ސެކިއުރިޓީއާ ގުޅުން ހުރި ތުހުމަތުތަކެއް ކުރުމަށް ފަހު ފަލަސްތީނާއި ފްރާންސަށް ނިސްބަތްވާ އިންސާނީ ހައްގުތަކަށް މަސައްކަތް ކުރާ ގާނޫނީ ވަކީލެއް އިޒްރޭލުން ޑީޕޯޓުކޮށްފި އެވެ.
އިޒްރޭލުގެ އިންޓީރިއާ މިނިސްޓްރީން ބުނީ އާދީއްތަ ދުވަހުގެ ހެނދުނު އުމުރުން 37 އަހަރުގެ ސަލާހް ހަމޫރީ ފްލައިޓަކަށް އަރުވައި ފްރާންސަށް ފޮނުވާލާފައިވާ ކަމަށެވެ.
ހަމޫރީ ފްރާންސަށް ޑީޕޯޓް ކުރި އިރު، އޭނާ މުޅި އުމުރު މިހާތަނަށް ދިރިއުޅުނީ ގުދުސްގަ އެވެ. އޭނާއަކީ ޓެރަރިސްޓް ޖަަމިއްޔާއެއްގެ މެމްބަރެއް ކަމަށް ތުހުމަަތުކޮށް، ގުދުސްގައި އުޅުމުގެ ހައްގު ނިގުޅައިގަތެވެ.
ހަމޫރީ ވަނީ ތުހުމަތުތައް ދޮގުކޮށްފަ އެވެ. އަދި އިންސާނީ ހައްގުތަކަށް މަސަައްކަތް ކުރާ ގްރޫޕްތަކުން ވެސް އިޒްރޭލުގެ ނިންމުމަށް ފާޑުކިޔަ އެވެ.
ފްރާންސްގެ ފޮރިން މިނިސްޓްރީން އިޒްރޭލުގެ ނިންމުމާ މެދު ހިތްހަމަަނުޖެހުން ފާޅުކޮށް ބުނީ "ގާނޫނާ ހިލާފަށް ސަލާހް ހަމޫރީ ފްރާންސަށް އަރުވާލުމަށް އިޒްރޭލުގެ އިދާރާތަކުން ނިންމި ނިންމުން" ކުށްވެރިކުރާ ކަމަށެވެ.
ހަމޫރީ މަސައްކަތް ކުރަނީ ފަަލަސްތީނު ރައްޔިތުންނަށް ގާނޫނީ އެހީ ފޯރުކޮށްދީ، ގައިދީންގެ ހައްގުތަކަށް ވަކާލާތު ކުރާ އައްދަމީރް ގްރޫޕަށެވެ.
އިޒްރޭލުން އޮކްޜޯބަރު 2021 ގައިި ފަލަސްތީނުގެ މަދަަނީ ހަރަކާތްތަކަށް އޮތް ޖާގަ ކުޑަކޮށް، ގިނަ ޖަމިއްޔާތަކެއް މަނާ ކުރި އިރު، އައްދަމީރްއަކީ ޓެރަރިސްޓް ޖަމިއްޔާއެއް ކަމަށް ކަނޑައެޅި އެވެ.
