ފިނީގެ ތޫފާނެއްގެ އަސަރު އެމެރިކާގެ 200 މިލިއަން މީހުންނަށް ކުރަމުންދާ އިރު، މިހާތަނަށް 12 މީހުން މަރުވެފައިވާ ކަމަށް ރިޕޯޓުތައް ބުނެފި އެވެ.
ހުކުރު ދުވަހު 1.5 މިލިއަން މީހުންނަށް ކަރަންޓުގެ ހިދުމަތް މެދުކެނޑި އެތައް ހާސް ފްލައިޓް ކެންސަލްވި އެވެ. ފިނީގެ ތޫފާން އޮތީ ބޮޑު ހިސާބަކަށް ފެތުރިފަ އެވެ.
އެގޮތުން, އެމެރިކާގެ ޓެކްސަަސް ސްޓޭޓުން ފެށިގެން ކެނެޑާގެ ކިޔުބެކްއާ ހަމައަށް 2،000 މޭލުގެ ސަރަަހައްދަކަށް އާދަަޔާ ހިލާފަށް ފިނިވަމުންދެ އެވެ.
އެމެރިކާގެ ނޭޝަނަލް ވެދާ ސާވިސް (އެންޑަބްލިއުއެސް) އިން ބުނީ މިއީ ފިނި މޫސުމުގައި މިހާތަނަށް ރެކޯޑު ކުރި އެންމެ ބޮޑު އެއް ތޫފާނު ކަމަށެވެ.
މޮންޓާނާގެ އެލްކް ޕާކްގެ ފިނިހޫނުމިން -45 ޑިގްރީ ސެލްސިއަސް އަށް ވެއްޓުނެވެ. ޕެންސިލްވޭނިއާ، މިޝިގަން، ބަަފަލޯ އަދި ނިއު ޔޯކަށް ވެސް ބޯކޮށް ސްނޯ ފައިބާނެ ކަމަށް ލަފާކޮށްފައިވެ އެވެ.
އެ ތަންތަނަށް 35 އިންޗީގެ ސްނޯ ފައިބާނެ ކަމަށް ބެލެވޭ އިރު، ސްނޯގެ ތޫފާނެއް އަންނާނެ ކަމަށް ބެލެވޭ ހިސާބުގައި އަށް މިލިއަން މީހުން ދިރިއުޅެ އެވެ.
އޭގެ އިތުރުން ނިއު އިންގްލެންޑް، ނިއު ޔޯކް އަދި ނިއު ޖާޒީގެ އައްސޭރިފަށުގެ ހިސާބުތަކުގައި ފެންބޮޑުވުމުގެ ހާދިސާތައް ވެސް ދަނީ މެދުވެރިވަމުންނެވެ.
