ރިލްވާނުގެ މަރު: ކޮމިޝަނުގެ ތަހުގީގު ފުރިހަމަ ނުވާކަމުގެ ކަންބޮޑުވުން

ރިލްވާނުގެ މަރު: ކޮމިޝަނުގެ ތަހުގީގު ފުރިހަމަ ނުވާކަމުގެ ކަންބޮޑުވުން

ނޫސްވެރިޔާ ރިލްވާން އަބްދުﷲގެ މައްސަލައިގައި ގެއްލުވާލާފައިވާ މީހުންނާއި ގޮތް ނޭނގޭ މަރުތައް ތަހުގީގު ކުރާ ކޮމިޝަނުން ކުރިއަށްގެންދިޔަ ތަހުގީގުގައި ފުރިހަމަނުވާ ކަންކަން ހުރި ކަމަށް ބުނެ ރާއްޖޭގައި އިންސާނީ ހައްގުތަކާއި ޑިމޮކްރަސީ ކުރިއެރުވުމަށް ވަކާލާތު ކުރާ އެެސޯސިއޭޝަން ފޯ ޑިމޮކްރަސީ އިން ދަ މޯލްޑިވްސް އިން ކަންބޮޑުވުން ފާޅުކޮށްފި އެވެ.

މިނިވަން ނިއުސްގައި މަސައްކަތް ކުރި ނޫސްވެރިޔާ ރިލްވާން ގެއްލުވާލާފައި ވަނީ އޯގަސްޓް 7، 2014 ގަ އެވެ. މި މައްސަލަ ތަހުގީގުކުރާތާ އަށް އަހަރުވެފައިވާއިރު، މި ސަރުކާރުން ވެރިކަމާ ހަވާލުވުމަށް ފަހު މައްސަލަ ތަހުގީގު ކުރަމުން އައީ މަރު ކޮމިޝަނުންނެވެ.

މި މައްސަލާގައި ހިންގި ތަހުގީގަށް ފަހު އެކުލަވާލި ރިޕޯޓު ޑިސެމްބަރު 15 ގައި ވަނީ ރައީސް އިބްރާހިމް މުހައްމަދު ސޯލިހާ ވަނީ ހަވާލުކޮށްފަ އެވެ. އެކަމަކު އެ ރިޕޯޓު އާންމުކޮށްފައެއް ނުވެ އެވެ. އޭގެ ބަދަލުގައި ކޮމިޝަނުން ނޫސްވެރިންގެ ބައްދަލުވުމެއް ބާއްވައި އޭގައި ހުރި ބައެއް މައުލޫމާތުތައް ހިއްސާކުރި އެވެ.

Advertisement

މިގޮތުން، ރިލްވާންގެ ކަރު ބުރިކުރުމަށް ފަހު އޭނާގެ ހަށިގަނޑު ކަނޑު ފައްތާފައިވާ ކަމަށް ކޮމިޝަނުގެ ތަހުގީގުގައި ވަނީ ނިންމާފަ އެވެ. ނަމަވެސް، އެ ނިންމުން ބިނާކޮށްފައިވަނީ ކޮން އަސާސްތަކެއްގެ މައްޗަށް ކަން ސާފުކޮށް އެނގެން ނެތް ކަމަށް ބުނެ އެސޯސިއޭޝަން ފޯ ޑިމޮކްރަސީން މިއަދު ނެރުނު ބަޔާނެއްގައި ވަނީ ކަންބޮޑުވުން ފާޅުކޮށްފަ އެެވެ.

"ކޮމިޝަނުން އެކި ވަގުތުތަކުގައި އެކި ތަންތަނުގައި ހާމަކުރި މައުލޫމާތުތަކުގައި އެއްގޮތްކަން ނެތުމާއި، މައުލޫމާތުތައް އުނިކޮށްފައިވުމުގެ ސަބަބުން ރިލްވާން ގަދަކަމުން ގެއްލުވާލި ކަމަށް ތުހުމަތު ކުރެވޭ މީހުންނާ މެދު ދައުލަތުން އަމަލުކޮށްފައިވާ ގޮތާ މެދު ބައިވަރު ސުވާލުތައް ވަނީ އުފެދިފައި،" މިއަދު ނެރުނު ބަޔާނެއްގައި އެ އެސޯސިއޭޝަނުން ވަނީ ބުނެފަ އެވެ.

އަދި، ރިލްވާން މަރުވެފައިވާ ކަމަށް ކޮމިޝަނުން ކަނޑައަޅާފައިވާއިރު އެކަމާ ގުޅޭ އެއްވެސް ލިޔެކިޔުމެއް ހިއްސާކޮށްފައި ނުވާ ކަމުގެ ކަންބޮޑުވުން ވެސް ވަނީ ފާޅުކޮށްފަ އެވެ. ހަމައެކަނި އަނގަބަހުން ބުނެފައިވާ ވާހަކައެއްގެ މައްޗަށް ބިނާކޮށް މި މައްސަލާގައި އާއިލާއަށް އެއްވެސް ގާނޫނީ ފިޔަވަޅެއް އެޅުމުގެ ފުރުސަތު ނެތްކަން ވެސް އެ ބަޔާނުގައި ވަނީ ފާހަގަކޮށްފަ އެވެ.

ފާއިތުވެދިޔަ އަށް އަހަރުގެ ތެރޭ މި މައްސަލައާ ގުޅިގެން ހިއްސާކޮށްފައިވާ މައުލޫމާތުތަކަށް ބިނާކޮށް އެސޯސިއޭޝަން ފޯ ޑިމޮކްރަސީން ގެންދަނީ ތަފްސީލީ ރިޕޯޓެއް ތައްޔާރުކުރަމުންނެވެ. އެ އެސޯސިއޭޝަނުން ވަނީ ވީހާވެސް އަވަހަށް މި މައްސަލައިގައި ތަހުގީގުގެ ނިންމުންތައް ލިޔެކިޔުމުން ހިއްސާކުރުމަށް ގޮވާލާފަ އެވެ.

އަދި، މި މައްސަލާގައި ތުހުމަތު ކުރެވޭ އެއްވެސް މީހަކު ޒިންމާދާރު މަގާމެއްގައި ހުރި ނަމަ ޝަރުއީ މަރުހަލާތައް ނިމެންދެން އެމީހެއްގެ މައްޗަށް ތަހުގީގު ހިންގައި މަގާމުން ސަސްޕެންޑު ކުރުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ވެސް ވަނީ ގޮވާލައްވައިފަ އެވެ.

މަރު ކޮމިޝަނުން ބުނީ ރިިލްވާން ވަގަށް ނަގައި މަަރާލީ ގޭންގުތަކާ ގުޅުން އޮންނަ ހަރުކަށި ފިކުރުގެ މީހުން، ސޯޝަލް މީޑިއާގައި ހިޔާލު ފާޅު ކުރަމުންދިޔަ މީހުންނާ ދެކޮޅަށް ހިންގި ޓެރަރިޒަމްގެ ކެމްޕެއިނެއްގެ ތެރެއިން ކަމަށެވެ.

ރިލްވާން މަރާލީ ދުރާލައި ރާވައިގެން ކަމަށާއި އެ ހާދިސާއަށްފަހު ރޭވިގެން ހެކި ނައްތާލާފައިވާ ކަމަށް ވެސް ކޮމިޝަނުން ބުންޏެވެ. އަދި ހެކި ނައްތާލުމާއި ރިލްވާން މެރުމުގައި ބައިވެރިވި މީހުން ރާއްޖެ ފިލައިގެން ދިޔުމަށް ފުލުހުންގެ ތެރެއިންނާއި އޭރުގެ ސަރުކާރުގެ އިސް ވެރިން މަސައްކަތް ކުރި ކަމަށް ވެސް ބުންޏެވެ.

ރިލްވާން މެރުމުގައި ބައިވެރިވި އެކަކު، އެ ހާދިސާ ކުރީގެ ރައީސް އަބްދުﷲ ޔާމީނަށް ކިޔައިދިން ކަމަށާއި އޭނާ ރާއްޖެއިން ބޭރަށް ފުރުވާލުމުގައި ޔާމީންގެ ދައުރެއްވާ ކަމަށް ވެސް ކޮމިޝަނުން ބުނެ އެވެ. އަދި ރިލްވާންއަށް އޮތް ނުރައްކާ ފުލުހުންނަށް ކުރިން އެނގުނު ކަމަށާއި ފިޔަވަޅު އެޅި ނަމަ އެއީ ހުއްޓުވުމުގެ ފުރުސަތު އޮތް މަރެއް ކަމަށް ވެސް ކޮމިޝަނުން ބުންޏެވެ.

މައްސަލައިގެ ތަފްސީލް

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox