝީދުގެ މަލާމާތް ރައީސް ސޯލިހަށް؛ "ނުވި، ނުވި، ރިއެކްޓެއް ނުކުރި"

އެމްޑީޕީގެ ރިޔާސީ ޕްރައިމަރީގެ ކެމްޕޭނަށް ބޭއްވި ޖަލްސާގައި ރައީސް ނަޝީދު ވާހަކަ ދައްކަވަނީ؛ ރައީސް ސޯލިހަށް ފާޑުވިދާޅުވި - ފޮޓޯ: މުހައްމަދު ޝާބިން / އަދަދު

އެމްޑީޕީގެ ރިޔާސީ ޕްރައިމަރީގެ ކެމްޕޭނަށް ބޭއްވި ޖަލްސާގައި ރައީސް ނަޝީދު ވާހަކަ ދައްކަވަނީ؛ ރައީސް ސޯލިހަށް ފާޑުވިދާޅުވި - ފޮޓޯ: މުހައްމަދު ޝާބިން / އަދަދު

"ފިކުރެއްގެ ދިރުން" މި ނަމުގައި ކުރީގެ ރައީސް މުހައްމަދު ނަޝީދުގެ ފިކުރު އަލުން ވެރިކަމަށް ގެނައުމަށް ޓަކައި އެމްޑީޕީގެ ޕްރައިމަރީގެ ކެމްޕޭނަށް ސަލްޓަން ޕާކްގައި ނަޝީދު ދެއްކެވީ ވެސް އަލުން ވެރިކަން ހޯއްދަވަން އެމަނިކުފާނު ނުކުންނަވަން ޖެހުނު ސަބަބުތަކެވެ.

އެމްޑީޕީގެ ފުރަތަމަ ސަރުކާރުގެ ރައީސް ކަން ކުރެއްވި ނަޝީދު އެ ސަބަބަކަށް ދެއްކެވީ ވެސް އެ ޕާޓީގެ ދެވަނަ ސަރުކާރުގައި އިބްރާހީމް މުހައްމަދު ސޯލިހްގެ ސިޔާސަތުތައް ބައްޓަން ކުރެއްވި ގޮތެވެ. އޭގެ ސަބަބުން ޕާޓީގެ ސަޕޯޓަރުންގެ ތާއީދު ކުޑަވެ، ރައީސާއެކު އެމްޑީޕީއަށް ލިބޭނެ ވޯޓު މަދުވާނެ ކަމަށް ގަބޫލުކުރެވުމެވެ.

އެއަށްފަހު އެމްޑީޕީގެ މެންބަރުން އެކުލަވާލި މެނިފެސްޓޯގައި ހިމެނޭ ފަހަރަކު ވައުދެއް ވިދާޅުވާން ފެއްޓެވި އެވެ. އޭގައި އޮތް ވިސްނުމާއި ސިޔާސަތު ކިޔައިދެއްވި އެވެ. އެކަމަކު، ސަރުކާރު ހިންގަނީ އެމްޑީޕީގެ ވިސްނުމާ މާ ބޮޑަށް ވެސް ދުރަށެވެ. އެމްޑީޕީގެ ވިސްނުންތަކަށް "ރިއެކްޓްއެއް" ނެތް ކަމަށެވެ.

Advertisement

ހިޔާނާތްތެރިވާ މީހުންގެ މައްސަލަތައް ނުބެެލެ އެވެ. ދައުލަތަށް ގެއްލުނު ފައިސާ އަނބުރާ ނުހޯދެ އެވެ. ތަހުގީގު ނުހިނގަ އެވެ. ގިނަ ބައިވެރިންނަށް ދައުވާއެއް ނުކުރެ އެވެ. ދައުވާ ކުރިއްޔާ ޝަރީއަތެއް ނުހިނގަ އެވެ. މިއިން އެއްވެސް ކަމެއް "ނުވީ" އެވެ.

މަސް ގަތުން ބާޒާރަށް ދޫކޮށްލުމުގެ ބަދަލުގައި ސަރުކާރު ކުންފުނީގެ މަސްފެކްޓަރީގެ ކެޕޭސިޓީ ބޮޑުކުރަން އުޅެއުޅެ އެ ކަން ވެސް ނުވެ މަސްވެރިންނަށް ވައުދުވި "ގޭދޮށު މަސް ފެކްޓަރީ" ވެސް ކުރިއަކަށް ވެސް ނުދެ އެވެ. އެއިން އެއްވެސް ކަމެއް "ނުވީ" އެވެ.

ރައީސް ނަޝީދުގެ ސަރުކާރާއި، ކުރީގެ ސަރުކާރުތަކުގައި ވެސް ރަށްރަށުގައި ހިއްކާފައިވާ ބިންތައް ބެލުމަށް ފަހު ބިން އޮތުމުން ވެރިކަމުގެ ފުރަތަމަ ހަ މަސް ދުވަހުގެ ތެރޭގައި އެ ބިންތަކުން ގޯތި ކަނޑާފައި ދޭނެ ކަމަށް އެމްޑީޕީގެ މެނިފެސްޓޯގައި ލިޔުނެވެ. އެއިން އެއްވެސް ކަމެއް "ނުވީ" އެވެ.

"މިއިން އެއްވެސް ކަމެއް ނުވި، ހަމަ ނުވި، [ރައީސް ސޯލިހް] ރިއެކްޓެއް ނުކުރެއްވި،" އެ ތަނަށް ޖަމާވެ ތިބި ސަޕޯޓަރުން ފޯރިދެމުން ދިޔަ ވަރަކަށް ސަރުކާރަށް މަލާމާތުގެ ރާގަކުން ނަޝީދު ވިދާޅުވި އެވެ.

ރައީސް ސޯލިހު އާންމު ދިރިއުޅުމުގައި ކަންކަމާ ރިއެކްޓް ނުކުރައްވައި, އޮންނަވާނީ ކަމަށް ވިދާޅުވީ އެމަނިކުފާނުގެ އަނބިކަނބަލުން އަދި ނަޝީދުގެ ދެބެންގެދެރި ފަޒުނާ އަހުމަދެވެ. ނަޝީދުގެ މަލާމަތް ގުޅުވީ އެކަމަށެވެ.

"ވެށިފަހި މާލެ ޕްރޮގްރާމަށް ވެސް އެއްވެސް ރިއެކްޝަނެއް ނެތް، އެއް ދަންފަޅީގެ މަދަރުސާތަކަށް ވެސް ނެތޭ ރިއެކްޝަނެއް،" ނަޝީދު ސަރުކާރަށް މަލާމާތްކުރެއްވުން ކުރިއަށް ގެންދެވި އެވެ.

ނަޝީދު ވިދާޅުވީ އެމްޑީޕީން 2018 ވަނަ އަހަރު ނެރުނު މެނިފެސްޓޯގައި ލާމަރުކަޒީ ނިޒާމަކުން ރަށްރަށަށް ބާރުތައް ދީގެން ވިޔަފާރިތައް އަލާކުރެވޭނެ އެތައް ގޮތެއް ލިޔުނެވެ. އައްޑުއާއި، ތިނަދުއާއި ކުޅުދުއްފުށި ފަދަ އާބާދީ ބޮޑެތި ރަށްރަށުގައި އިގުތިސޯދީ ބޮޑެތި ހަރަކާތްތައް ހިންގާނެ ގޮތްތައް ލިޔެފައި އޮތެވެ.

"... އެހެން ނަމަވެސް [ރައީސް ސޯލިހަށް] ރިއެކްޓެއް ނުކުރެއްވުނު.." ނަޝީދު ވިދާޅުވި އެވެ.

މި ހުރިހާ ވައުދުތަކެއް އޮއްވައި، ނަޝީދު ދެކެވަޑައިގަންނަވާ ގޮތުގައި އެންމެ ބޮޑު ވައުދަކަށް އޮތީ އަދި މާ ފަސޭހައިން ވެސް ކުރެވެން އޮތް ކަމެކެވެ. އެއީ އެމްޑީޕީގެ ކޮންގްރެސްއަށް ހުށަހެޅި މެނިފެސްޓޯގައި، ވެރިކަމުގެ ނިޒާމު ބަދަލުކުރުމަށް ލިޔެފައި އޮތް ވައުދެވެ.

"އެމްޑީޕީގެ މެންބަރުން އަބަދުވެސް ބޭނުންވީ ހާމަކަންބޮޑު ގޮތެއްގައި ސަރުކާރު ހިންގުން، އެއީ މަޖިލީހުގައި ވަޒީރު ބޭފުޅާއާއި އޭނައަށް ފާރަވެރިވާނެ ހިޔަނި ވަޒީރު ވެސް ހުރުން، އެއީ ބަރުލަމާނީ ނިޒާމު، އަދި ރައީސް ސޯލިހު ވެސް އެތައް އިންޓަވިއުތަކެއްގައި ވީދާޅުވަމުން ގެންދެވީ އެ ވާހަކަ،" ނަޝީދު ހަނދުމަކޮށްދެއްވި އެވެ.

އެކަމަކު ރައީސް ސޯލިހު ވެރިކަމަށް ވަޑައިގަތުމަށް ފަހު، "ރިއެކްޓެއް ނުކުރެއްވި،" ކަމަށް ނަޝީދު ވިދާޅުވި އެވެ.

ފެހި ގާނޫނު އަސާސީގެ ދަށުން ފުރަތަމަ ބޭއްވި ދެ ރިޔާސީ އިންތިހާބުގައި ވެސް އެމްޑީޕީގެ ރިޔާސީ ކެންޑިޑޭޓަކަށް ހުންނެވި ނަޝީދު ވިދާޅުވީ ސާރުކާރުން ބާރު ފޯރުވުމަށާއި ވަޒީފާތައް ދީގެން ކާމިޔާބުކުރަން ހޯދަން އުޅުނަސް އެއީ ރައީސް ސޯލިހް ދެއްވި ވަޒީފާއެއް ގޮތުގައި އެ މެންބަރުން ނުދެކޭނެ ކަމަށެވެ.

"އެއީ މިއިން އެތައް ބަޔަކު، މަގުމައްޗަށް ނުކުމެ، ކަރުނަ ގޭހުގައި، އުޅެގެން، އެތައް ގުރުބާނީއެއް ވެގެން، މި ގެނައި ސަރުކާރުން ދިން ވަޒީފާއެއް، އެއިން މީހެއްގެ އާއިލާ މީހަކު ވެސް، ރައީސް ސޯލިހަށް ވޯޓެއް ނުދެއްވާނެ،" ނަޝީދު ވިދާޅުވި އެވެ.

އަންނަ ޖެނުއަރީ މަހުގެ 28 ވަނަ ދުވަހު އޮންނަ އެމްޑީޕީގެ ޕްރައިމަރީގައި ނަޝީދާއި ރައީސް ސޯލިހު ވާދަކުރައްވާއިރު އެމްޑީޕީ އޮތީ އެ ދެ ފެކްޝަނަށް ބެހިފަ އެވެ. އަދި ދެ ފެކްޝަންގެ މެދުގައި ކޯޅުން ބޮޑުވެ، ބަހުގެ ގިނަ ހަމަލާތަކެއް ވެސް އެކަކު އަނެކަކަށް ރައްދު ކުރަމުންނެވެ.

ނަޝީދުގެ އެންމެ ބޮޑު ހިތްހަމަނުޖެހުމަކަށް އޮތީ ވެސް ވެރިކަމުގެ ނިޒާމު ބަދަލުކުރުމަށް ރައްޔިތުންގެ ފެންނަ ނުފެންނަ ވޯޓެއް ނެގުމަށް ރައީސް ސޯލިހު ދެކޮޅު ހެއްދެވުމެވެ. މިއަދު ރައީސް ވިދާޅުވި ގޮތުގައި، ހިޔާލުތަފާތުވުމުގެ މައިގަނޑު ސަބަބަކީ ނަޝީދު ވެރިކަން ބޭންވުމާއި، އެ މަގާމުގައި މި ވަގުތު ރައީސް ސޯލިހް ހުންނެވުމެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox